Það var ekki slæmt að fá að líta á aðstæður þar sem að Heimsmeistarar Karla og Kvenna æfa daglega undir leiðsögn færustu þjálfara heims. Meðþjálfari minn Ms Dong Fangxiao (Berry) bauð mér í heimsókn á æfingasvæðið sem er staðsett í suður hluta Beijing ekki langt frá The Temple of Heaven. Berry sem varð í 3 sæti á Ólympíuleikunum í Sidney 2000 sýndi mér aðstæður á æfingasvæðinu þar sem frjálsíþrótta-, dýfinga-, borðtennis-, blak- og badminton lið Kína eru á fullu að undirbúa sig fyrir Ólympíuleikana 2008. Þegar við gengum um svæðið þá þótti mér merkilegt hve ströng gæsla var og fékk að vita að nýkrýndur heimsmethafi í 200 metra grindahlaupi Mr Liu Xiang væri á svæðinu og mætti ekki vera truflaður við æfingar sínar.
Eftir að hafa skoðað svæðið fórum við í fimleikahöllina þar sem þjálfari kvenna landsliðsins Mr Wang Qun Ce tók á móti okkur. Aðstaðan í höllinni er mjög góð þar sem að nokkur áhöld af hverri gerð eru sett upp á mismunandi hátt eftir því hvaða æfingar verið er að þjálfa. Krakkarnir sem fá að þann heiður að þjálfa hér eru valdir frá öllum héruðum Kína og boðið að búa og stunda nám á íþróttasvæðinu allt árið um kring undir leiðsögn færustu þjálfara heims. Líkt og á Íslandi þá er ekki mikill aukatími fyrir þá sem að vilja ná árangri enda er æft þrisvar á dag sex daga vikunnar og nám stundað á milli æfinga. Að þessu sinni voru eingöngu stúlkur á æfingu þar sem að karla landsliðið var í afslöppun eftir langt og árangursríkt keppnistímabil.
Eftir að hafa fylgst með æfingu stúlknanna þá bauð Mr Wang okkur að og kíkja á æfingu hjá dýfinga liðinu. Það var einkar skemmtilegt að fara með honum í dýfingahöllina þar sem að meðal þeirra 20 nemanda sem voru á svæðinu voru 6 ólympíumeistarar frá Aþenu að stinga sér á sama tíma í 10 metra djúpa laugina. Mr Wang sagði mér að stór hluti þeirra sem að voru að stinga sér í laugina hafi fengið grunn sinn úr fimleikunum og að hann hafi sjálfur alið upp nokkra þeirra.
Eftir skemmtilegan dag þá hélt ég heim á leið sáttur við að hafa fengið að fylgjast með því hvernig framtíðar meistarar heimsins haga æfingum sínum. Ég er staðráðin í því að koma aftur og líta á æfingu hjá karla landsliðinu næst þegar ég hef tíma.

Ýmiskonar svifæfingar á tvíslá.

Courtney Kupets viðtal.

Íþróttafélagið Gerpla hélt fjórar glæsilegar Vorsýningar dagana 18. og 19. maí fyrir troðfullu húsi á hverri sýningu. Er þetta í fyrsta skiptið sem skipta þurfti Vorsýningu félagsins upp í fjóra hluta til þess að allir iðkendur félagsins gætu komið fram en þeir eru nú orðnir 1.375 í reglubundnum æfingum undir lok vetrarstarfsins. Hver sýning var rétt rúmlega klukkustund þar sem blandað var saman yngri og eldri iðkendum auk þess sem atriði hjá hverjum hóp var mismunandi. Þegar upp var staðið fengu áhorfendur fjölbreytta skemmtun á hverri sýningu. Fjöldi sjálfboðaliða komu að undirbúningi og framkvæmd sýninganna og er þeim færðar bestu þakkir frá félaginu fyrir þeirra framlag. Að venju voru veittar viðurkenningar á sýningunum. Þeir sem hlutu viðurkenningar að þessu sinni voru:
Nánar hér.

Um helgina 5. - 8. júlí n.k. mun fara fram stærsti íþróttaviðburður ársins sem verður Landsmót UMFÍ. Áætla má að allt að 100.000 manns leggi leið sína í Kópavoginn þessa helgi og taki þátt í viðburðum á vegum hátíðarinnar annað hvort sem áhorfendur eða sem þátttakendur. Að sjálfssögðu verður keppt í fimleikum á þessari risavöxnu íþróttahátíð. Keppni mun fara fram í hópfimleikum, föstudaginn 6. júlí að Versölum í Kópavogi. Um er að ræða opna keppni í landsreglum með tveimur undantekningum, þ.e. engir aldursflokkar og liðin taka þátt á öllum áhöldum. Nánari upplýsingar og skráning á http://landsmot.kopavogur.is

Fimleikadeild Gróttu óskar eftir að ráð í stöðu yfirþjálfara til starfa á næsta keppnistímabil. Þjálfari þarf helst að geta hafið störf 1. ágúst n.k. Starfið felur í sér yfirumsjón með þjálfun innan deildarinnar. Umsóknir og upplýsingar um menntun og fyrri störf sendist til Þóru Sigurðardóttur á netfangið emo@simnet.is eða í síma 862-1045 . Farið verður með allar umsóknir sem trúnaðarmál.

Um helgina var kosin nýr formaður Norska Íþróttasambandsins á þingi sambandsins i gær. Tove Paule vann með 96 atkvæðum gegn 65 atkvæðum sem Roald Bergsaker fékk. Hún er þar með fyrsta konan til að gegna þessu valdamikla og eftirsóknarverða embætti. Kosningabaráttan var mjög hörð og spennandi og vakti mikla athygli í fjölmiðlum.
Tove hefur verið alþjóðlegur dómari til fjölmargra ára og starfað mikið fyrir norska fimleikasambandið. Síðustu ár hefur hún setið í stjórn Íþróttasambandsins. Hún er nýhætt dómgæslu í fimleikum en fimleikahreyfingin að sjálfsögðu ánægð með úrslitin.
Sjá nánar á www.idrett.no

Íþróttafélagið Gerpla hélt aðalfund félagsins 10. maí sl. Gert var grein fyrir helstu þáttum í starfssemi félagsins á liðnu ári ásamt hefbundnum aðalfundarstörfum. Allir stjórnarmenn gáfu kost á áframhaldandi setu í aðalstjórn félagsins auk þess sem fjölgað var um einn stjórnarmann. Nánar hér.

Sigurður Hrafn Pétursson fimleikamaður hefur sett saman mjög áhugaverða ritgerð um sögu fimleika. Nánar hér.

Saga

Enska orðið ‘gymnastics’ er komið af gríska orðinu ‘gymnazein’ sem þýðir að “æfa nakinn, eða án klæða”. Og það var einmitt raunin. Þannig var æft og keppt á Ólympíuleikum í Grikklandi til forna allt fram að 393 eftir Krist. Á þeim leikum var keppt í frumstæðri útgáfu af fimleikum eða einungis stökki og gólf seríum. Gólf æfingar svo sem handahlaup, heljarstökk og framflikk, héldust fram um aldir. Á miðöldum sáu dansarar, ferðafólk, líkamslistamenn og hirðfífl um þá skemmtun.
Nánar hér.

Sjá tilkynningu hér (á ensku) og hér (á dönsku)

Margrét Hulda Karlsdóttir

Fimleikasjóður Íslands hefur greitt Fimleikasambandi Íslands kr. 280.000,- í styrk vegna Evrópumóts í áhaldafimleikum. Styrkurinn er ætlað að greiða kostnað vegna tveggja þjálfara á mótið. Sjóðurinn hefur styrkt FSÍ um kr. 380.000 á árinu 2007.
Fimleikasjóð Íslands er ætlað að vera bakhjarl við afreksstefnu í fimleikum á Íslandi.  Frá stofnun hefur sjóðurinn greitt út styrki að fjárhæð kr. 1.420.000 sem fimleikafólk hefur notið góðs af.
Nánar um sjóðinn hér.
Fyrir hönd Fimleikasjóðs Íslands
Jón Finnbogason