Hér á Heimsmeistaramótinu hefur verið frábær stemming hjá mjög fjölmennum hóp Íslendinga sem fylgst hafa með mótinu. Allir eru sammála um að sérstakur "klapp-dans" sem strákarnir okkar sömdu (þ.e.a.s. stuðingshópurinn) hefur slegið í gegn hér á mótinu því hann er svona að orðið "tendið" í salnum. Davíð Ingason og fleiri félagar hans stóðu fyrir skipulagðri ferð á mótið og eiga þeir hrós skilið enda veittu þeir okkar keppendum öflugan stuðning og hvattningu sem við erum ekki alveg von á stórmótum erlendis. Einnig eru fleiri hópar sem tekið hafa sig saman og farið á mótið sem myndar skemmtilega samheldni meðal Íslendinga á mótinu. Er það vonandi að framhald verði á því að við fjölmennum á stórmót og hvetjum okkar keppendur ásamt því að njóta þess að fylgjast með öllu besta fimleikafólki í heiminum.

Nýkrýndum heimsmeistara var fagnað gríðarlega eftir að ljóst varð að hún hafði hlotið flest stig og sigrað mótið. Það var greinilega mikil gleði þegar fjölskylda hennar fagnaði henni innilega eins og sjá má á myndinni til vinstri. Það var svo enginn annar en Bruno Grandi forseti Alþjóða Fimleikasambandsins sem var með þeim fyrstu til þess að knúsa nýjan heimsmeistara en hann kemur einnig frá Ítalíu.

FERRARI Vanessa frá Ítalíu er heimsmeistari í fjölþraut kvenna í áhaldafimleikum (61,025 stig) og í öðru sæti varð BIEGER Jana frá Bandaríkjunum (60,750 stig) og í þriðja sæti varð IZBASA Sandra Raluca frá Rúmeníu (60,25 stig).
FERRARI Vanessa verður 16 ára 10. nóvember n.k. Hún hefur átt viðburðarríkt ár með Ítalska landsliðinu en auk þess að verða sigra í fjölþraut á heimsmeistaramótinu þá sigraði hún einnig í fjölþraut á Evrópumótinu í Volos á Grikklandi (60,925 stig) og sigraði með Ítalska landsliðinu í liðakeppni. Í úrslitum á einstökum áhöldum á Evrópumótinu hafnaði hún í 2. sæti í gólfæfingum með 15,45 stig og 2. sæti á tvíslá með 15,625 stig.
BIEGER Jana, verður 17 ára 12. nóvember n.k. Hún er dóttir Andreu Bieger og Wolfgang Heiden en móðir hennar keppti þríveigis fyrir Vestur Þýskaland á Ólympíleikum en að hennar sögn er móðir hennar sín fyrirmynd í lífinu. BIEGER er ekki óvön að sigra til verðlauna á stórmótum en hún hlaut 1. sæti á stökki (14,625 stig) á heimsbikarmóti (World Cup/Series) í Cuttbus á þessu ári ásamt því að lenda í 2. sæti á slá (14,875 stig) og 3. sæti á tvíslá (14,775 stig).

IZBASA Sandra Raluca varð 16 ára 18. júní sl. og hefur átt gott ár. Hún varð í öðru sæti á Evrópumótinu í Volos á Grikklandi (59,2 stig) næst á eftir FERRARI Vanessu en sigraði í gólfæfingum með 15,55 stig og á slá með 15,675 stig. Þá varð hún í 2. sæti í gólfæfingum með 14,95 stig á heimsbikarmóti (World Cup/Series) í Lyon á þessu ári ásamt því að lenda í 3. sæti á slá með 14,2 stig.

Berglind Pétursdóttir var B3 dómari á stökki í fjölþrautarúrslitum.

YANG Wei frá Kína er heimsmeistari í fjölþraut karla í áhaldafimleikum (94,4 stig) og í öðru sæti varð TOMITA Hiroyki frá Japan (93,175 stig) og í þriðja sæti varð HAMBUECHEN Fabian frá Þýskalandi (92,975 stig).

Á blaðamannafundi sagði YANG Wei, nýkrýndur heimsmeistari, að hann væri búinn að bíða í mörg ár eftir þessu móti og hafi hann æft stöðugt með það í huga. Þrátt fyrir sigur á mótin þá sagði hann að hans lífsreynsla í aðdraganda mótsins á æfingum með félögum sínum hafi gefið honum meira heldur en sjálfur sigurinn í dag. Keppnin var mjög hörð og aðeins munaði 1,825 stigum á honum og TOMITA Hiroyuki fyrir æfingar á svifrá (síðasta áhaldið) og 2,25 stigum á honum og HAMBUECHEN Fabian. Á blaðamannfundi sagðist hann hafa fylgst vel með stigunum á mótinu og þar sem hans helstu keppendur gerðu æfingar sínar á undan honum á svifrá og fengið 15,45 (TOMITA) og 15,675 (HAMBUECHEN) vissi hann hvað hann þurfti að gera. Hann sagðist því hafa breytt æfingum sínum á svifrá til þess að auka líkur sínar á sigri. Örugg æfing sem færði honum aðeins 14,85 stig hafi verið meira hann þurfti til þess að skila honum heimsmeistaratitil.

TOMITA Hiroyuki, fráfarandi heimsmeistari í fjölþraut, sagði eftir mótið að hann hafi gert allt sem hann gat til þess að verja titil sinn frá því í fyrra en allt kom fyrir ekki. Keppnin hafi verið hörð og niðurstaða lægi nú fyrir.

Óhætt er að segja að fyrir áhorfendur í höllinni hér Århus í Danmörku hafi HAMBUECHEN Fabian verið sigurvegari mótsins. Eini keppandinn frá Evrópu í efstu sætunum heillaði áhorfendur með sér með jákvæðri og líflegri framkomu allt frá byrjun mótsins. Sagði hann að allt hafi gengið upp hjá sér á mótinu. Hann hafi aldrei keyrt mót jafn vel og hann gerði í dag. Þetta væri í fyrsta skiptið sem hann kæmist á verðlaunapall á stórmóti sem væri mikill sigur fyrir sig. Þetta er besti dagur lífs míns sagði hinn ungi HAMBUECHEN Fabian frá Þýskalandi og brosti sínu breyðasta.

Góðar heimasíður af HM:
Úrslit (online results) http://www.swisstiming.com/sports/gym/Index.htm
FIG: http://www.fig-gymnastics.com/cache/compo/13503-116-10001.html
Opinber heimasíða mótsins: http://www.vm2006gym.dk/

Stúlkurnar frá Ítalíu voru glæsilegar en þær eru núverandi Evrópumeistarar en engu að síður höfnuðu í 9. sæti og komustu ekki í úrslit í liðakeppni.

Í sjöunda skiptið sigraði Kína í liðakeppni karla á Heimsmeistaramóti (1983, 1994 - 1999, 2003 og 2006). Í hverju liði eru 6 keppendur en aðeins 3 keppa á hverju áhaldi og allir telja til stiga. Er í þessu keppnisformi mjög kostnaðarsamt að gera mistök og geta þau auðveldlega kostað liðið verðlaunasæti. Talið er að úrslit í liðakeppni sé góður mælikvarði á hvar bestu fimleikamennirnir eru ("Cream of the Cream").
Á mótinu byrjaði bæði Kína og Japan á gólfæfingum, Rússland og Rúmenía á bogahesti, Kanada og Þýskaland á hringjum en Sviss og Belarus á stökki.
Bæði Kína (ZOU Kai, 14,05 stig) og Japan (Hiroyki Tomita, 14,575) byrjuðu á mistökum og stigu m.a. útfyrir 12*12 stökksvæðið.
Á bogahesti fékk Rússland 45,35 stig þar sem Nikolay Krukov var hæstur með 15,6 stig en Rúmenía hlutu 44,7 stig þar sem Ilie Daniel Popescu fékk flest stig eða 15,575 stig.
Eftir því sem keppnin leið áfram kom í ljós að keppnin var á milli Kína og Rússa en eftir 5 áhöld voru stiginn þannig að Kína var með 233 stig og Rússland 231,275 stig. En eftir síðustu umferðina lá niðurstaðan fyrir að Kína sigraði í sjöunda sinn með 277,775 stig og Rússland í öðru sæti með 275,4 stig.

Björn Magnús Tómasson var B3 dómari á stökki í úrslitum í liðakeppninni.

Kína tryggði sér nauman sigur á Heimsmeistaramótinu í liðakeppni kvenna þegar stúlkurnar sigruðu Bandaríkin með aðeins 0,85 stigum. Kína hlaut samtals 182 stig en Bandaríkin 181,35 stig. Í þriðja sæti varð Rússland með 177,325 stig.
Óhætt er að segja að ítrekuð mistök stúlkanna frá Bandaríkjunum hafi kostað þær gullverðlaunin en yfirburðir sveitarinnar voru mjög miklir í undanúrslitum. Strax á fyrsta áhaldi og þeirra fyrsti keppandi (BIEGER Jana) byrjaði með falli á stökki. Því næst færðu þær sig yfir á tvíslá þar sem MEMMEL Chellsie átti einnig fall. Á slá voru einnig mistök þar sem naumlega var komist frá falli af slánni en svo enduðu stúlkurnar frá Bandaríkjunum á því að stíga út fyrir gólfflötinn í gólfæfingum. Kínversku stúlkurnar sem ekki höfðu átt jafn sterkan dag í undanúrslitum gerðu allar sínar æfingar á áfalla. Tryggði það þeim sigur á Heimsmeistaramótinu.

Stúlkurnar frá Kína fagna hér gullverðlaunum sínum. Þær eru: CHENG Fei, HE Ning, LI Ya, PANG Panpan, ZHANG Nan og ZHOU Zhuoru. Sveit Bandaríkjanna ber sig vel með silfurverðaun sín. Þær eru: BIEGER Jana, KELLEY Natasha, LIUKIN Anastasia, MEMMEL Chellsie, PRIESS Ashley og SACRAMONE Alicia.

Berglind Pétursdóttir var línudómari í gólfæfingum í úrslitum í liðakeppni.

Heimsmeistaramótið í áhaldafimleikum er stórvaxinn íþróttaviðburður. Þátttakendur koma frá 62 þjóðum og er heildarfjöldi íþróttamanna 544. Fjöldi þjálfara, dómara og annarra aðstoðamanna er 744.

Fjölmiðlafulltrúar eru 300 og er mótið sýnt í sjónvarpi í 35 til 40 löndum. Þess má geta að í keppnissalnum eru um 30 upptökuvélar fyrir sjónvarpsáhorfendur. Fram hefur komið að áætlaða var að um 10 milljón áhorfendur hefðu fylgst með úrslitum í liðakeppni karla og það aðeins í Japan en lið þeirra varð í þriðja sæti.

Umfangsmikill viðburður sem þessi fer ekki fram án sjálfboðaliða en fjöldi þeirra á mótinu er um 500 talsins.

Gistinætur á hótelum í Århus vegna viðburðarins eru 20.000 og er talið að máltíðir vegna þátttakenda, þjálfara, dómara og aðstoðarmanna sé um 35.000.

Margrét Hulda Karlsdóttir í gólfæfingum í undanúrslitum á HM en fyrir þær hlaut hún 12,1 stig.

Sif Pálsdóttir í gólfæfingum í undanúrslitum á HM en fyrir þær hlaut hún 12,525 stig.

Stekt lið Kína komst næst því að ógna yfirburðum stúlknanna frá Banaríkjunum þegar þær enduðu í öðru sæti í undanúrslitum fyrir liðakeppni. Engu að síður er forystan örugg og næsta víst hverjir munum hampa heimsmeistaratitlinum í liðakeppni stúlkna. Ljóst er að það þarf mikið öryggi og þor í að framkvæma þær æfingar sem sjá má að meðfylgjandi myndum af stúlkum í Kínversku sveitinni.

Þegar Íslensku stúlkurnar höfðu lokið keppni á HM fylgdust þær grant með stúlkunum frá USA enda eru þær í algjörum sérflokki á mótinu.

Segja má að stúlkurnar frá Bandaríkjunum séu komnar hingað til Danmerkur til þess að sækja 1. verðlaunin sín en svo geta aðrar þjóðir keppt um hin sætin því yfirburðir þeirra eru mjög miklir í undankeppni fyrir liðakeppnina sem fer fram síðar í vikunni.

Samtals hlutu stúlkurnar frá Bandaríkjunum 243,325 stig á meðan næsta þjóð á eftir þeim er með 234,8 en það er Rússland. Í þriðja sæti er svo Rumenía með 232,6 stig. Átta efstu þjóðirnar í undanúrslitum komast áfram í útslit í liðakeppni.

Frá vinstri: Ásdís Pétursdóttir (þjálfari), Hera Jóhannesdóttir, Sif Pálsdóttir, Margrét Hulda Karlsdóttir og Inga Rós Gunnarsdóttir fylgjast með Aliciu Sacramone í gólfæfingum en hún hlaut 15,55 stig fyrir æfingar sínar.

Íslenska kvennalandsliðið í áhaldafimleikum hefur nú lokið keppni á HM en flest stig hlaut Sif Pálsdóttir (53,0) en hún fékk sjálf flest stig á stökki eða 13,775. Sif gerði allar æfingar sínar af miklu öryggi. Næst á eftir henni kom Margrét Hulda Karlsdóttir (48,9 stig) en hún hlaut flest stig fyrir æfingar á slá 13,275 en nýlega varð hún í 2. sæti á Norður Evrópumótinu í æfingum á Slá. Hera Jóhannesdóttir (47,90 stig) kom sterk til leiks en hún tók lítið þátt á mótum í fyrra vegna meiðsla en eftir góðan undirbúning í sumar þá skilaði hún æfingum sínum vel og sín flest stig halut hún á stökki eða 12,625. Inga Rós Gunnarsdóttir keppnu á tveimur áhöldum, tvíslá og slá, og hlaut hún samtals 23,1 stig en hún fótbrotnaði á Evrópumótinu nú í vor. Af þeirri ástæðu keppti hún ekki í æfingum á gólfi og stökki. Stúlkurnar keppnu því ekki á öllum áhöldum í liðakeppninni en hlutu samtals 172,9 stig og er einkunn þeirra því ekki að fullu samanburðarhæf við niðurstöður í liðakeppninni. En til gamans má nefna að ef einkunnir Ingu Rósar frá Íslandsmótinu sl. á gólfi og stökki (24,367 stig) yrði bætt við niðurstöðu stúlknanna fengju þær samtals 197,267 og færu þar með fram úr bæði Danmörku (185,9 stig) og Svíþjóð (196,775). Finnland á eftir að ljúka keppni.

Keppni einstaklinga er ekki enn lokið. Fréttir um einstök sæti keppenda í fjölmiðlum eru því rangar.

Piltarnir hafa lokið keppni á HM með ágætum árangri. Viktor Kristmannsson varð efstur Íslensku keppendanna með 82,2 stig en hann kláraði allar sýnar æfingar með miklu öryggi. Greinilegt að hann er að komast í gott form. Miðað við núverandi stöðu í keppninni þá eru aðeins tveir keppendur frá Norðurlöndum með hærri stig en Viktor. Rúnar Alexandersson hlaut 80,075 stig og átti nokkrar ágætar æfingar s.s. í hringjum þar sem hann er með hæstu einkunn keppenda frá Norðurlöndunum, 14,350 stig, eins og staða keppninnar er núna. Róbert Kristmannsson og Bjarki Ásgeirsson tóku einnig þátt á öllum áhöldum. Róbert hlaut 76,425 stig og Bjarki 75,725 stig. Ingvar Jochumsson og Anton Heiðar Þórólfsson tóku báðir þátt í þremur greinum, þar sem Ingvar tók þátt í hringjum, stökki og tvíslá og Anton á gólfi, bogahesti og svifrá. Gerður þeir einnig sínar æfingar með miklum ágætum.

Undanúrslitu í liðakeppni og fjölþraut pilta er lokið. Tólf efstu liðin tryggðu sér þátttökurétt á HM í Stutgard að ári liðnu en þá verður keppt um þátttökurétt á OL í Peking 2008. Efsu 8 þjóðirnar keppa til úrslita í liðakeppni síðar í vikunni. Röð efstu liða var sem hér segir: China (372,25), Japan (367,75), Russia (365,4), Romania (364,325), Canada (361,975), Germany (361,075), Switzerland (359,2), Belarus (359,175). Næstu þjóðir þar á eftir, sem tryggt hafa sér þátttökurétt á HM á næsta ári: Spain (358,528), France (358,475) ...

Björn Magnús Tómasson var B1 dómari á svifrá í undanúrslitum.

Fremsta röð frá vinstri: Davíð Kristján Ólafsson, Brynjar Wilhelm Jochumsson, Sigrún Dís Tryggvadóttir, Fríða Rún Einarsdóttir, Kristjana Sæunn Ólafsdóttir, Anna Líney Ívarsdóttir, Dóra Sigurbjörg Guðmundsdóttir, Thelma Rut Hermannsdóttir.
Miðröð frá vinstri: Ólafur Garðar Gunnarsson, Viktor Orri Anderssen, Harpa Dögg Steindórsdóttir, Anna Guðný Sigurðardóttir, Karen Sif Viktorsdóttir, Sara Glóð Jónsdóttir.
Aftasta röð: Hlín Bjarnadóttir, Yinian Ye, Svetlana Makaritseva, Nadezda Tarvida og Irina Antonova. Á myndina vantar Gunnhildi Guðjónsdóttur, Guðmund Þór Brynjólfsson, Vladimir Antonov og Mikolay Vovk.

Eins og nánar má lesa um á síðunni þá var árangur á þessum mótum afar góður og var full ástæða til að staldra við og veita viðurkenningar. Iðkendur félagsins á Malarcup fengu viðurkenningarskjöld með þeirra nafni áletruðu og þjálfara og dómarar fengur rós. Allir þátttakendur, þjálfarar og dómarar félagsins á Norður Evrópumótinu fengu rós ásamt því að iðkendum var veitt viðurkenning fyrir að fullskipa landslið Íslands í karla og kvennaflokki á mótinu.

Um næstu helgi hefst Heimsmeistaramót í áhaldafimleikum sem fram fer í Århus í Danmörku. Að þessu sinni taka 10 fimleikamenn og konur þátt í mótinu. Er það í annað sinn sem svo stór hópur tekur þátt í Heimsmeistaramóti í fimleikum en fyrir utan Ólympíuleika er óhætt að þátttaka á Heimsmeistaramóti sé mesta afrek hvers fimleikamanns. Næsta Heimsmeistaramót verður 2007 og verður það úrtökumót fyrir Ólympíuleikana í Peking 2008.
Spennandi verður að sjá hvernig okkar fulltrúm vegnar en þau hafa öll lagt gríðarlega miklar æfingar á sig til þess að taka þátt í mótinu.
Skemmst er að minnast einstaks afreks Sifjar Pálsdóttur frá því á Norðurlandameistaramótinu í vor þar sem hún stóð uppi sem sigurvegari mótsins.
Nánar hér.

Hverjir tóku þátt:
Lið Gerplu 1 var skipað þeim: Hörpu Dögg Steindórsdóttur, Thelmu Rut Hermannsdóttur, Fríðu Rún Einarsdóttur og Kristjönu Sæunni Ólafsdóttur. Lið Gerplu 2 var skipað þeim: Sigrúnu Dís Tryggvadóttur, Dóru Sigurbjörgu Guðmundsdóttur og Önnu Líney Ívarsdóttur. Lið Gerplu 3 var skipað þeim Söru Glóð Jónsdóttur, Önnu Guðnýju Sigurðardóttur, Gunnhildi Guðjónsdóttur og Karen Sif Viktorsdóttur. Sjá úrslit í liðakeppni hér.
Lið Ármanns 1 var skipað þeim: Bjarka Ásgeirssyni, Tómasi Aron Guðmundssyni, Sindra Stein Davíðssyni og Jóni Sigurði Gunnarssyni. Lið Gerplu 1 var skipað þeim: Viktori Orra Anderssen, Davíð Krisjáni Ólafssyni, Brynjari Wilhelm Jochumssyni og Ólafi Garðari Gunnarssyni. Lið 2 Ármanns var skipað þeim: Atla Jasonarsyni, Víði Hlega Helgasyni og Hávar Helga Helgasyni.
Þjálfara og dómarar í ferðinni voru þau Björn Magnús Tómasson, Guðmundur Þór Brynjólfsson, Hlín Bjarnadóttir, Irina Antonova, Vladimir Antonov, Nadezda Tarvida, Mikolay Vovk og Yinian Ye.

http://www.malarcupen.net/

Fréttin er enn í vinnslu og enn vantar staðfestingu á einstökum úrslitum.

Glæsileg frammistaða stúlknanna á Norður Evrópumóti í Sandnes í Noregi hefur skilað þeim fjórum sætum á verðlaunapalli í úrslitum á þessu sterka fimleikamóti. Hæst ber öruggur sigur Kristjönu Sæunnar í stökki þar sem hún tryggði sér Norður Evrópumeistaratitil með 14,0 stig fyrir sitt fyrra stökk og 13,7 stig fyrir seinna stökkið. Kristjana Sæunn lét einnig að sér kveða í gólfæfingum þar sem hún hafnaði í 2. sæti með 13,6 stig. Margrét Hulda Karlsdóttir sýndi það og sannaði að æfingar hennar á slá eru stórglæsilegar þegar hún hafnaði í 2. sæti í úrslitum á slá. Fríða Rún Einarsdóttir hafnaði í 3. sæti í gólfæfingum með 13,2 stig en til gamans smá geta þess að hún hefur aukið erfiðleikagildi æfinga sinna á gólfi með t.d. nýrri stökkseríu með tvöfölldu heljarstökki. Einnig keppti Thelma Rut Hermannsdóttir í úrslitum á tvíslá og hlaut hún 10,65 stig í 7. sætið.
Viktor Kristmannsson kepti til úrslita á tvíslá og hlaut 13,5 stig í 4. sætið.
Hér má sjá nánar um úrslit á mótinu.
Í fjölþraut og liðakeppni voru helstu úrslit þessi.

Liðakeppni kvenna:
1.Finland 153.70
2.Svíþjóð 153.40
3.Noregur 152,30
4. Skotland 150,90
5. Ísland 150,05

Liðakeppni karla:
1.Finnland
2.Danmørk
3.Svíþjóð

Á Norður Evrópumótinu í áhaldafimleikum voru eftirtaldir fulltrúar Íslands. Landslið kvenna var skipað þeim Fríðu Rún Einarsdóttur, Kristjönu Sæunni Ólafsdóttur, Hörpu Dögg Steindórsdóttur, Margréti Huldu Karlsdóttur og Thelmu Rut Hermannsdóttur. Landslið karla var skipað þeim Ingvari Jochumssyni, Róberti Kristmannssyni, Rúnari Alexanderssyni, Viktori Kristmannssyni, öllum úr Íþróttafélaginu Gerplu í Kópavogi. Þjálfara hópsins voru þau Svetlana Makaritseva, Vladimir Antonov og Mikolay Vovk. Dómarar voru þau Berglind Pétursdóttir, Dóra Óskarsdóttir, Björn M. Tómasson og Guðmundur Þór Brynjólfsson.

Norður Evrópumótið er nokkuð umfangsmikill íþróttaviðburður með þátttakendum frá 11 löndum og samtals um 190 þátttakendum, þjálfurum og dómurum frá eftirfarandi þjóðum: Finland, Svíþjóð, Danmörk, Noregur, Skotland, Írland, Norður Írland, Færeyjar, Isle og Man, Íslandi og Wales. Norður Evrópumótið fer fram árlega en eins og fram hefur komið þá fór mótið að þessu sinni fram í Noregi en síðast fór það þar fram árið 1996.

Íþróttasamband Fatlaðra sendir 25 keppendur á Evrópuleika Special Olympics sem fram fara í Róm 30. september til 6. október 2006. Ísland sendir keppendur í boccia, frjálsum íþróttum, sundi, keilu og fimleikum. Leikarnir eru fyrir aldurshópinn 12 til 21 árs n.k. ungmennaleikar og þetta er í fyrsta skipti sem slíkir leikar eru haldnir.
Keppendur í fimleikum koma frá Gerplu og þau eru:
Elva Björk Gunnarsd
Auður Lilja Ámundad
Heiðrún Gunnarsd
Kristín Hrefna Halldórs
Helgi Magnússon
Aðalþjálfari þeirra er Ásta Ísberg og aðstoðarþjálfari er Erlendur Kristjánsson.
Það er frábært fyrir okkar fimleikafólk að fá tækifæri til þátttöku í þessu móti og óskar FSÍ þeim öllum góðs gengis og vonar að fleiri muni fá slík tækifæri í framtíðinni.