Bjarki Ásgeirsson, úr Ármanni, hafnaði í 3. sæti í fjölþrautarúrslitum á Norðurlandamóti drengja sem fram fór í Helsinki í Finnlandi um helgina en hann fékk 44,9 stig. Í úrslitum á einstökum áhöldum varð hann Norðurlandameistari á boghesti með 7.35 stig og í 3. sæti á tvíslá með 7,35 stig og í 5. sæti í hringjum með 6,95 stig. Bjarki hefur á undanförnum tveimur árum sýnt miklar framfarir og þrátt fyrir aðeins 14 ára aldur þá gefur hann mun eldri keppendum ekkert eftir.
Í úrslitum á einstökum áhöldum kepptu einnig þeir Þorsteinn Óli Eggertsson, Ármanni sem hafnaði í 6. sæti á bogahesti meða 6,5 stig og Ingvar Jochumsson í Gerplu sem hafnaði í 7. sæti á tvíslá með 6,2.

Íslenska liðið varð í 5. og neðsta sæti með 152,15 stig. Finnska liðið sigraði með 180,65 stig, Sænska liðið varð í öðru sæti, það Norska í þriðja sæti og Danska liðið var í fjórða sæti með 159,6 stig.

Hópur Stjörnunnar í Garðabæ hafnaði í 4. sæti á Evrópumótinu í hópfimleikum sem fór fram í Dornbirn í Austurríki. Er þetta glæsilegur árangur og sá besti sem hópur frá Íslandi hefur náð á Evrópumóti í hópfimleikum. Fengu stúlkurnar 23.40 stig en aðeins munaði 0,4 á 3. og 4. sæti því Gastrup frá Danmörku hafnaði í 3. sæti með 24 stig. Team Asker frá Noregi sigradi glæsilega með 25.95 og í 2. sæti varð Stockholm Top Gymnastarna með 25.45. Nánri upplýsingar á www.oeft.at og www.teamgym04.com

Þjálfararnir Kim Fischer og Dorte hafa unnið frábærlega með stúlkunum í Stjörnunni. Þau hafa áralanga reynslu af þjálfun í hópfimleikum og miðað við árangur þeirra má sjá að þau eru topp þjálfarar.

Hópur Stjörnunnar hefur verið ósigrandi á öllum hópfimleikamótum hérlendis á annað ár og skemmst er að minnast þess að þær höfnuði í 2. sæti á Danska meistaramótinu í apríl en hópurinn er núverandi Íslands og Bikarmeistari. Þann tíma hafa þjálfararnir Kim Fischer og Dorte stýrt hópnum og er óhætt að segja að þau hafi staðið sig frábærlega. Undir forystu þjálfaranna hefur þessi krafmikli hópur haft mikið aðdráttarafl á aðra nemendur og hafa góðir nemendur frá öðrum félögum sóst eftir því að æfa undir þeirra stjórn. Ástæða er til að óska stúlkunum og þjálfurum þeirra til hamingju með þennan sögulega árangur.

Íslensku keppendurnir stóðu sig frábærlega á árlegu alþjóðlegu fimleikamóti sem haldið er í Svíþjóð og nefnist Malarcup. Íslandsmeistari í fjölþraut kvenna, Kristjana Sæunn Ólafsdóttir úr Gerplu, sigraði miðflokki (junior) og hlaut hún 30,075 stig en hún sigraði einnig í úrslitum á stökki (8,75) og slá (7,65). Er þetta annað árið í röð sem hún sigrar í fjölþraut á þessu móti í sínum flokki (sjá hér) en miðað við árangur hennar hingað til er líklegt að hún muni skipa sér í röð fremstu fimleikakvenna á Norðurlöndunum á næstu árum. Fríða Rún Einarsdóttur úr Gerplu sigraði einnig í sínum aldursflokki (yngri / youth) með 29,55 stig en hún sigraði einnig í úrslitum á gólfæfingum.

Íslandsmeistarinn í fjölþraut karla, Viktor Kristmannsson úr Gerplu, sigraði í úrslitum á æfingum á tvíslá (8,4) en hann hefur í um 8 ár verið einn allra besti fimleikamaður Norðurlandanna í æfingum á tvíslá eða frá því að hann sigraði sinn fyrsta Norðurlandameistaratitil á tvíslá aðeins 12 ára gamall. (úrslit hér). Sjá www.malarcupen.net.
Stúlkurnar úr Gerplu höfnuðu í 3. sæti í liðakeppninni næstar á eftir Ástralíu en Svíþjóð sigraði.
Frá Íslandi komu keppendur frá Ármanni og Gerplu. Gunnar Sigurðsson stóð sig best af keppendum frá Ármanni og hafnaði hann í 10. sæti í miðflokki (junior) næstur á undan Jónasi Valgeirssyni einnig úr Ármanni.
Í liðakeppni og úrslitum á einstökum áhöldum var keppt í opnum flokki en í fjölþraut var keppt í þremur flokkum (yngri, mið og eldri). Því má segja að fjögur gull í úrslitum á áhöldum sé mjög góður árangur og tvö gull í úrslitum í fjölþraut sýnir einnig að staða Íslensku keppendanna er mjög sterk á alþjóðlegan mælikvarða.

Á föstudaginn 22. okt. halda Íslandsmeistarar Stjörnunnar í hópfimleikum til Dornbirn í Austurríki þar sem taka þátt í Evrópumóti í TeamGym en það heitir íþróttin á ensku. Mótið er sett á sunnudagskvöld en keppt er í undankeppni á mánudag 25. Í kvennakeppninni keppa 18 lið 6 (auk gestgjafanna ef þeirra lið er ekki á meðal 6 efstu )komast í úrslit en keppt verður til úrslita á þriðjudaginn 26.
Auk kvennaliða keppa karlar og blönduð lið er þar eru jafnmargar konur og karlar.Lið Stjörnunnar er nú í mjög góðu formi en keppnin í Dornbirn verður feiki hörð. Danir urðu Evrópumeistarar kvenna fyrir 2 árum og mun keppnin verða mjög hörð þar sem dönsku og sænsku liðin munu örugglega vera á meðal þeirra efstu. Á góðum degi á Stjarnan raunhæfa möguleika á að komast í úrslit.

Þessa loftdýnu má nota fyrir alla getuhópa, mismunandi þyngd iðkenda og alla aldurshópa. Auðveldlega má stilla loftdæluna til að stjórna því hversu stíf loftdýnan er hverju sinni en loftdælan er ný og betri útgáfa sem er mun hljóðlátari en venjuleg loftdæla. Hjóðið er einnig dregið enn frekar niður með hljóðeinangruðum kassa. Loftdýnuna er hægt að fá í mismunandi lengdum en venjuleg stærð er 15 metrar að lengd, 3 metrar að breidd og 45 cm hæð. Nánari upplýsingar í fimleikar@fimleikar.is og í síma 555-7800. Verð á dýnunni er um kr. 725.000.-

In this equipment there will be a great opportunity to raise sponsormoney and put the advertisement on the sides of the airtrack.

Eurogym hefur mikla reynslu í hópfimleikum og þekkingu í þróun og hönnun á góðum dýnum fyrir bæði stökk á trampolíni og á gólfi. Félagið hefur fullt sett af lendingardýnum sem nýtist einnig á áhaldafimleikum.
Af sérstökum ástæðum þá er nú til sölu lendingardýnan sem notuð var á Norðurlandamótinu í hófimeikum sem fór fram í apríl síðastliðnum. Um er að ræða dýnu í fullri stærð eða 6 metrar að lengd, 3 metrar að breidd og 30 cm að hæð. Fullt verð er um 465.000,- en selst nú á aðeins 295.000,- auk flutningsgjalda til landsins. Nánari upplýsingar í fimleikar@fimleikar.is og í síma 555-7800.

úrslit hér

Eurogym Sport are developing there produkts together with the topgymnasticclubs in Denmark and Sweden. Eurogym Sport is working for gymnastic development. With a lot of years of experience with developement with gymnastic and equipmenttypes, we are able to supply our customers with equipment that is updated for their demands here and now.
Fimleikar ehf. has together with Eurogym Sport a unique knowledge in general gymnastics and Team Gym equipment and we offer a range of equipment specially designed to their needs.We can also offer education of coaches and do workshops for your club.

Sif Pálsdóttir stendur hér við innganginn inn á keppnisvöllinn í Olympiu þar sem leikarnir fóru fram fyrir mörgum öldum. Í Olympiu er m.a. Ólympiuakademían með aðsetur.
Fleiri myndir hér

þátttakendunum. Í ungmennabúðunum fengu þátttakendur fræðslu um Ólympíuleikana og fóru einnig að horfa á ýmsa viðburði Ólympíuleikanna. Sif horfði á keppni í fimleikum, körfubolta, handbolta og siglingu. Að hennar sögn var þetta skemmtilegur tími sem hún á aldrei eftir að gleyma.

Félagsmál:

Nú um helgina var opnað nýtt íþróttahús í Garðabæ sem stendur við hlið Hofstaðaskóla og Fjölbrautaskólans í Garðabæ. Húsið er mun stærra en Íþróttahúsið í Ásgarði og verður nýja íþróttahúsið notað til kennslu fyrir skólana, bæði í leikfimi og sundi. Utan skólatíma verður húsið notað fyrir handbolta og korfubolta en engu að síður mun tilkoma þessa nýja og glæsilega íþróttahúss hafa mikil áhrif á starf fimleikadeildar Stjörnunnar. Að sögn Þóru Margrétar, en hún er í stjórn fimleikadeildarinnar, hefur tilkoma hússins það í för með sér að fimleikadeildin fær mun fleiri tíma til afnota en áður. Nú getur öll starfssemi deildarinnar farið fram á einum stað en eldri hóparnir hafa verið að leigja aðstöðu utan Garðabæjar. Þóra Margrét telur mikilvægt að yngri iðkendur geti fylgst með eldri stúlkum félagsins en þær eru þeim miklar fyrirmyndir. Á næstu árum er líklegt að aðstaða fimleikadeildarinnar muni batna enn frekar þar sem fyrirhugað er að byggja þriðja íþróttahúsið í Garðabænum við Sjálandsskóla og er gert ráð fyrir því að það opni 2007. Það eru því spennandi tímar framundan hjá fimleikadeild Stjörnunnar og er vonandi að þessi mikla breyting á íþróttaaðstöðu í Garðabæ verði lyftistöng fyrir fimleikadeild Stjörnunnar sagði Þór Margrét að lokum.

Stúlkurnar þurftu að hvíla á milli æfinga en hópnum var skipt upp í nokkra hópa og allir keyrðu á fullum krafti á milli stuttra hvílda.
Fleiri myndir hér

Um markt minnti þetta framtak á landsliðsæfingar sem voru algengar fyrir mögum árum í áhaldafimleikum. Vonandi verður framhald á svona æfingum í framtíðinni.

Rúnar á Akrapolis-hæðinni í Aþenu í Grikklandi

Kim hjá Fimleikum ehf. sýnir Heimi Jóni bestu handtökin við að setja brautina upp en hún er mjög létt í allri meðferð.

Fleiri myndir hér

Laugardaginn 9.okt. verður haldið æfingamót í Ásgarði Garðabæ, til undirbúnings fyrir Evrópumótið í hópfimleikum. Af því tilefni koma tveir danskir þjálfara til landsins, þau Jesper Birk Pedersen og Line Pedersen.
Nú býðst okkur það frábæra tækifæri á að tileinka okkur aukna kunnáttu, því eftir æfingamótið ætla þau Kim og Dorthe, Jesper og Line að halda “workshop”, og þeim til aðstoðar verða stelpurnar í Stjörnuliðinu.
Jesper hefur verið í fremstu röð hópfimleikamanna undanfarin ár, æfði til að mynda með Hulby Slagelse, sem hefur verið besta lið Evrópu í mörg ár. Hann er einnig afburða snjall og eftirsóttur þjálfari, var landsliðsþjálfari dönsku hópfimleikaliðanna 2000-2003. Line er feiknar góður dansari og hefur til margra ára unnið við þjálfun á fimleikadansi. Árin 1994-1995 voru þau bæði í Verdensholdet, það er því ljóst að hér eru á ferðinni snillingar í faginu.
FSÍ í samstarfi við Stjörununa vill hér með gefa öllum (stelpum og strákum) 12 ára og eldri tækifæri á að njóta leiðsagnar frá þessum fagmönnum. Þjálfurum er að sjálfsögðu boðið að koma og fylgjast með. Námskeiðið verður aldurs- og getuskipt, það verða þrír hópar, dans, dýna (fibertrack og loftdýna) og trampólín.
Meira í skjali hér

Við rekstur fimleikafélaga spila fjölmargir þættir saman til þess að vel takist til. Þrátt fyrir að oft geti verið gott að vera í litlu félagi þá skiptir einnig miklu máli að fimleikafélög nái vissri stærð til þess að geta veitt þá þjónustu sem er ætlast til að þau geri. Tækjabúnaður og aðstaða til fimleikaiðkunar er hlutfallslega dýrari en þekkist í ýmsum öðrum íþróttagreinum. Því skiptir miklu máli að ná sem mestri nýtingu út úr þeirri aðstöðu sem félögin koma sér upp. Dönum hefur tekist nokkuð vel til í þessum efnum en sem dæmi má nefna að í sveitarfélaginu Holstebro eru fimleikafélögin Holstebro Gymnastikforening með um 1.800 iðkendur og Vestjysk Gymnastik með um 700 iðkendur en samtals er íbúar um 40.000 í Holstebro. Það eru því 2.500 iðkendur í báðum þessum félögum eða 6,25% af íbúum bæjarins. Einnig eru dæmi um félög með um 1.100 iðkendur í 15.000 íbúa sveitarfélögum (6,66% af íbúum bæjarins). Það er því ekki óalgengt að um 6 - 7% af íbúum sveitarfélaga stundi líkamsrækt hjá fimleikafélögum í Danmörku. Gerpla í Kópavogi og Björk í Hafnarfirði eru fjölmennustu fimleikafélögin á Íslandi. Í samanburði við framangreind félög í Danmörku þá ættu um 1.650 iðkendur að stunda fimleika í Gerplu og um 1.450 í Björk þar sem íbúar í Kópavogi eru um 26.000 og um 22.000 í Hafnarfirði. Bæði félögin eru aftur á móti með samtals um 1.400 iðkendur þegar sambærileg félög í Danmörku væri með um 3.100 iðkendur. Með hliðsjón af hagkvæmni stærðarinnar þá getur verið eftirsóknarvert fyrir fimleikafélög á Íslandi að stækka enn frekar og það á jafnvel við um fjölmennustu fimleikafélögin á Íslandi sem virðast vera of lítil miðað við nágranna okkar í Danmörku.

Helgina 15. - 17. október verður Þjálfari 1a - almennur hluti haldinn í Íþróttamiðstöðinni í Laugardal og á Siglufirði. Lágmarksaldur þátttakenda er 16 ár. Námskeiðið er undanfari annarra námskeiða sem síðar verður boðið uppá og þannig fyrsta námskeiðið í samræmdu kerfi íþróttahreyfingarinnar. Námskeiðið er 20 kennslustundir, að meginhluta bóklegt, og er ætlað leiðbeinendum barna í íþróttum. Nemandi sem lýkur þessu námskeiði ásamt því að ljúka sérgreinahluta þjáfarastigs 1a hlýtur réttindi sem aðstoðarmaður eða leiðbeinandi hjá íþróttaskóla eða yngstu flokkum.
Verð á námskeiðið er kr. 12.000 Skráningar þurfa að berast á netfangið namskeid@isisport.is eða í síma 514-4000 í síðasta lagi miðvikudaginn 13. október.