Fimleikafélagið Björk vill bjóða ykkur að taka þátt í móti sem haldið er til heiðurs Mínervu Jónsdóttur sem var ein af stofnendum Fimleikafélagsins Björk. Mótið verður haldið í Íþróttamiðstöðinni Björk sunnudaginn 17. APRÍL. Keppt er í liðakeppni í 5. og 6. þrepi íslenska fimleikastigans. Það eru sex í hverju liði og fimm efstu telja til stiga á hverju áhaldi. Hvert félag má senda fleiri en eitt lið og merkja þau sem lið A, B, C o.s.frv. Senda á einn dómara með hverju liði. Ef lið sendir ekki dómara verður það að greiða 2000 krónur í dómarakostnað. Verðlaun eru veitt fyrir þrjú efstu liðin í hvoru þrepi fyrir sig. Gefin verður sérstök viðurkenning fyrir prúðasta liðið, í því felst góð hegðun, umgengni, hvatning til liðsmanna og snyrtimennska.Meira

Haustmót í hópfimleikum fór fram í Ásgarði í Garðabæ á laugardaginn. Þátttakendur voru í 18 liðum í þremur aldursflokkum og skipust þau þannig niður að í yngir flokk voru 7 lið, í mið flokk voru 8 lið og í eldri voru 3 lið. Helstu niðurstöður eru þær að í mið og eldri hóp sigraði Gerpla og í yngri hóp sigraði Selfoss. Sjá úrslit hér. Mótið í fyrra hér.
Ánægjulegt er að sjá stöðuga fjölgun í hópfimleikum en í fyrra tóku 15 lið þátt en nú eru þau 18. Er það fjölgun upp á um 30 til 40 iðkendur. Líkt og í nágrannalöndum okkar þá er mikill vöxtur í fjölda iðkenda sem stunda hópfimleika og má búast við því að sú þróun haldi áfram á næstu árum.

Tækninefnd í hópfimleikum hefur sent út tilkynningu til þjálfara og aðstandenda eldri liða í hópfimleikum keppnisárið 2004 – 2005. Þar gerir nefndin grein fyrir því að við val á NM seniora næsta vor verður litið til til eftirfarandi þátta:
• Horft verður til mótanna fram að bikarmóti 4.mars 2005.
• Ætlunin er að hafa 2 – 3 samæfingar þar sem THF horfir á og metur.
• THF mun heimsækja félögin og fylgjast með hvað á sér stað á æfingum.
Það eru því ekki nein lágmörk til að komast á NM seniora heldur heildarárangur í keppni og á æfingum fram til 4. mars 2005.

Settir hafa verið inn nýjir linkar inn á linkasíðuna (hér) en þar má m.a. finna link inn á síðuna www.powertumbling.net/video.php en þar er að finna myndband af fimleikamanni gera á sýningu a.m.k. fjórfallda skrúfu eða hvað .... teljið sjálf því ég get ekki talið þetta almennilega. Sjá hér.

Fyrsta FSÍ mót vetrarins fór fram um helgina. Keppt var í frjálsum æfingum og skylduæfingum. Íþróttafélagið Gerpla í Kópavogi var sigursælast í skylduæfingum en keppt var í 15 flokkum og sigruðu iðkendur frá Gerplu í 11 flokkum. Iðkendur frá Björk siguðu í 2 flokkum og iðkendur frá Ármanni og Keflavík sigruðu í einum flokki hvort félag (keppt var í 6 flokkum hjá piltum og 9 flokkum hjá stúlkum). Í frjálsum æfingum voru veitt verðlaun fyrir fyrstu sætin á hverju áhaldi í yngir og eldri flokk pilta og stúlkna eða samtals 20 gullverðlaun. Aftur voru iðkendur frá Íþróttafélaginu Gerplu sigursælastir í frjálsum æfingum með sigri á 9 áhöldum en Grótta sigraði á 6 áhöldum og Ármann á 5 áhöldum. Gerpa var því sigursælast á mótin með 20 gullverðlaun af 35.
Í meðfylgjandi skjali má sjá úrslit í öllum flokkum Haustmótsins ásamt því að bera saman við Haustmót 2003 og 2002. Sjá hér.
Myndir frá mótinu: Frjálsar æfingar hér, skylduæfingar fyrri hluti hér og skyldu æfingar seinni hlut hér.

Einbeiting í upphaf erfiðrar æfingar sem tókst fullkomlega í fyrsta skiptið.

Á myndinni hér að ofan má sjá Brynjar Wilhelm Jochumson í senn glæsilegan og virðulegan í æfingum sínum í hringjum á Haustmótinu.

Stjórn Fimleikaráðs Akureyrar hefur ákveðið að breyta FRA í félag. Fyrir þá sem ekki þekkja til þá er Fimleikaráð sérráð innan ÍBA og er í eiginlegum skilningi ekki félag. Þ.e. ekki eru haldnir aðalfundir, engin lög eru til og ekki fara fram stjórnarkosningar. Það hefur verið á ábyrgð ÍBA að fimleikar séu starfræktir en reyndin er sú að þeir foreldrar sem eru í stjórn hafa um margra ára skeið alfarið borið ábyrgð á starfinu. Nú í vetur eru um 380 iðkendur hjá FRA og er Fimleikaráð orðið með stærstu félögum í bænum og því tímabært að stíga þetta skref.
Í desember næst komandi verður ÍBA 60 ára og því finnst stjórn FRA vel við hæfi að síðasta sérráðið yfirgefi foreldrahúsin. Miðvikudaginn 17. nóv munum við halda stofnfund Fimleikafélags Akureyrar í félagsmiðstöð Glerárskóla kl. 20. Ekki mun fara fram stjórnarkjör á stofnfundinum heldur mun núverandi stjórn Fimleikaráðs sitja fram að fyrsta aðalfundi.
Á fundinum munum við einnig kynna vetrarstarfið og framtíðarsýn félagsins. Eru foreldrar hvattir til að mæta því að tómstundastarf barnanna okkar skiptir okkur öll máli. Það eru spennandi tímar framundan þar sem FRA og Akureyrarbær hafa gert með sér samning um uppbyggingu á aðstöðu fyrir fimleika í bænum. Í stjórn Fimleikaráðs Akureyrar sitja nú:
Fríða Pétursdóttir, formaður, Nanna Árný Jónsdóttir, gjaldkeri, Berglind Tulinius, Rannveig Kristinsdóttir, Sólveig Sigurgeirsdóttir, Valgerður Vilhelmsdóttir og Þórhildur Þórhallsdóttir.

Tækninefnd kvenna hefur valið eftirtaldar stúlkur í Landslið Íslands í fimleikum fyrir Norður Evrópumót sem haldið er í Naskov í Danmörku 19. - 21. nóvember n.k. Að þessu sinni var valinn 5 manna landsliðshópur. Valið var eftir úrtökumóti sem haldið var í Bjarkarheimilinu 17. október s.l. Athygli skal vakin á því að TKV áskilur sér rétt til breytinga og setja inn varamenn ef þörf krefur eftir Haustmót. Ef breyting verður á liði verður varamaður valinn með tilliti til þeirra áhalda sem liðið þarfnast en ekki endilega heildarstiga í fjölþraut. Stúlkurnar eru Harpa Snædís Hauksdóttir, Gróttu, Hera Jóhannesdóttir, Gróttu, Inga Rós Gunnarsdóttir, Gerplu, Kristjana Sæunn Ólafsdóttir, Gerplu og Sif Pálsdóttir, Gróttu. Varamenn eru þær: Fanney Hauksdóttir, Gróttu, Fríða Rún Einarsdóttir, Gerplu og Margrét Hulda Karlsdóttir, Gerplu. Þjálfari er Ásdís B. Pétursdóttir. Fyrir liggur að valið hefur verið í landslið karla á sama mót og það skipað Antoni H. Þórólfssyni, Ármanni, Gunnari Sigurðssyni, Ármanni, Jónasi Valgeirssyni, Ármanni, Róberti Kristmannssyni, Gerplu og Viktori Kristmannssyni, Gerplu. Þjálfar er Björn M. Tómasson og dómari er Heimir J. Gunnarsson.

Mótaskrá FSÍ má nálgast hér.

Fimleikafélagið Björk hefur ákveðið að setja upp nýtt mót sem hefur fengið nafnið Fjarðar-Fjör. Þetta er fyrst og fremst hugsað sem undirbúningsmót fyri þá sem eru að byrja að keppa eftir FSÍ reglum. Fimleikafélagið Björk býður ykkur að taka þátt í Fjarðar-Fjöri sem haldið verður í Íþróttamiðstöðinni Björk föstudaginn 26. nóvember n.k kl.19:00.
Reglur: Mótið er ætlað fyrir yngri- og miðhópa í Hópfimleikum. Keppt verður á einstökum áhöldum, þ.e.a.s. einungis verður gefið fyrir einstök áhöld í hvorum aldursflokki fyrir sig, 1-2-3 sæti (fer samt eftir þátttöku). Keppt verður á Gólfi, á 12x12 gólfi (áhalda gólfi). Dýnu (fiber class). Trampólíni. Þessi keppni er tilvalin fyrir þá sem ekki eru með öll áhöldin tilbúin hjá sér og lið sem eru að stíga sín fyrstu skref í F.S.Í. reglunum. Koma þarf með 1 dómara á hóp. Ef þið hafið ekki tök á því þarf að greiða 2500 kr Senda þarf inn þátttökutilkynningu og keppnisblöð 2 vikum (föstudaginn 12. nóvember) fyrir mót á hlin@fjarhitun.is eða senda á Hlín Benediktsdóttir, Þrsastarási 14, 221 Hfj. Mótagjald kr 10.000 Mótagjald greiðist inná reikning 1101-26-9384 kt. 060581-4019 eða við komu á mótsstað. Vonumst til að sjá sem flesta og eiga saman skemmtilega kvöldstund.
Fimleikveðja F. Björk Hlín Benediktsdóttir.

Fimleikasjóður Íslands óskar eftur umsóknum um styrk úr sjóðnum. Umsóknir skulu sendar með tölvupósti á fimleikar@fimleikar.is eða bréflega að Skjólsölum 16, 201 Kópavogur. Umsóknarfrestur er til og með 13. nóvember 2004.

Aðventumót, úrslit