Mánudaginn 21. mars fór fram páskamót Bjarkanna í hópfimleikum. Alls mættu 18 lið frá átta félögum. Auk Bjarkanna kepptu, Selfoss, Hamar, Grótta, Fjölnir, UMFH, Þór Þorlákshöfn og Ármann. 15 lið kepptu eftir byrjendareglum og 3 lið samkvæmt yngrireglum FSÍ. Mótið tókst í alla staði mjög vel og gaman að sjá hve margir komu og fylgdust með sínum liðum. Það var Selfoss T4 sem hreppti fyrsta sætið í byrjendaflokki með 23,1 stig og í öðru sæti var lið Þórs frá Þorlákshöfn með 23 stig og í 3. sæti var lið Hamars með 22,9 stig. Í yngriflokknum var það lið Gróttu T2 sem bar sigur úr býtum með 22,2 stig og í öðru sæti var lið Bjarkanna I2 með 18,6 stig og í þriðja sæti var Selfoss T3 með 17,3 stig. Eins og margoft hefur komið fram á fimleikar.is þá er mikill vöxtur í hópfimleikum á Íslandi og er þetta fjölmenna boðsmót enn ein staðfestingin á því.
Eins og sjá má á meðfylgjandi mynd þá voru áhorfendabekkirnir troðfullir og mikil stemming í salnum.

Með öflugu hugmyndaflugi og kraftmiklu sjálfboðaliðastarfi er oft hægt að framkvæma ótrúlegustu hluti. Það sannaðist þegar hesthúsi að grunnfleti um 528 fm (33,5m * 16m) var breytt í fyrsta flokks fimleikahús. Öflugt starf sjálfboðaliða gerði þetta að veruleika en félagsmenn lögðu fram um 1.300 klukkustundir í sjálfboðaliðastarfi. Til að koma öllu fyrir með haganlegum hætti var allt skipulagt mjög vel. Sjá meðfylgjandi frétt sem birtist á gymmedia.com
Húsið er sérhannað fyrir áhaldafimleika karla en áhugi á áhaldafimleikum karla hefur aukist mikið í Sviss þar sem húsið er vegna tilkomu góðs árangurs Andreas Schweizer sem hafnaði í 24 sæti í fjölþraut og 8 sæti í hringjum á Ólympíuleikunum.
Ef einhver á 600 fm hesthús til sölu þá endilega látið okkur vita !

Í kjölfar mistaka sem áttu sér stað í dómgæslu í fjölþrautarúrslitum á Ólympíuleikunum þá hefur FIG sent frá sér tilkynningu þar sem dómarar eru settir í dómgæslubann í mismunandi tíma og tilkynnt um að endurbætur eru nú í skoðun á þeim dómgæslureglum sem unnið hefur verið eftir.

Efri röð f.v.: Kim Fischer, Dorthe Jensen, Sólveig Jónsdóttir og Björn Björnsson. Mið röð f.v.: Hrefna Halldórsdóttir, Auður Ólafsdóttir, Andrea Dan Árnadóttir, Þórunn Arnardóttir, Hrefna Hákonardóttir, Ása Inga Þorsteinsdóttir, Íris Svavarsdóttir. Fremsta röð f.v.: Marín Þrastardóttir, Ásdís Guðmundsdóttir, María Kristbjörg Árnadóttir, Sigurbjörg Jódís Ólafsdóttir, Brynhildur Hlín Eggertsdóttir og Íris Mist Magnúsdóttir.
Hópur Stjönunnar hefur sigrað á öllum mótum sem hann hefur tekið þátt hérlendis á undanförnum tveimur keppnistímabilum.

Stúlkurnar úr P1 í Gerplu náðu þó að stöðva sigurgöngu Stjörnunnar með því að verða Íslandsmeistarar á Trampolíni.
Til úrslita um efstu þrjú sætin keppti auk farmangreindra hópa stúlknahópur frá Björk. Skemmst er að minnast þess að stúlkur úr Björk urðu Íslandsmeistarar fyrir tveimur árum (sjá hér) og því verður gaman að sjá hvort hér sé kominn hópur sem muni gera tilkall til Íslandsmeistaratitils að ári liðnu en Hlín Benediktsdóttir, einn af þjálfurum hópsins nú, var í sigurhópnum fyrir tveimur árum.

Sigurbjörg Ólafsdóttir, glæsileg fimleikakona sem hefur verið í fremstu röð fimleikafólks á Íslandi á annan áratug.

Kristjana Sæunn, Íslandsmeistari í fjölþraut og á stökki, slá og gólfi. Hún hefur nú unnið tvö ár í röð.

sinni en að þau tvö hafi því verið með yfirburði.
Í úrslitum á áhöldum þá sigraði Viktor Kristmannsson úr Gerplu í Kópavogi á fimm áhöldum en þurfit þó að deilda fyrsta sætinu á stökki með bróður sínum og horfa á eftir gullinu yfir til félaga síns Jónasar Valgeirssonar úr Ármanni á gólfi. Viktor hafði þó ákveðna yfirburði á Íslandsmótinu og greinilegt að hann er í toppformi þrátt fyrir að flensan hafi hrjáð hann á allra síðustu dögum. Hann hefur verið við æfingar með félaga sínum úr Gerplu honum Rúnari Alexandersyni ásamt Lettneska landsliðinu en hann fékk stuðning til þess frá Iðnskólanum í Reykjavík og Íþróttafélaginu Gerplu. Í stúlknaflokki sigraði Kristjanna Sæunn Ólafsdóttir úr Gerplu í Kópavogi á þremur áhöldum en Sif Pálsdóttir úr Gróttu sigraði á tvíslá.

Þau Viktor Kristmannsson og Kristjana Sæunn Ólafsdóttir, bæði úr Gerplu í Kópavogi tryggðu sér því Íslandsmeistaratitilinn í fjölþraut. Er þetta annað árið í röð sem Íþróttafélagið Gerpla í Kópavogi á Íslandsmeistara bæði í karla og kvennaflokki.
Eftir harða keppni í stúlknaflokki sigraði Kristjana Sæunn (32,625) annað árið í röð en að þessu sinni veitti Sif Pálsdóttir úr Gróttu (32,375) henni harða keppni en í fyrra var það Inga Rós Gunnarsdóttir (30,675) sem lék það hlutverk. Næst á eftir Sif varð Harpa Snædís Hauksdóttir úr Gróttu (31,05). Áhofendur og keppendur eru því farnir að venjast því að úrslit á Íslandsmóti í áhaldafimleikum kvenna ráðist aðeins á brot úr stigi. Efstu sex stúlkurnar í fjölþraut fengu allar á bilinu 30,6 til 32,625 stig en þær Kristjana og Sif skáru sig þó að vissu leyti úr. Keppnin var jöfn eins og spáð hafði verið og má allt eins búast við því að á næsta ári muni til dæmis Fríða Rún Einarsdóttir úr Gerplu (30,75) eða Hera Jóhannesdóttir úr Gróttu (30,6) blanda sér í toppslaginn með framangreindum stúlkum.

Nefna má sérstaklega að fyrirkomulag dómgæslu í piltakeppni var til fyrirmyndar þar sem frádráttardómarar sátu hver á sínum stað og áttu þar af leiðandi enga möguleika á því að fylgjast með og eða ræða saman um einstakar útfærslur hjá keppendum (B-dómarar). Dómarar sem taka útgangseinkunn saman sátu svo hlið við hlið (A-dómarar). Er þetta fyrirkomulag að erlendri fyrirmynd og mætti einnig sjá þetta fyrirkomulag í stúlknakeppninni.
Framkvæmdaraðili mótsins var Ármann og tókst það í alla staði mjög vel. Miklum fjölda sjálfboðaliða sem lögði sitt af mörkum er þakkað fyrir sitt framlag ásamt því að dómurum er einnig þökkuð þeirra störf. Án allra þessara sjálfboðaliða verða fimleikamót illframkvæmanleg vegna kostnaðar enda stendur og fellur íþróttahreyfingin á starfi sjálfboðaliða.

Fimleikafélagið Björk vill bjóða ykkur að taka þátt í móti sem haldið er til heiðurs Mínervu Jónsdóttur sem var ein af stofnendum FIMLEIKAFÉLAGSINS BJÖRK. Mótið verður haldið í Íþróttamiðstöðinni Björk sunnudaginn 17. APRÍL. Keppt er í liðakeppni í 5. og 6. þrepi íslenska fimleikastigans. Það eru sex í hverju liði og fimm efstu telja til stiga á hverju áhaldi. meira hér.

Undanfarin tvö ár hefur verið sett fram spá um úrslit á Íslandsmótum í hópfimleikum og áhaldafimleikum. Bæði árin voru úrslit mótanna í samræmi við þá spá sem sett hafði verið fram. Spá 2003 í hópfimleikum hér. Því var spáð að Björk myndi vinna og varð niðurstaða mótsins í samræmi við þá spá. Spá 2003 í áhaldafimleikum karla hér og kvenna hér. Því var spáð að Viktor Kristmannsson og Sif Pálsdóttir yrðu Íslandsmeistarar. Niðurstaða mótsins var í samræmi við þá spá. Sjá úrslit hér í hópfimleikum og áhaldafimleikum hér.
Spá 2004 í hópfimleikum og áhaldafimleikum hér. Því var spáð að Íslandsmeistarar í hópfimleikum kvenna yrðu stúlknahópurinn úr Stjörnunni í Garðabæ og varð niðurstaðan í samræmi við þá spá. Þá var því spáð að Íslandsmeistari í karlaflokki yrði Viktor Kristmannsson úr Íþróttafélaginu Gerplu og varð niðurstaðan í samræmi við þá spá. Í kvennaflokki var sagt að keppnin yrði mjög hörð og úrslitin myndu sennilega ráðast á mjög litlum mun. Svo varð raunin því Kristjana Sæunn Ólafsdóttir fékk 31,75 stig og Inga Rós Gunnarsdóttir fékk 31,475 stig. Sjá úrslit hér í hópfimleikum og áhaldafimleikum hér.
Undanfarin tvö ár hefur spá undirritaðs því verið hárrétt. meira hér

Um næstu helgi 18. – 20. mars n.k. verður sannkölluð Fimleikaveisla haldin í Laugardalshöll en þá eru haldin Íslandsmót bæði í hópfimleikum og áhaldafimleikum.
Íslandsmót í hópfimleikum
Föstudaginn 18. mars kl. 18.30 – 20.10 er Íslandsmót í hópfimleikum. Þar keppa þau 7 lið sem náð hafa 21 stigi á mótum vetrarins.
Í lok mótsins á föstudag eru krýndir Íslandsmeistarar á einstökum áhöldum: Á gólfi, á dýnu og á trampólíni. Efstu 3 liðin komast áfram í úrslit á laugardag 19. mars og stendur keppnin kl. 11.00 – 12.00 og verða þar krýndir Íslandsmeistarar í hópfimleikum 2005.
Íslandsmót í áhaldafimleikum
Laugardaginn 19. mars kl. 15.00 - 17.40 er keppni í fjölþraut í áhaldafimleikum. Þar keppir allt okkar besta fimleikafólk sem er við æfingar hér á landi. Í lok keppni verða krýndir Íslandsmeistarar í áhaldafimleikum karla og kvenna þ.e. sá einstaklingur sem hlýtur hæsta samanlagða einkunn á öllum áhöldum. Í karlaflokki er keppt á 6 áhöldum og í kvennakeppninni á 4. áhöldum.
Sunnudaginn 20. mars kl. 14.00- 16.20 hefst síðan keppni á einstökum áhöldum. Þar keppa þeir 6 einstaklingar karla og kvenna sem hlutu hæstu einkunnir á hverju áhaldi á laugardegi. Krýndir eru Íslandsmeistarar á hverju áhaldi fyrir sig.

Tækninefnd í hópfimleikum hefur sent frá sér eftirfarandi tilkynningu:

"Reykjavík 9. mars 2005

Varðandi Norðurlandamót í hópfimleikum 2005
Tækninefnd í hópfimleikum hefur valið þau 2 lið sem munu keppa fyrir Íslands hönd á Norðurlandamótinu í hópfimleikum sem fer fram í Laugardalshöll 9.apríl n.k.
Það eru lið Stjörnunnar eldri og lið Gerplu P1 eldri.
Tækninefnd óskar liðunum til hamingju með þátttökuréttin og óskum þeim góðs gengis á mótinu.
THF"

Íslandsmót í skylduæfingum fór fram um helgina. Keppt var í 9 flokkum, 5 hjá stúlkum og 4 hjá piltum. Keppt var til Íslandsmeistaratitils í hverjum flokk. Keppendur frá Íþróttafélaginu Gerplu sigruðu í 6 flokkum en keppendur frá Gróttu, Ármann og Björk sigruðu hver í einum flokk. Athyglisvert er að nú fellur Íslandsmeistaratitill í piltaflokki ekki í skaut Gerplu eða Ármanns sem hafa nánast setið

Í skylduæfingum pilta er keppt í Íslenska fimleikastiganum. Skiptist hann í 5., 4., 3., 2. og 1. þrep. Hér má sjá þær reglur sem gilda um keppni í stiganum eins og þær eru nú.
Almennar reglur hér. 5. þrep hér. 4. þrep hér. 3. þrep hér. 2. þrep hér og 1. þrep hér.

Staða yfirþjálfara er laus hjá fimleikadeild Hattar á Egilsstöðum frá og með hausti 2005. Fimleikadeild Hattar er vel tækjum búin og eru iðkendur um 150 talsins. Deildin er með almenna fimleika og hópfimleika. Staðan felur í sér þjálfun, skipulagningu / halda utan um þjálfara og iðkendur.
Nánari upplýsingar eru veittar í síma 471-3170 eða 861-1791

Bikarmeistarar 2005