Íþróttafélagið Gerpla hafnaði í 2. sæti á Evrópumóti í hópfimleikum sem fram fór um helgina en um var að ræða stúlknalið. Er þetta annað Evrópumótið í röð sem stúlkurnar hafna í öðru sæti. Þess má geta að þær sigruðu á mótinu í gær en þá fór fram undanúrslit. Lið Ármanns hafnaði í 4. sæti en þar var um að ræða lið í blönduðum flokk stúlkna og pilta.
Sérlega glæsilegur árangur.
Íþróttafélagið Gerpla stóð fyrir samfangaði fyrir stúlkurnar í P1 sem að viðstöddum foreldrum stúlknanna, forráðamönnum bæjarins og ýmsum félagsmönnum í Gerplu.

Haustmót í áhaldafimleikum í þrepunum fór fram (sunnudaginn 19. febrúar) rétt eins og verið hefur eins lengi og ég man eftir mér. Á hverju hausti kemur kuldinn og einnig Haustmót FSÍ. Þannig hefur það verið og verður vonandi um ókomna tíð. Það er alltaf tilhlökkun að sjá hvernig iðkendurnir standa í byrjun vetrar og að bera saman í huganum frammistöðu þeirra við stöðu sl. vor. Óhætt er að segja að á heildina litið sé útlitið gott. Margar glæsilegar æfingar og fullt af flottum iðkendum sem greinilega eru vel undir veturinn búinn. Aðrir ætla að æfa sig aðeins betur og mæta á næsta mót enn betri en á Haustmótinu. Sannkallaðir frammtíðarmeistarar sýndu okkur flotta fimleika á mótinu. Mótið fór fram í Ármannsheimilinu undir stjórn Fimleikadeildar Ármanns og tókst almennt vel til.
Jón Finnbogason
Sendið mér comment ef einhver eru á: fimleikar@fimleikar.is eða 696-1855.

Haustmótið að þessu sinni markar fyrstu spor í mjög sorglegri þróun sem stýrt er úr Fimleikasambandi Íslands. Þannig virðist vera að viðbrögð FSÍ við fjölgun í greininni er sú að dregið er úr þjónustu gagnvart þeim stúlkum sem eru að keppa í 5. og fjölmennasta þrepi í íslenska fimleikastigans. Sú ákvörðun hefur nú verið tekin til framkvæmda að meina þessum ungu og efnilegu stúlkum þátttöku á Haustmóti FSÍ. Á vegum sambandsins er því enginn viðburður fyrir þessar stúlkur fyrr en eftir áramót. Hér er rétt að hafa í huga að fyrir þær flestar eru aðeins tvö verkefni á ári á vegum FSÍ. Það var Haustmót og Þrepamót. Sumar komast jú á Bikarmót og aðeins örfáar komast á Íslandsmót í þrepum. Hér er því um að ræða fækkun á verkefnum fyrir flestar stúlkurnar úr 2 ári í 1. Eftir stendur Þrepamót. Stúlkurnar greiða þó allar þjónustugjöld til FSÍ allt árið um kring ásamt því að greiða þátttökugjald á þessu eina móti. Döpur þróun á tímum þar sem íþróttaiðkun og þátttaka í íþróttaviðburðum er okkur enn mikilvægara en áður. Vona ég að þessari þróun verði snúið við.
Jón Finnbogason
Sendið mér comment ef einhver eru á: fimleikar@fimleikar.is eða 696-1855.

Á umliðnum árum hafa foreldrar ítrekað leitað til mín eftir fimleikamót með umkvartanir og athugasemdir út á dómgæslu. Hefur þeim oft á tíðum þótt skorta á samræmi milli einkunna. Haustmótið nú var ekki undantekning og aftur áttu foreldrar frumkvæði af því að ræða þessi mál við mig en auk þess þá læddist að mér sá grunur að ekki væri allt með felldu í tilviki sem ég sjálfur fylgdist grant með. Það er mín skoðun að það þurfi að vera til staðar kerfi sem hafið er yfir allan vafa. Á mótum erlendis er ekki óalgengt að viðhaft sé tiltekið eftirlitskerfi. Frammistaða dómara er metin og þeir vita af því eftirlitskerfi. Björn Magnús Tómasson og Berglind Pétursdóttir, tveir af okkar alþjóðlegu dómurum, þekkja vel til slíkra eftirlitskerfa enda hafa þau bæði hlotið staðfestingu á að þeirra frammistaða hafi verið þeim og Íslendingum öllum til sóma. Slíkt eftirlitskerfi var ekki til staðar á Haustmótinu og er almennt ekki viðhaft á Íslenskum fimleikamótum. Til að auka vandvirkni í dómgæslu tel ég rétt að skoða það með ítarlegum hætti að sett verði á fót eftirlitskerfi með dómgæslu á mótum á vegum FSÍ. Hér mætti til dæmis skoða hlutverk Eftirlitsdómara hjá Handknattleikssambandi Íslands (sjá hér). Niðurstöður úr slíku eftirliti mættu til dæmis gera opinberar á heimasíðu FSÍ. Þannig er dómurum veitt aðhald og meiri líkur á því að þeir mættu til leiks vel undirbúnir rétt eins og iðkendurnir sjálfur en þeir hafa mánuðum saman undirbúið sig. Frammistaða iðkenda er gerð opinber á heimasíðu FSÍ og því ekki óeðlilegt að frammistaða dómara verði einnig gerð opinber.
Jón Finnbogason
Sendið mér comment ef einhver eru á: fimleikar@fimleikar.is eða 696-1855.

Í sjónvarpinu sá ég fimleika! Jú það gerist ekki oft en þegar það gerist er það alltaf jafn ánægjulegt. RÚV sýndi frá hópfimleikum í þætti sínum kl. 22:20 í gærkvöldið. Það sem vakti kannsk einnig enn meiri athygli var að "fréttin" var ekki síðust í þættinum eins og við fimleikafólk erum farain að venjast þegar okkur eru sýndur sá heiður að okkar fólk birtist í sjónvarpi.
Það sem mér þótti þó skemmtilegast af öllu, jú þar sem ég var búinn að sjá áður allt sem sýnt var, er viðtalið við Írisi Svavarsdóttur og Hrefnu Hákonardóttur. Þær eru jú alltaf jafn glæsilegar en þó sérstaklega flottar í þessu viðtali. Tilsvör þeirra voru skýr og komu þær umfangi og gleði íþróttarinnar mjög vel til skila alla leið heim í stofu til allra landsmanna. Þær eru verðugir talsmenn íþróttarinnar í fjölmiðlum.
Jón Finnbogason
Sendið mér comment ef einhver eru á: fimleikar@fimleikar.is eða 696-1855.

Í dag fór fram hópfimleikasýning þar sem þátttakendur Íslands á fyrirhuguðu Evrópumóti sýndu okkur hvernig þau standa núna rétt fyrir mótið. Óhætt er að segja að þátttakendurnir þurfa ekki að kvíða framkomu sinni á Evrópumótinu. Fimleikafólkið hefur greinilega nýtt tíman vel í sumar. Mikill munur á ykkur núna m.v. hvernig veturinn endaði í fyrra. Ég verð að segja að þær framfarir sem þið hafið nú tekið, og sannað með framkomu ykkar í dag, að þær munu skila ykkur góðum árangri á Evrópumótinu. Um það er ég viss.
Við mættum öll fjölskyldan á mótið, þ.e.a.s. við Linda og dætur okkar Elsa, Laufey og María ásamt honum Andra litla. Skemmtum við okkur öll mjög vel (veit ekki með Andra þar sem hann tjáir sig lítið (eins árs!)). Ég verð að segja að mest um vert er að þarna fór fram góð skemmtun. Ótrúlegt hvað við eigum orðið mikið af snjöllum iðkendum sem virkilega geta gert flotta fimleika. Áður fyrr var kannski einn og einn sem gerði "flotta" æfingu. Nú er það ekki þannig. Í dag sáum við breiðan hóp iðkenda sem sýndu okkur fallega fimleika. Í miðri umræðu um erfiðleika og þunga stöðu í Íslensku efnahagslífi og öllu samfélaginu þá er eitt víst. Íþróttafólkið okkar verður ekki tekið frá okkur. Þeirra geta vex og vex. Er ég fullviss um að þeir fimleikar sem við sáum í dag munu örugglega skila okkur verðlaunum á Evrópumótinu sem verður í Gent í Belgíu 25. - 26. október n.k. Hugsanlega ekki bara í einum flokk heldur bæði í kvennaflokki og blönduðum flokki pilta og stúlkna (mix).
Nokkur orð til liðanna:
Ármann-Grótta, Grámann: Þið sýnduð flotta fimleika. Flott stökk. Þið hafið náð tökum á dansinum frá því í vor. Hann er orðinn virkilega flottur, mikil tjáning, flottar hreyfingar og línur. Ykkar fyrsta áhald, trampolínið, var flott. Erfið stökk og flott úrfærsla. Þið áttuð nokkur föll í lendingum sem þarf að taka í burtu. Frammistaða ykkar lofar mjög góðu.
Gerpla: Þið áttuð gott mót að því að mér fannst. Sýnduð ykkar sterku hlið. Gaman að sjá heila umferð í dýnustökkum með tvöfölldu með beinum líkama. Gladdi augað. Huga að röðum í dansinum. Laga aðeins trampolínið yfir hest (voruð svolítið nálægt hestinum og jú snertuð hann líka aðeins). Lítið eitt hér og þar en efst í huga að þetta er nánast komið. Klára smáatriðin og taka svo mótið úti.
Selfoss: Ég verð að hrósa ykkur fyrir dansinn ykkar. Hann er ofðinn mjög flottur. Línur flottar og voru þið mjög samtaka út allan dansinn að því er mér fannst. Huga þarf að lendingum og stíl í dýnustökki og trampolíni. Verð að taka fram að stúlkan sem stökk síðast á tampolíni og dýnustökkum átti mjög góðan dag að því er mér fannst. Þið eruð á góðri leið.
Stjarnan: Mér þykir þið hafa tekið út mikinn þroska í sumar sem lið. Komuð fram sem sterkur hópur. Ekki verður komist hjá því að hrósa ykkur fyrir að sýna okkur erfiðustu æfingar sem sést hafa á íslensku fimleikamóti í hópfimleikum, þ.e.a.s. þrefallt heljarstökk með hálfri skrúfu og pinna það eins og sagt er. Ekki heldur gleyma að við sáum líka tvöfallt heljar með tvöfalldri skrúfu, pinnað!. Annars breiður hópur stökkvara á réttri leið. Þarf að laga aðeins lendingar og stíl í nokkrum æfingum. Flott hjá ykkur.

Að mínu mati er niðurstaðan því þessi: Góð skemmtun. Þið voruð öll flott. Eins og einn góður sagði við mig: Rest is just details!
Jón Finnbogason
Sendið mér comment ef einhver eru á: fimleikar@fimleikar.is eða 696-1855.