Björk Íslandsmeistarar í hópfimleikum

Nú rétt í þessu var að ljúka Íslandsmóti í hópfimleikum og sigraði Björk úr Hafnarfirði með 50,6 stigum og í öðru sæti hafnaði Stjarnan eldri úr Garðabæ með 50,3 stig og í þriðja sæti varð Gerpla P1 úr Kópavogi með 48,85 stig.

Meira

Nú um helgina fer fram heimsbikarmót í þýskalandi (27th Tournament of Masters). Rúnar Alexandersson úr Gerplu er meðal keppenda. Undanúrslit fóru fram í gær (21/3) og fékk Rúnar 8.725 stig fyrir æfingar á bogahesti sem er í línu við þann árangur sem hann hefur sýnt að undanförnu en meðaltal hans á bogahesti úr síðustu sex mótum er 8,75 sig. Fyrir æfingar í hringjum fékk hann 8,362 og 8,825 fyrir æfingar á tvíslá. Meira

Íslandsmóti í hópfimleikum byrjaði með undanúrslitakeppni í kvöld. Auk þess var keppt um Íslandsmeistaratitil á einstökum greinum. Stjarnan E tryggði sér hæstu einkunn samanlagt sem mun koma liðinu til góða í úrslitakeppni á morgun (laugardaginn 22. mars) þar sem samanlagður stigafjöldi í undanúrslitum og í úrslitum telur til Íslandsmeistaratitils í hópfimleikum. Meira

Sett hefur verið saman spá um úrslit á Íslandsmóti í hópfimleikum sem fer fram um næstu helgi. Meira

Sett hefur verið saman spá um úrslit á Íslandsmóti karla í áhaldafimleikum sem fer fram um næstu helgi. Samhliða því hefur verið settur saman fyrsti styrkleikalisti www.fimleikar.is sem verður uppfærður reglulega. Meira

Sett hefur verið saman spá um úrslit á Íslandsmóti kvenna í áhaldafimleikum sem fer fram um næstu helgi. Samhliða því hefur verið settur saman fyrsti styrkleikalisti www.fimleikar.is sem verður uppfærður reglulega. Meira

Um síðustu helgi keppti Rúnar Alexandersson á Heimsbikarmóti í París. Meðal keppenda var flest af besta fimleikafólki í heimi. Þessar myndir voru teknar á mótinu. Njótið vel og við kunnum Heimi og Rúnari bestu þakkir fyrir þessar myndir. Myndir af mótinu hér.

Um næstu helgi (21. - 23. mars) mun fara fram Íslandsmót í áhalda- og hópfimleikum í Laugardalshöll. Um síðustu helgi fór fram Íslandsmót í þrepum og þá var troðfullt af áhorfendum og mikil stemming á mótinu. Áhorfendur á Íslandsmótunum um næstu helgi verða að öllum líkindum enn fleiri enda sannkölluð fimleikaveisla sem boðið verður upp á. Skipulag stúlkur áhaldafimleikar, áhaldafimleikarkk & hópfimleikar. Auglýsing.

Ég tók nokkrar myndir samhliða smá spjalli við fimleikafólkið ! Myndir hér.

Íslandsmót í þrepum íslenska fimleikastigans fór fram sunnudaginn 16.3 að viðstöddu troðfullu húsi áhorfenda. Keppendur úr Gerplu sigruðu í öllum keppnisflokkum á mótinu og má því segja að Gerpla hafi tryggt sér Íslandsmeistaratitil í þrepum íslenska fimleikastigans.Meira

Fyrsta mótið í heimsbikarmótaröðinni fer fram í París nú um helgina með um 130 keppendur frá 37 þjóðum. Þar á meðal eru 12 verðlaunahafar frá heimsmeistaramótinu 2002. Rúnar Alexandersson keppti á bogahesti, tvíslá og hringjum á mótinu. Á bogahesti fékk hann 8,7 stig en hann missti jafnvægið í hringsveiflum á einum boga. Fyrir æfingar á hringjum og tvíslá fékk hann 8,9 stig. Meira

Framundan eru Íslandsmót í þrepum íslenska fimleikastigans, Íslandsmót í frjálsum æfingum í áhaldafimleikum og Íslandsmót í hópfimleikum. Erfitt getur verið að spá til um hverjir séu sigurstranglegastir og í fimleikum getur allt gerst á síðustu stundu þar sem oft munar aðeins hársbreidd á efstu keppendum. Engu að síður getur verið gaman að setja fram spá um hverjir sigra. Í fyrsta sinn á Íslandi verður nú birt opinberlega spá um úrslit framangreindra Íslandsmóta. Fyrsta spáin er Íslandsmót í þrepum. Meira

Íslandsmót í þrepum verður haldið sunnudaginn 16. mars í Bjarkarhúsinu, Haukarauni 1, Hafnarfirði. Keppendur á mótinu eru einstaklingar sem náð hafa hæstu einkunnum á mótum í íslenska fimleikastiganum í vetur, bæði hjá stúlkum og drengjum. Búast má við harðri keppni í öllum þrepum. Vonandi fjölmenna krakkar úr öllum félögum á áhorfendapalla til að hvetja keppendur. Mótið hefst kl. 14:00. Skipulag stúlkur & piltar dómarar Auglýsing

Íþrótta- og Ólympíusamband Íslands auglýsir eftir tveimur þátttakendum, konu og karli, á námskeið ungs íþróttafólks (20 til 35 ára) á vegum alþjóða Ólympíuakademíunnar í Ólympíu í Grikklandi dagana 30. júlí til 13. ágúst n.k. Flugferðir og uppihald eru þátttakendum að kostnaðarlausu. Meira

Fylkir býður ykkur að taka þátt í skemmtilegu byrjendatrompmóti, sem haldið verður 5.apríl 2003 í Fylkishöll. Mæting keppenda verður kl. 10:00. Þátttökurétt hafa þau lið sem ekki hafa keppt á hópfimleikamótum FSÍ. Keppt er eftir byrjendareglum í hópfimleikum.
Þátttökutilkynning skal berast fyrir miðvikudaginn 26.mars til undirritaðrar(email A & B). Mótagjald er 1200.- krónur á keppenda og greiðist það til mótstjóra áður en keppni hefst. Athugið að hvert félag þarf að senda inn einn dómara á lið. Nánari upplýsingar um mótið kemur síðar og einnig hjá undirritaðri í síma 821-1707.
Fh. Fimleikadeildar Fylkis
Íris Hrund Pétursdóttir.

Rúnar Alexandersson keppti nú um helgina á boðsmóti í Kaupmannahöfn þar sem aðeins fimleikamenn og konur í fremstu röð var boðið til þátttöku. Í verðlaun voru m.a. peningavinningar. Skemmst er frá því að segja að Rúnar bar sigur úr bítum á bogahesti með 8,6 stig en jafn honum í fyrsta sæti varð Mickael Hjort frá Svíþjóð einnig með 8,6 stig. Í hringjum fékk Rúnar 8,8 stig og hafnaði í þriðja sæti.

Unglingamót FSÍ í hópfimleikum fór fram á Selfossi á laugardaginn (8/3/03). Keppt var í tveimur aldursflokkum í þrettán hópum sem skiptust þannig að í yngri flokknum kepptu þrír hópar og eldri flokknum kepptu tíu hópar samtals frá tíu félögum. Í yngri flokk sigraði Gerpla P3 með 21,75 stig og í öðru sæti varð Selfoss T4 með 20,9 stig og í þriðja sæti hafnaði Grótta yngri með 20,5 stig. Í eldri hópnum, sem er mið aldurshópur samkvæmt almennri skiptingu, sigraði Grótta mið með 23,3 stig og skammt á eftir kom Gerpla P2 með 23,2 stig og í þriðja sæti hafnaði Stjarnan með 22,65 stig.

Á Haustmótinu sem fór fram fyrir nokkru tók ég töluvert af myndum. Úr því að ég er búinn að læra að setja mikið af myndum á netið með einni skipun þá skelli ég þeim öllum hér á netið. Ef þið finnið mynd af ykkur þá megið þið eiga hana :-) Ég mun taka mynirnar út eftir nkkrar vikur. Myndirnar eru hér.

Í fréttum hefur komið fram að á nýafstöðu Bikarmóti FSÍ hafi landslið karla í fimleikum uppfyllt lágmörk til þátttöku á HM í USA. Vekur þessi fréttaflutningur óneitanlega athygli því aldrei áður í sögu FSÍ hefur verið sent karlalandslið til þátttöku á HM. Því má segja að um stórfrétt sé að ræða. Meira
Athugasemd vegna greinarinnar. Meira

Það ætti ekki að fara framhjá neinum að síðan hefur tekið á sig nýja mynd. Tæknileg atriði eru nokkur sem huga þarf að, og getur það verið að eitthvað birtist ekki allveg rétt, svona rétt á meðan verið er að uppfæra síðuna. Allar ábendingar og comment eru vel þegin og skal senda þær til vefstjóra.