Myndbönd af Íslandsmótinu í áhaldafimleikum (laugardagur),
Myndband 1, smella hér.
Myndband 2, smella hér.
Myndband 3, smella hér.
Myndband 3 er verðlaunaafhendingu v/ kk: gólf, bogahestur, hringir og kvk; stökk og tvíslá
Myndband 4, smella hér.
Myndband 5, smella hér.
Myndband 6, smella hér.
Myndband 7, smella hér.
Myndband 7 er verðlaunaafhendingu v/ kk: stökk, tvíslá, svifrá og kvk; slá og gólf

Íslandsmót í frjálsum æfingum fór fram í dag þar sem okkar fremsta fimleikafólk kom saman til keppni í áhaldafimleikum karla og kvenna. Helstu niðurstöður urðu í fjölþrautarkeppni þannig að í kvennaflokki varð
1) Thelma Rut Hermannsdóttir, 49,4 stig, Íslandsmeistari í fjölþraut
2) Sigrún Dís Tryggvadóttir, 46,25 stig.
3) Harpa Dögg Steindórsdóttir, 45,6 stig.
og í karlaflokki varð
1) Viktor Kristmannsson, 78,95 stig, Íslandsmeistari í fjölþraut
2) Dýri Kristjánsson, 73 stig.
3) Ingvar Ágúst Jochumsson, 71,55 stig.
Allir verðlaunahafar í frjálsum æfingum karla og kvenna eru úr Íþróttafélaginu Gerplu. Viktor Kristmannsson sigrar nú í 6 skiptið í röð en hann hefur samtals orðið Íslandsmeistari 7 sinnum. Hefur hann þar með jafnað fyrra met Guðjóns Guðmundssonar fimleikakappa úr Ármanni sem sigraði á Íslandsmótunum 1987, 1989, 1990, 1991, 1993 1994 og 1995. Að þessu sinni varð Viktor Íslandsmeistari með Thelmu Rut Hermannsdóttur (Gerplu), en áður hafði hann orðið Íslandsmeistari með stúlkunum Sif Pálsdóttur (Gróttu), Kristjönu Sæunni Ólafsdóttur (Gerplu) og síðast Margréti Huldu Karlsdóttur (Gerplu). Viktor hefur átt góðan vetur og er greinilga í mjög sterkri stöðu fyrir Evrópumótið sem fer fram í Sviss og Norðurlandamótið sem fer fram í Noregi, en bæði mótin fara fram í maí n.k. Thelma Rut Hermannsdóttir var í fyrsta skiptið Íslandsmeistari í fjölþraut. Hefur hún verið að bæta sig jafnt og þétt á undanförnum misserum og sýndi virkilega fallega fimleika á mótinu. Þess ber að geta að mjög hörð keppni var í stúlknaflokki á á það sérstaklega við um efstu sæti keppninnar. Aðeins munaði 1,4 stigum á 3. til 8. sæti. Gefur það vísbendingu um harða keppni í úrslitum á einstökum áhöldum sem mun fara fram á morgun.
Áður en verðlaunaafhending fór fram var einnar mínútu þögn í minningu Jakobs Arnar Sigurðarssonar.
Við verðlaunaafendingu veitti Kristján Erlendsson honum Birni Magnúsi Tómassyni gullmerki FSÍ fyrir dómgæslu á vegum FSÍ og önnur störf á 20 ára tímabili hans sem þjálfari og dómari en í ár á FSÍ 40 ára afmæli. Kom fram í máli Kristjáns að á árinu mun við ýmis tækifæri einstaklingar verða heiðraðir fyrir þeirra störf í þágu fimleikahreyfingarinnar.
Í ljósi þess að Viktor Kristmannsson hefur nú jafnað met Guðjóns Guðmundssonar þá er við hæfi að skoða hverjir hafa orðið Íslandsmeistarar í áhaldafimleikum karla á síðustu árum og hversu oft þeir hafa náð þeim titli: Viktor Kristmannsson, Gerplu; 2001, 2003, 2004, 2005, 2006, 2007 og 2008 = 7 sinnum, en þar af 6 sinnum í röð. Guðjón Guðmundsson, Ármanni; 1987, 1989, 1990, 1991, 1993, 1994 og 1995 = 7 sinnum, þar af tvisvar 3 sinnum í röð. Davíð Ingason, Ármanni; m.a. 1986 = 4 sinnum. Dýri Kristjánsson, Gerplu; 1999, 2000 og 2002 = 3 sinnum, en þar af tvisvar í röð. Rúnar Alexandersson, Gerplu; 1996, 1997 og 1998 = 3 sinnum, og það allt í einni röð. Axel Bragason, Ármanni; 1988. Jóhannes Níels Sigurðsson, Ármanni; 1992.

Myndbönd af Íslandsmótinu í áhaldafimleikum (laugardagur),
Myndband 1, smella hér.
Myndband 2, smella hér.
Myndband 3, smella hér.
Myndband 4, smella hér.

Í dag lauk velheppnuðu Íslandsmóti í hópfimleikum 2008 sem haldið var í Garðabæ. Íslandsmeistarar kvenna, karla og blandaðra liða voru krýndir.
Íslandsmeistarar karla var lið Ármanns sem reyndar var eina karlalið mótsins og hlutu þeir 15,85 í einkunn en þeir kepptu á dýnu og trampólíni.
Í hópi blandaðra liða kepptu tvö lið þ.e. lið Ármanns sem nefnir sig Grámann en liðið er blandað keppendum frá Gróttu og Ármanni og lið Stjörnunnar. Grámann sigraði með 25.60 stig en Stjarnan hlaut 24.50 stig.
Í hóp kvennaliða voru þau þrjú lið sem hlutu hæstu einkunn í keppni í gær föstudag. Lið Gerplu, Selfoss og Stjörnunnar.
Kvennalið Gerplu vann glæsilegan sigur með 51.30 stig, í 2. sæti varð lið Stjörnunnar með 44.90 stig og í 3. sæti lið Selfoss með 44.40 stig.
Lið Gerplu tileinkaði sigurinn í dag Jakobi Erni Sigurðssyni drengnum sem veiktist alvarlega á miðvikudaginn á fimleikaæfingu en hann liggur nú alvarlega veikur á gjörgæsludeild Landsspítalans, sama gerði einnig lið Gerplu sem sigraði í keppni á gólfi og dýnu í landsrelgum en mótið fór fram í morgun.
Í dag var tekin fyrsta skóflustungan að nýju glæsilegu fimleikahúsi sem rýsa á í Garðabæ og áætlað er að taka í notkunn haustið 2009.

Myndbönd af Íslandsmótinu í hópfimleikum (laugardagur),
Myndband 1, smella hér.
Myndband 2, smella hér.
Myndband 3, smella hér.
Myndband 4, smella hér.
Myndband verðlaun, smella hér.

Í kvöld, föstudaginn 7. mars, fór fram 1. hluti af þremur á Íslandsmóti í hópfimleikum í Íþróttahúsinu Ásgarði í Garðabæ. Þá kepptu kvennalið frá Fylki, Gerplu P1 og Gerplu P2, Selfossi og Stjörnunni um hvaða lið næði þeim árangri að verða Íslandsmeistari á einstökum áhöldum, þ.e. gólfi, dýnu og trampólíni. Þrjú efstu liðin samtals komast áfram til keppni um Íslandsmeistaratiltilinn í hópfimleikum en keppnin hefst kl. 15.00 á morgun á sama stað.
Úrslit urðu þau að Gerpla P1 var Íslandsmeistari á öllum áhöldunum. Á gólfi varð Gerpla P2 í 2. sæti og Stjarnan í 3. sæti, á dýnu varð Fylkir í 2. sæti og Selfoss í 3. sæti og á trampólíni varð Selfoss í 2. sæti og Fylkir í 3. sæti.
Samanlögð úrslit urðu eftirfarandi:
1. sæti Gerpla með samtals 25.90
2. sæti Selfoss með samtals 22.15
3. sæti Stjarnan með samtals 22.10
Þessi þrjú lið keppa um Íslandsmeistaratitilinn í Ásgarði á morgun kl. 15.00.
Á morgun er kl. 11.10 hefst keppni í Landsreglum og þar verða krýndir Íslandsmeistarar á einstökum áhöldum. Liðin sem náðu hæstu einkunnum á hverju áhaldi á mótum vetrarins eiga keppnisrétt, þannig að liðin geta keppt á einstökum áhöldum. Þannig er t.d. með Halastjörnurnar úr Garðabæ en liðið er skipað keppendum á aldrinum
16 - 36 ára og eru þær aldursforsetar mótsins.
Mótið á morgun verður mjög skemmtilegt.
Einnig verður á morgun kl. 14.00 tekin fyrsta skóflustunga af nýju glæsilegur fimleikahúsi í Garðabæ.

Myndbönd af Íslandsmótinu í hópfimleikum (föstudagur),
Myndband 1, smella hér.
Myndband 2, smella hér.
Myndband 3, smella hér.
Myndband verðlaun, smella hér.

Myndbönd af Íslandsmótinu í þrepum,
Myndband 1, smella hér.
Myndband 2, smella hér.
Myndband verðlaun, smella hér.