Nú er sumarið byrjað og þá má sjá ýmsar íþróttagreinar sem keppni fer aðallega fram á sumrin. Fjölmargir sem komið hafa nærri fimleikum stunda hestamennsku. Má þar nefna Davíð Ingason, fyrrum margfaldan Íslandsmeistara í fimleikum, Guðjón Guðmundsson, hann gerði fyrstur á Íslandi tvöfallt heljarstökk í gólfæfingu, Gísli Örn Garðarsson, leikari og leikstjóri Rómeu og Júlíu. Einnig má nefna að Margrét Bjarnadóttir og Elsa Jónsdóttir sem báðar hafa verið formenn Gerplu hafa stundað hestamennsku í mörg ár en Elsa hefur ásamt eiginmanni sínum Finnboga Aðalsteinssyni verið í hrossarækt í áraraðir.

Vladimir Antonov hefur staðið sig mjög vel sem þjálfari hérlendis og m.a. þjálfað tvær stúlkur sem unnið hafa á Íslandsmóti, þær Elvu Rut og Kristjönu Sæunni.

Toppþjálfaranámskeið í hópfimleikum eða almennum keppnisfimleikum (Námskeið 2C) fer fram um helgina 11. – 13. júní 2004 (frá föstudegi til sunnudags) og fer námskeiðið fram á Reykjavíkursvæðinu. Námskeiðið er ætlað þjálfurum með reynslu í þjálfun fimleika. Þeir þjálfarar sem farið hafa í gegnum þjálfarakerfi FSÍ og ÍSÍ ganga fyrir á námskeiðið. Fyrstir koma fyrstir fá.
Þátttökukröfur eru að hafa lokið stigi 1 almenna og hluta FSÍ eða A og B stigi í gamla kerfinu og að hafa lokið stigi 2A. Íþróttakennarar, sjúkraþjálfarar og fimleikaþjálfarar með langa reynslu í kennslu framhaldshópa geta sótt um undanþágu til að sækja námskeiðið.
Verð 12.000,- Athygli er vakin á því að með umsókn á námskeið þarf að koma fram hvernig greitt verður á námskeiðið.
Farið verður í alla meginþætti almennra keppnisfimleika. Gólf, dýnu og trampólínstökk. Meirihluti námskeiðsins er verklegur í sal og er ætlast til að allir þátttakendur taki þátt í þeim hlutum að fullu. Áherlsa verður lögð á að æfa handbrögð í móttöku og að greina tækni og þekkja helstu mögulegar villur í einfaldari jafnt sem flóknari fimleikastökka.
Kennarar á námskeiðinu eru danskir sem hafa mikla reynlsu og þekkingu á hópfimleikum.Skráningu skal vera lokið fyrir föstudaginn 29. maí og skulu umsækjendur skila skráningarblaði á skrifstofu FSÍ í pósti, með Faxi eða tölvupósti.
Fræðslunefnd FSÍ.

Meðfylgjandi myndir voru teknar á árlegri Vorsýningu hjá Björk.
Sjá myndir hér.

Rúnar Alexandersson úr Gerplu tók sér hlé frá æfingum fyrir Olympíuleikana nú í ágúst til þess að heimsækja börn á leikskólum í Kópavogi og kynna fyrir þeim sögu Olympíuleikanna og sýna þeim nokkrar vel valdar fimleikaæfingar. Rúnar er nú að fara að keppa í þriðja skiptið á Olympíuleikunum en þess má geta að enginn annar fimleikamaður frá Norðurlöndunum keppir Olympíuleikunum í sumar. Una María Óskarsdóttir, formaður Íþrótta- og tómstundaráðs Kópavogs, tók þátt í þessu skemmtilega verkefni og hjálpaði hún Rúnari að lyfta börnunum í heljarstökk. Hún var mjög ánægð með þetta verkefni og telur mikilvægt að börnin fái að kynnast afreksfólki Kópavogsbæjar með jafn beinum hætti og Rúnar gerði að þessu sinni ásamt félögum sínum úr Gerplu.
Farið var í leikskólana Rjúpnahæð við Rjúpnasali, Fífusalir við Salaveg, Arnarsmára, Dal við Funalind og Smárahvammur við Lækjarsmára. Allir leikskólarnir liggja nærri nýju íþróttahúsi sem Íþróttafélagið Gerpla mun flytja í á næstu misserum. Jón Finnbogason, varaformaður Gerplu, fór ásamt Rúnari með þeim Dýra Kristjánssyni, Ingu Rós Gunnarsdóttur og Kristjönu Sæunni Ólafsdóttur í heimsókn í leikskólana enda dugar ekker minna en hópur fremsta fimleikafólks á Íslandi þegar um 500 börn eru heimsótt og þeim sýndar ýmsar fimleikaæfingar.
Myndir af heimsókninni hér.

Una María Óskarsdóttir og Rúnar Alexandersson hjálpa ungri stúlku að gera heljarstökk. Myndin er tekin í leikskólanum Rjúpnahæð við Rjúpnasali í Kópavogi en það er fjölmennasti leikskólinn á landinu með um 120 nemendur. Leikskólarnir Rjúpnahæð og Fífusalir eru nýjustu leikskólar Kópavogsbæjar og er mjög góð íþróttaaðstaða í leikskólunum þar sem rimlar, kaðlar, dýnur o.fl. eru af bestu gerð.

Rúnar Alexandersson from the gymnastic club Gerpla took a short break from the preparation for the Olympic games to visit children in the kindergarten schools in Kópavogur, the municipal were Gerpla is located, and introduce to them the history of the Olympic games and show them some gymnastic movements. Rúnar is now going to take part in the Olympic games for the third time in a row and is now the only gymnastic men from the Nordic regions that take part in the games. Una María Óskarsdóttir, chairman of the sports council in Kópavogur, took part in this project and helped Rúnar to assist the children to do backwards somersault. She was very satisfied with this project and in her opinion it is very important that the children in Kópavogur get the opportunity to get to know the best sportsmen and women in Kópavogur as the did now by meeting Rúnar and his friends from Gerpla.
The kindergarten schools that was visited were Rjúpnahæð, Fífusalir, Arnarsmári, Dalur and Smárahvammur. All the schools are situated very close to the new gymnastic house which Gerpla will soon start to use. Jón Finnbogason, vice chairman of the board of Gerpla, went to the schools with Rúnar, along with Dýra Kristjánssyni, Ingu Rós Gunnarsdóttur og Kristjönu Sæunni Ólafsdóttur, but five of them are among the strongest gymnastics group in Iceland, and there which is very good when you visit 500 children and show them gymnastic movements. Pictures from the visit is here.

Einbeitingin er mikil enda mamma og pabbi að horfa á og ekkert má fara úrskeiðis. Mikill fjöldi ungra og efnilegra iðkenda í félaginu sýndu ýmiskonar æfingar á sýningunni og alveg ljóst að framtíðin er björt í fimleikum á Íslandi.

Kristjana Sæunn Ólafsdóttir úr Íþróttafélaginu Gerplu fékk silfur í úrsltium á stökki á mjög sterku móti, 2004 Dityatin Cup, sem fram fór um síðustu helgi á móti í Rússlandi. Er þetta í fyrsta skiptið, svo vitað er, að stúlka frá Íslandi nær verðlaunapening á fimleikamóti í frjálsum æfingum sem fram fer í Rússlandi. Keppendur voru 87 frá 9 þjóðum og eins og sjá má á þeim einkunnum sem gefnar voru þá var um mjög sterkt mót að ræða. Kristjana Sæunn fékk samtals 32 stig sem er hennar besti árangur hingað til.
Inga Rós Gunnarsdóttir einnig úr Íþróttafélaginu Gerplu keppti jafnframt á mótinu en var ekki búinn að ná sér að fullu eftir meiðsli sem hún hlaut við undirbúning fyrir EM og keppti því ekki í gólfæfingum. Nánar um mótið hér

Seinni helmingur vorsýninga hjá Fimleikafélaginu Björk fara fram 19.maí kl: 17:30 og 19:30 að Íþróttahúsi félagsins í Hafnarfirði. Aðgangseyrir er kr. 500 fyrir 14 ára og eldri. Nánar www.fbjork.is
Vorsýningar Íþróttafélagsins Gerplu fara fram þann 20. maí í íþróttahúsi Breiðabliks í Kópavogi. Sýningarnar hefjast klukkan 12:00 og 14:30. Aðgangseyrir er kr. 500 en ókeypis fyrir börn. Nánar www.gerpla.is

Sunnudaginn 17. maí sl. lauk vetrarstarfi Fimleikadeildar Ungmennafélags Selfoss. Fyrir hádegi brugðu yngstu iðkendurnir á leik ásamt foreldrum undir stjórn þjálfara. Í hádeginu var slegið upp pylsuveislu með tilheyrandi við íþróttahúsið og allir iðkendur fengu verðlaunapening.
Eftir hádegi var hið árlega Minningamót í íþróttahúsinu, en mótið er haldið í minningu Magnúsar A. Garðarssonar. Í mótslok fengu allir iðkendur verðlaunapening auk þess sem sérstakar viðurkenningar voru veittar. Félagi árins var valin Þórfríður S. Haraldsdóttir úr T1. Kristín Magnúsdóttir úr T2 var valin efnilegasti unglingurinn. Árangur hennar á landsvísu var glæsilegur. Hún lauk 4. þrepi almenna fimleikastigans aðeins 12 ára gömul og sigraði þá sér mun eldri stúlkur.
meira

Ingi Sigurðsson frá Seyðisfirði, fæddur 28.ágúst 1934. Hann byrjaði að æfa fimleika á Seyðisfirði 1946 hjá Birni Jónssyni, en Björn hafði dvalið í Þýskalandi, kynnst áhaldafimleikum þar og þýtt tvær fimleikabækur úr þýsku. Fastur liður í hátíðahöldum 17. júní á Seyðisfirði var að drengjaflokkur Björns sýndi áhaldafimleika. Einnig voru farnar sýningarferðir um norður- og austurland, sýnt á landsmótum UMFÍ og við ýmis tækifæri.
Ingi æfði með Ármenningum frá 1956. Hann fór til Moskvu á heimsmót æskunnar 1957 og kynnti sér fimleika. Þá fór hann á fimleikanámskeið í Horten við Oslófjörð 1958, sýningarferð með Ármenningum til Færeyja 1962 og sýndi með þeim innanlands um árabil.
Hann tók við þjálfun karlaflokks Ármanns árið 1964 og efndi til keppni innan fimleikadeildarinnar á páskum 1965. Það var fyrsta fimleikakeppni hér á landi í 27 ár. Þá þjálfaði hann fimleikamenn KR 1974-1980. Ingi hefur æft síðan með öldungaflokki Ármanns.
Ingi hefur alltaf fylgst vel með fimleikum á Íslandi og einnig sótt mót erlendis, svo sem Norðurlandamót karla í Stokkhólmi 1989 og Evrópumót karla í Slóveníu 2004 ásamt Davíð, syni sínum.
Ingi er af þeirri kynslóð sem tileinkaði sér hinn sanna íþrótta- og ungmennafélagsanda.
Sjá einnig umfjöllun um Inga hér

Aðalfundur fimleikadeildar Gróttu fór fram í kvöld. Á liðnu ári hélt áfram sú þróun sem átt hefur sér stað undanfarin ár að umfang deildarinnar hefur vaxið. Rekstrarlega var afkoman góð eða um 1,2millj. í rekstrarhagnað af deildinni. Að sögn Halldórs Árnasonar, gjaldkera deildarinnar, þá er því að þakka fjölmörgum breytum sem geta snúist í aðrar áttir á næsta rekstrarári.
Jórunn Þóra Sigurðardóttir var kosin formaður á fundinum og tekur við af Margréti Pétursdóttir sem verið hefur formaður undanfarin ár. Jón Finnbogason var fulltrúi FSÍ á aðalfundinum og þakkaði hann Margréti fyrir hennar störf í þágu fimleikahreyfingarinnar og óskaði nýjum formanni góðs gengis í nýju starfi.