Íslandsmót í þrepum fór fram laugardaginn 24. mars í fimleikahöll Bjarkanna í Hafnarfirði. Mótið var glæsilegt og mátti sjá þá iðkendur sem náð hafa flestum stigum á mótum vetrarins í hverju þrepi fyrir sig gera æfingar sínar með miklum tilþrifum enda Íslandsmeistaratitill í hverju þrepi í húfi. Þegar upp er staðið má segja að á þessu síðasta móti vetrarins þar sem keppt er eftir nýjum fimleikastiga þá er hægt að segja að vel hafi til tekist. Mótin hafa verið skemmtileg og fjölbreytt þar sem hvert félag semur að hluta sínar æfingar í hverju þrepi. Tíu Íslandsmeistarar voru krýndir. Skipust þeir á félögin þannig að Gerpla hlaut 4, Ármann hlaut 3, Grótta hlaut 1, Björk hlaut 1 og FIMAK hlaut 1.