Nú um helgina fer fram Íslandsmót í almennum fimleikum, 1. þrepi. Á mótinu keppa um 190 keppendur frá felstum fimleikafélögum landsins.  Mótinu er skipt upp í tvo hluta.  Í fyrri hlutanum er keppendur á aldrinu 10 til 11 ára og byrjar kl. 10:00 og stendur til kl. 13:00.  Í seinni hluta mótsins eru keppendur á aldrinum 12 ára og byrjar kl. 13:30 og stendur til kl. 16:00.  Mótið fer fram í Íþróttahúsinu við Vesturgötu á Akranesi en það er fyrsta FSÍ mótið sem FIMA heldur og óskum við þeim góðs gengis með þetta umfangsmikla og vonandi skemmtilega mót.

Björn Magnús Tómasson var staddur á Heimsmeistaramótinu sem fram fór um síðustu helgi en hann var dómari á mótinu fyrir hönd Íslands.  Dæmdi hann á í gólfæfingum á fyrsta deginu, svifrá í undanúrslitum og á bogahest í úrslitum.

Björn tók mikið af myndum á mótinu sem unnt er að sjá hér á http://www.fimleikar.is/  Mikið af myndunum eru af æfingum og öðrum stöðum sem alla jafna birtast ekki nema þeim sem fara á mótið.  Því er gaman fyrir okkur sem vorum heima ! að geta séð mótið frá þessu sjónarhorni.

Nú um helgina var haldið heimsmistaramótið í áhaldafimleikum. Að þessu sinni var aðeins keppt á einstökum áhöldum hvorki í liðakeppni né fjölþraut. Á móti sem þessu má hver þjóð senda til leiks fjóra keppendur af hvoru kyni og síðan þarf landliðsþjálfarinn að velja tvo keppendur til að keppa á hverju áhaldi. 

Eftir undankeppnina komast þeir sextán bestu í undanúrlit og eftir þá keppni komast átta bestu í úrslit. 

Að þessu sinni sendu íslendingar einn keppenda til leiks, Rúnar Alexendersson, en það er óhætt að segja að hann hafi staðið framar björtustu vonum. Rúnar komst í undanúrslit á bæði bogahesti og tvíslá en eins og frægt er orðið komst hann í úrslit á tvíslá en hann var fyrsti varamaður á bogahesti.  Þessi frammistaða er meðal þeirra bestu ef ekki sú besta sem íslendingur hefur náð í fimleikum

Myndir af HM

Rúnar Alexandersson Gerplu hafnaði í 8. sæti á tvíslá í úrslitum á heimsmeistaramótinu í fimleikum sem nú er að ljúka í Debrecen í Ungverjalandi.  Árangur hans er ótrúlega góður og án vafa besti árangur sem íslenskur fimleikamaður hefur náð til þessa en við höfum ekki áður átt keppanda í úrslitum á heimsmeistaramóti. Engu síður tókst Rúnari ekki eins vel upp í úrslitum og að var stefnt þar sem hann fipaðist lauslega í byrjun æfingarinnar og svo náði hann ekki að grípa í aðra ránna þegar hann gerði framheljar með klippi.  Við fyrstu sýn virðist sem langutöng þeirrar handar sem hann náði ekki að grípa með hafi farið úr lið en engu að síður kláraði Rúnar æfingar sínar með góðu tvöfölldu heljarstökki pike.  Hann fékk 7.5 í einkunn. 

Hér má sjá mikið af myndum af Haustmótinu sem haldi var í þann 23.11 í Íþróttahúsinu Austurbergi.  Ég bíð eftir því að fá úrslitin til að geta birt þau einnig.  Þröstur Hrafnsson tók myndirnar og á hann hrós skilið fyrir að senda þær til birtingar á vefnum.

Hér má sjá myndband af æfingu.

Rúnar Alexandersson Gerplu er nú staddur í Ungverjalandi vegna Heimsmeistaramótsins sem fram fer dagana 20. - 24. n.k.  Rúnar mun keppa kl. 18:00 á fimmtudaginn kemur (21. nóv.).  Björn Magnús Tómasson dæmir á mótinu en hann var dreginn út sem A2 dómari á gólfi í undanúrslitum á fimmtudaginn og B5 dómari á svifrá í úrslitum á föstudaginn.  Þeir sem vel til þekkja vita að mikill heiður er að dæma sem A dómari á Heimsmeistaramóti en skemmst er frá því að segja að Björn Magnús hefur fengið viðurkenningu frá FIG fyrir vel unnin dómarastörf.