Thelma Rut Hermannsdóttir.
Ljósmyndari: Auður Sigbergsdóttir.

Sif Pálsdóttir í afstökki af tvíslá en segja má að æfingar hennar þar hafi tryggt henni Íslandsmeistaratitilinn2006. Sif vann einnig titilinn á árunum 2000, 2001, 2002 og 2003. Er þetta því hennar fimmti Íslandsmeistaratitill.

Hún varð einnig Íslandsmeistari á tvíslá og í gólfæfingum.

Rúnar Alexandersson í æfingum á tvíslá. Hann varð Íslandsmeistari í æfingum á bogahesti, tvíslá og hringjum.

Jafnvægisslá:
1. Kristjana Sæunn Ólafsdóttir, Gerplu 13.350
2. Sif Pálsdóttir, Gróttu, 13.200
3. Inga Rós Gunnarsdóttir, Gerplu 13.000
3. Fríða Rún Einarsdóttir, Gerplu 13.000
Gólf:
1. Sif Pálsdóttir, Gróttu 13.500
2. Fríða Rún Einarsdóttir, Gerplu 13.450
3. Krisjana Sæunn Ólafsdóttir, Gerplu 13.350
Úrslit karla:
Gólf:
1. Róbert Kristmannsson, Gerplu 13.45
2. - 3 Bjarki Ásgeirsson, Ármanni 13.15 og
Jónas Valgeirsson, Ármanni 13.15
Bogahestur:
1. Rúnar Alexandersson, Gerplu 14.50
2. Bjarki Ásgeirsson, Ármanni 13.15
3. Róbert Kristmannsson, Gerplu 12.65

Fríða Rún Einarsdóttir sýndi flott tilþrif í æfingum sínum á Íslandsmótinu sem skiluðu henni þriðja sæti í fjölþraut og verðlaunasæti í úrslitum á öllum áhöldum.

Úrslit kvenna hér. Úrslit karla hér. Mótaskrá á sunnudag hér.

Annasamur tími er framundan hjá fimleikafólki landsins. Íslandsmótið í áhaldafimleikum fer fram nú um helgina en helgina 24. - 26. mars verða bæði Íslandsmót i hópfimleikum og Íslandsmót íslenska fimleikastigans.
Íslandsmótið í áhaldafimleikum verður í umsjón Gerplu og fer mótið fram í Versölum í Kópavogi. Hefst mótið kl. 15:00 á laugardaginn 18. mars og verða krýndir Íslandsmeistarar í karla og kvenna í fjölþraut. Úrslit á einstökum áhöldum fara svo fram daginn eftir, sunnudaginn 19.mars, og hefst keppni þá kl. 14:00, en þá verða krýndir Íslandsmeistarar á hverju áhaldi fyrir sig.

Íslandsmótið í hópfimleikum fer síðan fram dagana 24. og 25. mars. Hefst mótið kl. 18:30 á föstudeginum en þá mæta 8 lið til leiks. Á föstudeginum eru krýndir Íslandsmeistarar á einstökum áhöldum. Þrjú efstu liðin mæta svo aftur til leiks daginn eftir og berjast um Íslandsmeistaratitilinn.

Íslandsmót í þrepum fer að lokum fram í Íþróttamiðstöðinni Björk sunnudaginn 26. mars. Þar keppa þeir einstaklingar sem hafa náð bestum árangri í hverju þrepi fyrir sig í vetur. Nánari upplýsingar um mótið koma þegar nær dregur.
Hér er listi yfir þær stúlkur sem hafa unnið sér inn rétt til keppni á meistaramótinu og hér er listi yfir þá stráka sem hafa unnið sér inn rétt til að keppa á meistaramótinu.

Stúlkurnar í M-10 úr Fimleikadeild Aftureldingar, urðu í 2. sæti á hópfimleikamóti í Gróttu nú um helgina. Þær eru á aldrinum 7-9 ára og voru að keppa í flokki 11 ára og yngri. Frábær árangur hjá yngsta keppnisliði Aftureldingar.
Þjálfari stúlknanna er Sara Heimisdóttir.

Eftri röð: Kolbrún, Sigurbjörg, Anna, Brynja
Neðri röð: Sigríður Vala, Gréta, Klara, Harpa

Miðvikudaginn 12. apríl verður Páskamót Bjarkanna í hópfimleikum haldið í annað sinn.  Í fyrra mættu 16 lið til keppni og tókst mótið frábærlega.  Við höfum því ákveðið að endurtaka leikinn og vonumst við til  að fá eins góðar undirtektir og í fyrra.  Keppt verður í byrjenda og yngriflokkum og stuðst við byrjendareglur og yngriflokkareglur FSÍ. Þetta er frábært tækifæri fyrir lið til að æfa sig að keppa og koma fram þar sem lítið er um mót á þessum tíma.

Frekari upplýsingar hér

Þó svo Rúnar Alexandersson sé líklegur til að sigra, keppi hann í fjölþraut, þá er Viktor Kristmannsson núverandi íslandsmeistari orðinn nógu góður til að halda titlinum.

Hjá stelpunum mun keppnin standa á milli núverandi Íslandsmeistara, Kristjönu Sæunnar Ólafsdóttur og fyrrverandi Íslandsmeistara, Sifjar Pálsdóttur.

Óvæntir hlutir geta þó gerst og munu líklega gerast.

Íslandsmótið sem fram fer í Versölum í Kópavogi um næstu helgi er því líklegt til að verða skemmtilegt og spennandi hvet ég alla fimleikaáhugamenn til að mæta. Mótið hefst kl. 15:00 á laugardeginum en kl. 14:00 á sunnudeginum.

Meira!

Á laugardaginn var hélt fimleikadeild Gróttu byrjendamót í áhaldafimleikum og hópfimleikum. Keppt var í 5. og 6. þrepi Íslenska fimleikastigans fyrir hádegi en byrjendareglum hópfimleika eftir hádegi.
Við bendum á að úrslit mótsins eru á heimasíðu Gróttu. Sjá hér.

Með því að velja "Mótaskrá og viðburðir!" á forsíðu (til vinstri) birtist tafla með ýmsum hagnýtum upplýsingum um mótin og aðra viðburði sem eru framundan og einnig úrslit og fl. um liðna viðburði.

Tækninefnd í hópfimleikum hefur sent frá sér tilkynningu um hvaða lið hafa unnið sér rétt til þátttöku á Íslandsmótinu í hópfimleikum 2006 en þau eru: Björk H, Fylkir T1, Gerpla P1, Gerpla P2.1, Gerpla P2.2, Grótta, Selfoss 1 og Selfoss 2. Tækninefndin hefur einnig tilkynnt um val á liðum á Norðurlandamót unglinga í hópfimleikum sem haldið verður í Roskilde í Danmörku, 8. apríl n.k. en þau tvö lið sem um ræðir og hafa unnið sér inn keppnisrétt á Norðurlandamóti Juniora eru lið Fylkis 1 og Gerpla P2.1.

Fimleikadeild Aftureldingar tók heim 17 verðlaunapeninga af Íslandsmóti í 2.-6. þrepi stúlkna og 1.-3. þrepi drengja sem haldið var í Garðabæ á dögunum. Sjö keppendur frá Aftureldingu kepptu á mótinu og komu þau hlaðin gulli, silfri og bronsi. Þeir sem unnu til verðlauna á Íslandsmóti áskildu sér rétt til þess að keppa á meistaramóti í fimleikum sem haldið var sömu helgi. Þetta er í fyrsta sinn sem Afturelding á keppnislið á meistaramóti í fimleikum.
Arnar Logi Lútersson og Kjartan Elvar Baldvinsson eru fyrstu drengirnir sem keppa fyrir hönd Aftureldingar en þeir unnu báðir til verðlauna á Íslandsmótinu og náðu einnig báðir inn á meistaramótið. Arnar Logi var með hæstu einkunn á meistaramóti í almennum fimleikum 2006 og er því Íslandsmeistari í 1 þrepi drengja,
Afturelding keppti í fjórum þrepum í ár og náði inn á meistaramót í öllum þrepunum og er það frábær árangur þar sem aðeins 10 keppendur komast inn í hverju þrepi. Þess má geta að samkeppnin er hörð og fjöldi keppenda keppa í hverju þrepi.
Telma Þrastardóttir var með aðra hæstu einkunn á mótinu. Einnig keppti Lára Kristín Pedersen í 3 ja þrepi en hún varð íslandsmeistari á meistaramóti í fyrra í 1. þrepi stúlkna. Lára ákvað að hoppa yfir eitt þrep og var hún því með yngstu keppendum í þriðja þrepi en hafnaði með glæsibrag í 4. sæti og var önnur inn á meistaramótið. Brynja Ragnarsdóttir náði einnig inn á meistaramótið í 2. þrepi, var sú fimmta inn af 10 keppendum og stóð sig með prýði.

Ljósmyndarinn Vignir Grétar Stefánsson tók mikið af flottum myndum af Bikarmótinu sem fram fór um síðustu helgi. Njótið vel.

Unglingamót í hópfimleikum 2006 fór fram um helgina. Í yngri aldursflokki sigraði Björk í Hafnarfirði með 20,2 stig og í miðaldursflokki sigraði hópur Gerplu P2.1 með 23,7 stig. Á mótinu keppti hópur samsettur af bæði stúlkum og piltum en er það í fyrsta skiptið sem slík þátttaka á sér stað á hópfimleikamóti á vegum FSÍ.

Bikarmót í áhaldafimleikum fór fram nú um helgina. Stúlkurnar kepptu í 6 flokkum þar sem 27 hópar mættu til leiks, auk þess sem 6 hópar kepptu sem gestir. Piltarnir kepptu í 5 flokkum þar sem 11 hópar mættu til leiks. Helstu úrslit voru þau að Íþróttafélagið Gerpla sigraði í 9 flokkum af 11 flokkum þar af í öllum keppnisflokkum karla. Grótta sigraði í 2. og 4. þrepi stúlkna. Það er ljóst að Bikarmótið er eitt fjölmennasta fimleikamót ársins með að þessu sinni samtals 37 hópa í karla og kvennaflokki. Framkvæmdaraðili mótsins var Ármann og eiga forystumenn félagsins hrós skilið fyrir umgjörð og framkvæmd mótsins.
Úrslit Bikarmótsins í áhaldafimleikum 2006 eru hér. Keppt var í eftirfarandi flokkum og urðu útslit sem hér segir.

Stúlkur:
Frjálsar æfingar: Gerpla; 150,918 stig.
1. þrep: Gerpla; 99,168 stig.
2. þrep: Grótta; 94,502 stig.
3. þrep: Gerpla; 133,77 stig.
4. þrep: Grótta; 143,726 stig.
5. þrep: Gerpla; 145,072 stig.

Glæsileg tilþrif hjá Vilborgu Eddu Kristjánsdóttur úr Fjölni í æfingum á tvíslá en hún hlaut 9,2 stig fyrir æfingarnar en það var hæsta einkunn sem gefin var á tvíslá í 5. þrepi en Arna Ýr Jónsdóttir úr Gerplu hlaut einnig 9,2 stig. Þjálfari Vilborgar er Guðrún Sveinbjörnsdóttir en hún hefur til margra ára verið ein af fremstu þjálfurum Íslands í 5. og 4. þrepi stúlkna. Fjölnir hafnaði í 3. sæti í 5. þrepi en alls tóku 9 hópar þátt í keppni í 5. þrepi.

Á morgun þ.e. laugardaginn 4. mars fer fram í íþróttahúsinu á Selfossi Unglingamót í hópfimleikum 2006.
Mótið hefst kl. 13:45 og eru áætluð mótslok kl. 18:30.
Mótinu er skipt í tvennt. Til kl. 14:50 keppa yngri lið en þar eru 6 lið þátttakendur. Seinni hlutinn hefst síðan kl. 16:30 en þar taka þátt 8 lið í hópi eldri keppenda.
Mótaskipulag hér!

Bikarmót FSÍ í áhaldafimleikum 2006 verður haldið næstu helgi þ.e. þann 4. -5 mars í Laugardalshöll.
I. hluti mótsins er fyrir hádegi á laugardag þar sem keppt er í 4. þrepi stúlkna. Keppni hefst kl. 10.00. Áætluð mótslok kl. 12.15 – krýndir verða Bikarmeistara í 4. þrepi.
II. hluti mótsins er eftir hádegi á laugardag. Keppt í frjálsum æfingum karla og kvenna og í 3. þrepi kvenna. Keppni hefst kl. 14.00. Áætluð mótslok kl. 16.20. Krýndir verðar Bikarmeistarar karla og kvenna og Bikarmeistarar í 3. þrepi kvenna.
III hlut mótsins fyrir hádegi á sunnudag þar er keppt í 5. þrepi stúlkna og 4. þrepi pilta. Keppni hefst kl. 9.00. Áætluð mótslok kl. 12.15. Krýndir verða Bikarmeistarar í 4. þrepi pilta og 5. þrepi stúlkna.
IV hluti mótsins er eftir hádegi á sunnudag þar er keppt í 1. 2. og 3. þrepi pilta og 1. og 2. þrepi stúlkna. Keppni hefst kl. 14.00. Áætluð mótslok kl. 16.20
Krýndir verða Bikarmeistarar í 1. 2. og 3. þrepi pilta og 1. og 2. þrepi stúlkna.
Mótaskipulag hér!