Efla á íslenska landsliðið
í áhaldafimleikum.
Míla ehf. hefur ákveðið
að efla íslenska landsliðið í
áhaldafimleikum. Skrifað var undir samning
þess efnis milli Mílu og Fimleikasambandsins
í Versölum, íþróttasal
Íþróttafélagsins Gerplu, í
dag að viðstöddum menntamálaráðherra,
Þorgerði Katrínu Gunnarsdóttur.
Samningurinn er til þriggja ára. Í
ár er áhersla á stuðning við
för íslenska landsliðsins á Heimsmeistaramót
í áhaldafimleikum kvenna og karla. Mótið
verður haldið í Stuttgart í Þýskalandi
dagana 26. ágúst - 10. september næstkomandi.
Þrír piltar og þrjár stúlkur
voru valin til að taka þátt fyrir Ísland
hönd.
Heimsmeistaramótið er úrtökumót
fyrir Ólympíuleikana 2008 sem haldnir verða
í Kína. Míla heitir aukaframlagi
til íslensku keppendanna nái einhver þeirra
að tryggja sér keppnisrétt á
Ólympíuleikunum.
Að sögn Kristjáns Erlendssonar, formanns
Fimleikasambands Íslands, byggist val keppenda
á frammistöðu þeirra á mótum,
hér á landi og erlendis. „Íslensku
keppendurnir hafa staðið sig frábærlega
að undanförnu og er skemmst að minnast afreka
þeirra á Smáþjóðaleikum,
þar sem bæði kynin unnu gullverðlaun
í liða keppni og Fríða Rún
og Viktor gull í fjölþraut. Í
heild tóku liðin með sér heim 7
gullverðlaun, 7 silfurverðlaun og 4 bronsverðlaun.
“ segir Kristján.
Með samstarfinu við Fimleikasambandið styður
Míla uppbyggingu afreksíþrótta
á Íslandi enda er afreksfólk fyrirmynd
annarra iðkenda. Samningurinn er einnig liður
í þeirri stefnu fyrirtækisins að
leggja jákvæðum og uppbyggilegum samfélagslegum
málefnum lið.
„Fimleikar eru góður grunnur fyrir allar
íþróttir og leggur grunn að góðum
líffstíl. Við eigum hæfileikaríkt
og metnaðarfullt afreksfólk í þessari
íþróttagrein sem náð hefur
frábærum árangri undanfarið á
mótum erlendis. Afreksfólk okkar í
fimleikum býr yfir krafti, beitir ögun, tækni
og forystu og stefnir ótrautt að settu marki.
Þessir grunnþættir birtast einnig í
stefnumörkun Mílu og móta framtíð
fyrirtækisins,” segir Eva Magnúsdóttir,
forstöðumaður sölu og markaðar hjá
Mílu.
Mila ehf, byggir á aldagamalli starfsemi fjarskiptanets
Símans sem lagt hefur grunn að öllum fjarskiptum
á Íslandi. Fyrirtækið var fyrr
á þessu ári skilið frá
annarri starfsemi Símans og er í eigu Skipta
hf. Kjarnastarfsemi Mílu er að byggja upp og
reka fullkomnasta fjarskiptanet á Íslandi
og selja aðgengi að því til annarra
fjarskiptafyrirtækja.
Frekari upplýsingar veita: Kristján Erlendsson,
formaður Fimleikasambands Íslands og Eva Magnúsdóttir,
forstöðumaður sölu- og markaðar
Mílu.
Ítarefni um keppendur:
Fríða Rún Einarsdóttir (15 ára),
hefur átt frábært fimleikaár.
Á Norðurlandameistaramóti í apríl
gerði hún sér lítið fyrir
og sigraði í fjölþraut, auk þess
sem hún varð Norðurlandameistari í
öllum greinum á mótinu. Það
hefur aldrei áður gerst að sama stúlkan
hljóti alla Norðurlandameistaratitlana á
einu og sama mótinu. Fríða sópaði
einnig að sér verðlaunum á Smáþjóðaleikum,
bæði í gulli og silfri. Á Ólympíuleikum
æskunnar í Belgrad í sumar náði
Fríða inn í úrslit í fjölþraut
í 24.sæti, hækkaði sig um 6 sæti
og endaði í 18.sæti. Til að sýna
hversu mikið afrek það er, þarf kannski
að taka fram að enginn annar keppandi frá
Norðurlöndunum náði inn í úrslit.
Með orðum hópstjórans:”...geislaði
þessi fimleikastjarna af yfirvegun og ákveðni
og var á meðal einstaka stúlkna sem
náðu að sýna ekta gleði og ánægju
í gólfæfingunum.”
Kristjana Sæunn Ólafsdóttir (16 ára)
er ein af okkar efnilegu fimleikakonum. Hún er
margfaldur unglingameistari og Íslandsmeistari.
Kristjana Sæunn var m.a. í verðlaunaliði
Íslands á Smáþjóðaleikum
þar sem hún stóð sig með miklum
ágætum.
Margrét Hulda Karlsdóttir er Íslandsmeistari
í fimleikum kvenna 2007. Hún er mikil keppniskona
og hefur staðið sig með ágætum.
Á Evrópumeistaramótinu hafnaði
hún í 53.sæti. Slys á æfingu
fyrir Smáþjóðaleikana hélt
henni frá keppni þar.
Rúnar Alexandersson hefur einn Íslendinga
keppt í fimleikum á Ólympíuleikum
og náði besta árangri sínum í
Aþenu 2004 þegar hann lenti í 7.sæti
á bogahesti. Til fjölda ára hefur Rúnar
átt öruggt sæti í landsliði
Íslands, sem nú í sumar vann til
gullverðlauna á Smáþjóðaleikum.
Rúnar er 30 ára, æfir í Eistlandi
undir leiðsögn rússnesks þjálfara
og ætlar nú að reyna að ná
lágmörkum á Ólympíuleikana
2008 í Kína.
Viktor Kristmannsson er einn af okkar bestu fimleikamönnum
í fjölþraut. Hann keppti á Evrópumeistaramótinu
í Amsterdam í apríl þar sem
hann hafnaði í 47 sæti. Á Smáþjóðaleikunum
stóð hann sig með afbrigðum vel og
fór hann heim með 7 verðlaunapeninga, þ.m.t.
gull með liðinu og gull í fjölþraut.
Heimsmeistaramótið er eina tækifærið
til að ná lágmörkum fyrir Ólympíuleika.
Róbert Kristmannsson er á hraðri uppleið
og kemur fast á hæla Viktors, bróður
síns. Vegna meiðsla keppti hann lítið
fyrri hluta ársins en náði ágætum
árangri á Evrópumeistaramótinu
í Amsterdam.
Þjálfarar með keppendum verða
Guðmundur Þór Brynjólfsson og
Vladimir Antonov.
