Sjá nánar hér.

Frá TK um lágmörk 2008 sjá nánar hér og frá TKV um lágmörk sjá nánar hér.

Nú um helgina fer fram Norður-Evrópumótið í áhaldafimleikum 2007 en að þessu sinni er það haldið í Dublin á Írlandi. Þangað fer til keppnin 15 manna hópur frá Íslandi. Keppendur á mótinu eru sem hér segir: Rúnar Alexandersson, Róbert Kristmannsson, Viktor Kristmannsson, Ólafur Örn Gunnarsson og Ingvar Ágúst Jochumsson. Til vara: Brynjar Wilhelm Jochumsson og Jón Sigurður Gunnarsson.
Dóra Sigurbjörg Guðmundsdóttir, Sigrún Dís Tryggvadóttir, Thelma Rut Hermannsdóttir, Harpa Dögg Steindórsdóttir og Þórdís Helga Kjartansdóttir. Dómari í ferðinni er Sandra Dögg Árnadóttir og Anton Heiðar Þórólfsson og þjálfarar Berglindi Pétursdóttur og Heimir Jón Gunnarsson.

Hlín Bjarnadóttir, þjálfari í Gerplu, alþjóðlegur dómari og tækninefndarkona, var að ljúka FIG þjálfaranámskeið í vikunni en það fór að þessu sinni fram í Þýskalandi. Um var að ræða 10 daga námskeið í 3. stigi FIG þjálfaragráðunnar (FIG Coaching Brevet) þar sem þétt dagskrá meðal fremstu þjálfara Evrópu. Enn og aftur stóð Hlín sig sérstaklega vel á þessum vetvangi og gerði sér lítið fyrir og náði 92 stigum sem skilaði henni annarri hæstu einkunn á náskeiðinu. Með henni í för var Guðmundur Þór Brynjólfsson og sonur þeirra Bjarni Freyr. Var tekið sérstaklega fram við afhendingu gráðunnar, að Hlín og Guðmundur væru fyrsta parið sem FIG hefði útskrifað af 3. stigs námskeiðinu en Guðmundur lauk þessu námskeiði fyrir nokkru. Frábær árangur hjá Hlín sem við óskum henni til hamingju með.

Þann 29, maí sl. hélt tækninefnd kvenna í áhaldafimleikum opin fund um íslenska fimleikagstigann sem var endurgerður árið 2006 og keppt var í nú á vorönn á þrepamóti, bikarmóti og á Íslandsmóti í þrepum FSÍ. Þau aðildarfélög sem æfa og keppa í fimleikastiganum hafa flest fylgst vel með þróun á þessum keppnisþrepum og hafa margar góðar ábendingar komið fram sérstaklega sumar og haust 2006 sem tekið var tillit til í keppnisæfingum og dómarabók.
Nánar hér.

Eins og búist var við þá varð uppselt á allar þrjár sýningar Kínverska loftfimleikaflokksins sem skipulagðar voru, með 600 miðum á hverja sýningu, alls 1.800. Vegna gríðarlega mikils áhuga þá var brugðið á það ráð að bæta við einni stúku í Versali með um 100 sætum á allar þrjár sýningarnar sem og að bæta við sýningu á föstudaginn, því með um 700 sætum. Alls var því bætt við 1.000 sætum. Ljóst er að þessi viðbót dugar skammt því þegar hafði myndast biðlisti upp á um 350 miða. Auk þess fór strax helmingur allra þeirra miða sem urðu til með með nýrri sýningu á föstudaginn. Þeir sem vilja ekki missa af þessu einstaka tækifæri eiga nú kost á nokkrum miðum á sýningu á föstudaginn. Miðasala fer fram hjá Íþróttafélaginu Gerplu í Versölum og opnar kl. 15:00 og einnig er tekið við pöntunum í síma 557 4925.

Nú þegar er orðið uppselt á sýningu Loftfimleikahópsins á laugardaginn n.k. Lítið er eftir af miðum á fimmtudag og sunnudag. Þeir sem ætla að sjá sýningarnar og hafa enn ekki tryggt sér miða eru hvattir til þess að gera það sem fyrst. Unnið er að því að athuga hvort að það sé hægt að leigja viðbótarstúku til þess að bæta við um 150 sætum á hverja sýningu en óvíst er hvort að það takist.
Fyrsta æfinga var hjá hópnum í dag (þriðjudag) og er óhætt að segja að við munum fá að sjá glæsileg sýningaratriði. Góða skemmtun.