Vorsýning Gerplu

Vorsýning Gerplu fer fram þann 1. júní kl. 13:30 í Laugardalshöllinni. Allir iðkendur félagsins koma fram á sýningunni en þeir eru rúmlega 600. Það er því von á troðfulltri Laugardalshöll og allir hvattir til að mæta tímanlega. Verð aðgöngumiða er kr. 500 fyrir 13 ára og eldri.

Fimleikasprell í Ármannshúsinu á laugardaginn kl. 13:00

Í ágúst á þessu ári eru Íslendingar að senda landslið í fimleikum í fyrsta sinn. Áður hafa einstaklingar keppt á HM en aldrei lið. Þó er sá hængur á að keppendur þurfa að standa straum af verulegum hluta kostnaðar. Til þess að afla fjár til ferðarinnar verður m.a. haldið fimleikasprell í Ármannshúsinu að Sóltúni 16, kl. 13 á laugardag. Börnum sex ára og eldri er boðið að koma þar og vera undir stjórn fimleikaþjálfara og landsliðsmanna í leikjum og tækjum, pylsur verða í boði og fleira skemmtilegt. Foreldrar verða útundan í þetta sinn en kr. 1000 kostar fyrir hvert barn.

Einkunnir af mótum vetrarins

Meðfylgjandi skjal sýnir einkunnir keppenda á mótum sem fram fóru í vetur. Hægt er að velja einstaka keppendur og sjá allar einkunnir viðkomandi aðila á öllum mótum vetrarins. Ég hvet alla sem hafa staðið fyrir innanfélagsmótum í vetur að senda einkunnir á fimleikar@fimleikar.is til að unnt verði að safna saman upplýsingum á einn stað.

Fjölgun félaga í Fimleikasjóð Íslands

Undanfarnar vikur hefur verið nokkur fjölgun félaga í Fimleikasjóðs Íslands. Nú eru virkir félagar að nálgast 40 talsins. Er það mikil lyftistöng fyrir fimleikafólk í landinu. Afreksfólk í fimleikum hefur farið í nokkrar keppnisferðir í vetur, t.d. heimsmeistara- og Norðurlandamót. Stefnan er nú tekin á Ólympíuleika æskunnar og Heimsmeistaramót sem fram fer í ágúst. Stefnt er að því að senda út lið í keppni pilta og þrjár stúlkur á HM. Þeir sem stefna á þessi mót eru að vinna í ýmsum fjáröflunum enda um mjög fjárfrekar keppnir að ræða.
Það er vonandi að fimleikaáhugafólk nýti þann möguleika sem er fyrir hendi að gerast félagar í Fimleikasjóð Íslands en hann hefur það markmið að styrkja fimleikafólk sem sækir um styrki í samræmi við reglur sjóðsins. Sjá félagatal hér. Gerast félagi. Heimasíða sjóðsins er hér að ofan til vinstri.

Vorsýning fimleikadeildar Stjörnunnar

Vorsýning fimleikadeildar Stjörnunnar var haldin nú um helgina. Þar mátti sjá mikið af ungum og efnilegum fimleikastjörnum eins og meðfylgjandi myndir bera með sér. Glögglega mátti sjá að starfið í deildinni hefur verið blómlegt í vetur. Vonandi tekst að fjölga strákum í deildinni og mætti því segja að fimleikadeildin eigi inni mikla vaxtamöguleika á því sviði.

Vorsýning fimleikadeildar Gróttu n.k. fimmtudag

Vorsýning fimleikadeildar Gróttu verður haldin í íþróttahúsi Seltjarnarness næstkomandi fimmtudag 22. maí og hest sýningin kl. 18.00. Allir iðkendur deildarinnar munu taka þátt og í lok sýningarinnar verður krýndur íþróttamaður íþróttafélagsins Gróttu fyrir árið 2002. Allir eru að sjálfsögðu velkomnir.
Hópfimleikahópar Gróttu munu keppa innbyrðis á vorsýningunni en þá lýkur innanfélagsmóti Gróttu sem fer fram í fjórum hlutum. Að þessu loknu býður aðalstjórn félagsins öllum upp á grillaðar pylsur. Meðfylgjandi myndir voru teknar eftir innanfélagsmót áhaldahópa.

Vorsýning fimleikadeildar Ármanns

Fimleikadeild Ármanns lauk vetrarstarfi með vorsýningu sem fram fór í kvöld. Foreldrar og aðrir ættingjar iðkenda fjölmenntu á sýninguna og ekki vantar gleðina og einbeitingu hjá krökkunum eins og sjá má á meðfylgjandi myndum. Myndir hér.

Glæsileg tilþrif á 35 ára afmælissýningu FSÍ

Fimleikasamband Íslands hélt upp á 35 ára afmæli sitt með glæsilegri fimleikasýningu í Laugardalshöll auk þess að gefa út tímaritið Fimleikalíf sem áður hefur komið út við álíka tímamót í sögu sambandsins. Sýningin var bæði fjölmenn og glæsileg en fjölmennur hópur fimleikafólks á öllum aldri tók þátt í sýningunni sem var vel sótt af áhorfendum. Óskum við á www.fimleikar.is öllu fimleikafólki til hamingju með afmælið og þeim sem að sýningunni stóðu þökkum við fyrir góða skemmtun.
Nokkuð af myndum voru teknar á sýningunni og má sjá nokkrar þeirra hér.

Vorsýning Fimleikadeildar Ármanns næsta mánudag

Vorsýning Fimleikadeildar Ármanns verður haldin í Laugardalshöllinni mánudaginn 19. maí nk. frá 17:30 – 19:00. Flestir hópar deildarinnar sýna stutt atriði, veitt verða dugnaðarverðlaun og Ármannsmeistarar krýndir. Sýningin er öllum opin og aðgangur er ókeypis.

Fimleikasamband Íslands verður 35 ára

Fimleikasamband Íslands verður 35 ára þann 17. maí n.k. Af því tilefni verður Afmælissýning í Laugardalshöll, sunnudaginn 18. maí kl. 16.00. Sýningin verður fjölbreytt og skemmtileg þar sem allur aldur fimleikafólks mun sýna allt frá byrjenum til "Heldra fólks", þar á meðal fremsta fimleikafólk landsins í áhaldfimleikum, hópfimleikum og þolfimi.
Komið og sjáið skemmtilega sýningu - Aðgangseyrir er kr. 800.- fyrir fullorðna og kr. 300. - fyrir 6 - 16 ára.

Myndir af Norðurlandamóti unglinga

Þessar myndir og fleiri voru teknar á Norðurlandamóti unglinga sem fram fór fyrir stuttu. Við þökkum kærlega fyrir að fá tækifæri til að leyfa okkur sem vorum heima að kynnast því hvernig ferðina var. Takk fyrir. Fleiri myndir hér.

Dýri aldrei betri en nú

Þessar myndir og fleiri voru teknar á móti sem Dýri Kristjánsson úr Gerplu keppti á nú fyrir stuttu. Það er ljóst af þessum myndum að dæma að hann erí topp formi. Það verður því gaman að sjá hann á vorsýningu Gerplu sem fer fram í byrjun júní. Fleiri myndir hér.

Minningamót á Selfossi

Laugardaginn 17. maí nk. lýkur vetrarstarfi Fimleikadeildar Ungmennafélags Selfoss með Minningamótinu sem haldið verður í Íþróttahúsinu, Sólvöllum 2 á Selfossi. Mótið, sem er innanfélagsmót, er haldið í minningu Magnúsar A. Garðarssonar sem þjálfaði með deildinni en lést fyrir aldur fram í bílslysi árið 1990 Allir iðkendur deildarinnar taka þátt í mótinu. Mótið er tvískipt. Yngstu iðkendur deildarinnar koma fram kl. 10 fyrir hádegi. Dagskráin eftir hádegi hefst með innmars kl. 13:30. 7 hópar keppa í hópfimleikum eftir byrjenda- og FSÍ-reglum, en yngstu hóparnir 2 sýna frammi fyrir dómurum. Þá verða einnig veittar viðurkenningar fyrir árangur og ástundun í vetur. Mótið er öllum opið og aðgangur ókeypis.

Vorsýning hjá Björkunum næsta fimmtudag

Vorsýning hjá Björkunum fer fram næsta fimmtudag 15.maí í Bjarkarhúsinu. Það eru tvær sýningar sú fyrri er kl. 18:30 og seinni kl. 20:00. Það kostar 500 kr. inn og er hægt að nálgast miða í afgreiðslu.
Þetta verður hörku sýning en þeir sem muna eftir jólasýningu hjá Björk vita að þar var troðfullt út að dyrum á báðum sýningunum. Þeir sem vilja tryggja sér góð sæti ættu því að vera snemma á ferðinni að þessu sinni.
Myndir af jólasýningunni er hér.

Yfir 20 þúsund heimsóknir á rétt um 4 mánuðum

Frá því settur var upp fullkominn teljari á www.fimleikar.is þann 21. desember sl. þá hefur síðan fengið yfir 20.000 heimsóknir. Aðstandendur síðunnar eru þakklátir fyrir viðtökurnar. Á sama tíma hvetjum við alla sem hafa eitthvað fram að færa svo sem fréttir, úrslit móta, fimleikamyndir, væntanleg mót, jólasýningar, vorsýningar, aðalfundir, ferðasögur eða hvað sem er að senda efni á fimleikar@fimleikar.is til birtinar á síðunni. Einnig er hægt að óska eftir birtingu ýmiskonar auglýsinga s.s. eftir þjálfurum, áhöldum eða hverju sem er. Sjá teljara hér.
Síðan var opnuð 17. júní 2002. Hér til hliðar má sjá þróun heimsókna frá opnun heimasíðunnar. Það er ljóst að fimleikaáhugafólk vill greinilega finna allar fréttir um fimleika á einum stað !

Afmælissýning FSÍ sunnudaginn 18. maí.

Fimleikasamband Íslands verður 35 ára, 17. maí n.k. af því tilefni verður glæsileg fimleikasýning haldin í Laugardalshöll sunnudaginn 18. maí kl. 16.00. Boðið verður upp á fjölbreytta sýningu þar sem m.a. margt af okkar besta fólki bæði í áhaldafimleikum og hópfimleikum kemur fram. Einnig munu efnilegir yngri fimleikamenn sýna listir sínar.

Ungum fimleikamann boðið í æfingabúðir UEG

Ungum fimleikamann boðið í æfingabúðir UEG í Tirrenia á Ítalíu. Boð hefur komið frá UEG Fimleikasamband Evrópu til FSÍ um að senda ungan fimleikamann á aldrinum 13. - 16 ára auk þjálfara í æfingarbúðir UEG sem haldnar verða í Tirrenia á Ítalíu 26. júlí - 5. ágúst. Tækninefnd karla hefur ákveðið að bjóða Bjarka Ásgeirssyni 13 ára í Ármanni að fara og þjálfari verður Björn M. Tómasson í Ármanni.

NM unglinga 2003 - umfjöllun

Nú um helgina var haldið í Osló norðurlandamót unglinga í áhaldafimleikum. Frá Íslandi voru send fullskipuð lið í bæði karla og kvennaflokki. Í liðakeppni á móti sem þessu skipa fimm einstaklingar liðið, fjórir eru valdir af þjálfaranum til að keppa á hverri grein og þrjár besti einkunnir liðsins telja til stiga. Fyrir Íslands hönd í piltaflokki kepptu Gunnar Sigurðsson og Jónas Valgeirsson á öllum áhöldunum en Anton Þórólfsson var meiddur og gat því ekki keppt á sinni bestu grein bogahestinum en keppti í hinum greinunum fimm og á flestum með auðveldari æfingar en hann gerir þegar að hann er heill. Daði Pálsson keppti á stökki og Teitur Páll Reynisson keppti á öllum áhöldunum nema stökki. Meira

Jónas með brons á tvíslá á NM unglinga

Nú er lokið keppni á Norðurlandamóti unglinga í áhaldafimleikum sem fram fór í Osló í Noregi. Í úrslitum á einstökum áhöldum þá náði Jónas Valgeirsson úr Ármanni 3. sæti á tvíslá með 7.50. Gunnar Sigurðsson einnig úr Ármanni varð í 5. sæti á gólfi. Þá keppti Harpa Snædís Hauksdóttir Gróttu í úrslitum á þremur áhöldum. Í stökki hafnaði hún í 6. sæti með 7.7, í 4. sæti á tvíslá með 6.850 og í 4. sæti á slá með 7.475.-

Aðrar hugleiðingar...

Í framhaldi af Norðurlandamóti unglinga þá er ágætt að staldra aðeins við og velta fyrir sér núverandi stöðu. Er fimleikafólkið að standa sig vel en skipulagið í kringum starfið í molum og fjárhagslegur stuðningur við okkar besta fólk til skammar. Þetta eru aðrar hugleiðingar...

Ísland í 4. og 5. sæti á NM unglinga, Harpa og Jónas efst

Keppni í fjölþraut á Norðurlandamóti unglinga í áhaldafimleikum fór fram í dag. Íslenska stúlknaliðið varð í 4. sæti og piltaliðið varð í 5. sæti. Harpa Snædís Hauksdóttir varð efst íslensku stúlknanna og hafnaði í 5. sæti með 30.3 stig. Jónas Valgeirsson varð efstur af íslensku piltunum og hafnaði í 7. sæti með 41.35 stig. Meira

Harpa Snædís Hauksdóttir, Gróttu, keppir á NM

Harpa Snædís Hauksdóttir, Gróttu, fer á morgun til Noregs þar sem hún mun keppa á Norðurlandamóti unglinga sem fram fer Osló. Er þetta hennar annað mót í vetur sem hún keppir á erlendis en í haust keppti hún á Norður Evrópumóti. Einnig fór Harpa ásamt Sif Pálsdóttur í æfingabúðir um áramótin til Hollands með þjálfaranum Gerrit Beltman.
Harpa er fædd 1989. Foreldrar hennar eru Guðrún B. Vilhjálmsdóttir og Haukur Geirmundsson. Meira

Fjóla Þrastardóttir, Björk, keppir á Norðulandamóti

Fjóla Þrastardóttir, Björk, keppir um næstu helgi á Norðurlandamóti unglinga sem fram fer Osló í Noregi.
Fjóla hefur stundað fimleika nánast alla æfi en hún byrjaði um 4 ára í Björk. Fjóla er fædd 1989 og er í 8. bekk og stefnir á nám í Verslunarskóla Íslands að loknu grunnskólanámi. Foreldrar hennar eru Gunnhildur Gígja Þórisdóttir og Þröstur Bjarnason. Ekki kemur á óvart að Fjóla hafi stundað fimleika nánast alla æfi þegar tekið er mið af því að fimleikar hafa verið áhugamál fjölskyldunnar í fjölmörg ár. Meira