fimleikar.is

Kristjana Sæunn Ólafsdóttir, Gerplu, sigrar á alþjóðlegu móti

[26/10/2003]

Kristjana Sæunn Ólafsdóttir úr Gerplu varð í fyrsta sæti í fjölþraut með 29,25 stig ásamt enskri stúlku í stúlknaflokki (12 ára og yngri) á Malarcup sem er alþjóðlegt fimleikamóti sem Sænska fimleikasambandið stóð fyrir um helgina en mótið hefur farið fram undanfarin 20 ár og nú kepptu um 30 félagslið frá 9 löndum á mótinu. Kristjana Sæunn gerði sér lítið fyrir og sigraði í opnum flokki í úrslitum á slá með 7,825 í einkunn og hafnaði í 4. sæti í æfingum á Gólfi. Inga Rós Gunnarsdóttir úr Gerplu varð í öðru sæti í kvennaflokki (16 ára og eldri) með 29,7 stig og í opnum flokki í úrslitum hafnaði hún í 5. sæti á Gólfi og 6. sæti á Tvíslá. Karídas Harpa Davíðsdóttir hafnaði í 5. sæti í stökki í úrslitum. Viktor Kristmannsson hafnaði í 5. sæti í fjölþraut í karlaflokki (18 ára og eldri). Í úrslitum hafnaði hann í 3. sæti í æfingum á Bogahesti, 7. sæti Stökki og 5. sæti á Tvíslá. Róbert Kristmannsson hafnaði í 6. sæti í fjölþraut í unglingaflokki (16 - 18 ára).
Frá Gerplu kepptu tvö lið karla og kvenna. Hjá stúlkunum hafnaði A-liðið í 3. sæti af 15 liðum en B-liðið hafnaði í 9. sæti. Hjá strákunum hafnaði A-liðið í 6. sæti en B-liðið í 13. sæti.
Nánari upplýsingar um mótið má sjá hér: http//www.malarcupen.net

Kristjana Sæunn Ólafsdóttir í afstökki á slá á Haustmóti FSÍ sem fram fór um síðustu helgi. Þar sigraði hún jafnframt í æfingum á slá í yngri flokki með 7,725 í einkunn.

Inga Rós Gunnarsdóttir varð í 5. sæti í æfingum á Gólfi en hér má sjá hana í Gólfæfingum á Haustmóti FSÍ þar sem hún hafnaði í 2. sæti með 8,05 stig.

Ungbarnasund - frábær hreyfing

Myndir hér

[26/10/2003]

Helga Margét Ólafsdóttir

Mikilvægt er að byrja snemma að þjálfa samhæfingu og almennan hreyfiþroska hjá börnum. Á undanförnum árum hefur ungbarnasund notið mikilla vinsælda og ekki af ástæðulausu. Snorri Magnússon er að vissu leyti brautryðjandi á þessu sviði og hefur í fjölmörg ár boðið upp á ungbarnasund í lítilli sundlaug í Mosfellsbæ en þar eru aðstæður mjög góðar til kennslu ungbarnasunds. Eins og meðfylgjandi myndir bera með sér þá hafa börnin mjög gaman af æfingunum og má allt eins segja að þetta séu þeirra fyrstu skref til að verða framtíðar fimleikamenn og konur.

Davíð Óttarsson

Haustmót í áhaldafimleikum

Myndir hér og hér

[Meira][18/10/2003]

Haustmót Fimleikasambands Íslands fór fram um helgina en um er að ræða fjölmennasta fimleikamót sem fram fer fyrir áramót en keppnin fór fram í fjórum hlutum í 10 keppnisflokkum.
Nánari umfjöllun hér.
Myndir á keppni á laugardegi hér.
Myndir á keppni á sunnudegi hér.
Úrslit: skylduæfinar karla hér, skylduæfingar stúlkna hér og hér, frjálsar æfingar karla hér og kvenna hér.

Gerpla keppir á alþjóðlegu móti í Svíþjóð

[Meira][15/10/2003]

Vetrarstarfsemi Íþrótteafélagsins Gerplu Kópavogi hófst nú í byrjun september og eru iðkendur félagsins 620 talsins. Gerpla býður nú upp á þjálfun í almennum fimleikum, áhaldafimleikum, hópfimleikum og fimleikum fatlaðra og starfa 33 þjálfarar hjá félaginu. Sjá hér.

Náðu þrepum á síðasta vetri

[15/10/2003]

Keppni í þrepum íslenska fimleikastigans er stór þáttur í starfi fimleikafélaganna. Keppendur þurfa að ljúka hverju þrepi fyrir sig áður en heimilt er að keppa í næsta þrepi þar fyrir ofan. Því skiptir miklu máli fyrir keppendur að ná tilsettum lágmörkum í hverju þrepi fyrir sig. Nú er birtur listi yfir alla þá sem náðu tilsettum lágmörkum í fyrra. Sjá hér.

Eurogym, Ungt fólk í Evrópu

[Meira][15/10/2003]

Fimleikadeild Umf.Selfoss ætlar að halda byrjendamót í hópfimleikum í tengslum við haustmót í hópfimleikum laugardaginn 22.nóvember 2003. Byrjendamótið er ætlað öllum þeim hópum sem ekki hafa keppt á hópfimleikamótum Fimleikasambands Íslands. Sjá hér.

Byrjendamót Selfoss í hópfimleikum 22. nóvember 2003

[Meira][15/10/2003]

Haustmót

[15/10/2003]

Helgina 18. og 19. október n.k. er Haustmót Fimleikasambands Íslands í Bjarkarhúsinu. Keppt er í áhaldafimeikum kvenna og karla bæði í frjálsum æfingum (meistaraflokki) og í Íslenska fimleikastiganum 1.-5. þrepi (keppnisflokkum). Þetta er stæsta mót í áhaldafimeikum fyrir áramót. Sjá hér.

Mótaskrá

[15/10/2003]

Mótaskrá fyrir veturinn er nú komin út. Sjá hér.

Rúnar Alexandersson, úr Gerplu á HM 2003

Fleiri myndir hér.

[12/10/2003]

Nú hafa birst myndir af öllum strákunum sem kepptu á HM í ágúst sl. fyrir hönd Íslands. Margar af myndunum eru mjög flottar og því er ánægjulegt að geta birt þær hér á www.fimleikar.is

Grétar Sigþórsson , úr Ármann á HM 2003

Fleiri myndir hér.

[12/10/2003]

Íslandsmót í almennur fimleikum 1. þrep á Egilsstöðum

[Meira][11/10/2003]

Íslandsmót í almennum fimleikum verður að þessu sinni haldið á Egilsstöðum þann 29. nóvember n.k. í umsjón Fimleikadeildar Hattar. Í boði er gisting í Egilsstaðaskóla í tvær nætur, morgunverður tvo morgna, pizzaveisla á laugardagskvöld og kvöldvaka fyrir kr. 2.500.- meira

1 B námskeið á vegum fræðslunefndar. 8. - 9. nóv.

[Meira][8/10/2003]

Námskeið 1B verður haldið 8. - 9 nóv. í Reykjavík og væntanlega 15. og 16. nóv. á Akureyri. Námskeið 1C fellur niður. meira

Fimleikadómaraþing

[Meira][8/10/2003]

Miðvikudaginn 22. október n.k. mun verða haldið fyrsta þing Fimleikadómarafélags Íslands (FDÍ). Þingið verður sett stundvíslega klukkan 20:30 í sal 3 hjá kaffiteríu ÍSÍ í Laugardal. meira

Dýri Kristjánsson, úr Gerplu á HM 2003

Fleiri myndir hér.

[26/9/2003]

Frá iðkendum

[2/10/2003]

Nú er komið að ykkur öllum ! Já allir sem eru að stunda fimleika geta sent inn texta, myndir, sögur, æfingadagbók eða annað sem ykkur dettur í hug og við birtum það undir sérstökum dálk til vinstri hér á síðunni sem verður helgaður iðkendum. Allir geta því haft áhrif á það sem birtist hér á síðunni ykkar. Sendið efni á fimleikar@fimleikar.is

Þjálfaranámskeið 1a - almennur hluti

[1/10/2003]

Föstudaginn 10. október til 12. október fer fram í Íþróttamiðstöðinni í Laugardal þjálfaranámskeið 1a - almennur hluti. Að loknu þessu stigi á þjálfarinn að geta skipulagt og stjórnað æfingatíma hjá börnum og unglingum á byrjendastigi. Til þess þarf hann að hafa grundvallarþekkingu á líkamlegum og andlegum þroska barna og unglinga. Hann þarf að þekkja starfsemi líkamans auk helstu aðferða við kennslu. Vinnulag: Fyrirlestrar, verkefnavinna og verkleg æfing. Umfang: 20 kennslust. Tími: Föstudag 10. okt. kl. 18.00 - 22.00, laugardag 11. okt. kl. 09.00 - 16.00, sunnudag 12. okt. kl. 10.00 - 16.00. Skráning: ÍSÍ, sími: 514-4000 eða netfang: andri@isisport.is
Skráningu þarf að vera lokið í síðasta lagi miðvikudaginn 8. október. Verð: 12.000 kr. og innifalið eru öll námsgögn.

Allar myndir © www.fimleikar.is
Óheimilt er að afrita myndir eða annað efni á síðunni að hluta til eða í heild án leyfis.
Fimleikar ehf.