Ánægðar stúlkur úr Aftureldingu.

Gott er að meta stöðu íslenskra fimleika í alþjóðlegum samanburði með því að skoða úrslit á Evrópumótinu sem fram fór í Debrecen í Ungverjalandi í byrjun júní en þangað sendum við fjóra keppendur til leiks í kvennaflokki og fimm í karlaflokki. Fyrir Íslands hönd tóku þátt í karlaflokki: Viktor Kristmannsson, Róbert Kristmannson og Rúnar Alexandersson, allir úr Gerplu, og Jónas Valgeirsson og Gunnar Sigurðsson úr Ármanni. Í kvennaflokki voru: Sif Pálsdóttir og Hera Jóhannesdóttir úr Gróttu og Inga Rós Gunnarsdóttir og Margrét Hulda Karlsdóttir úr Gerplu.

Vorsýning Gróttu fór fram 24. maí sl. og var yfirskrift sýningarinnar blóm og pöddur eins og sjá má á skemmtilegum myndum af sýningunni. Að lokinni sýningu var öllum boðið upp á kaffi, svala og kex.
Um kvöldið 24. maí fór svo fram aðalfundur fimleikadeildar Gróttu og urðu engar breytingar á stjórn deildarinnar og því Jórunn Þóra Sigurðardóttir endurkjörinn formaður deildarinnar.

Vorsýning Gerplu fór fram laugardaginn 28. maí sl. og var hún tvískipt að þessu sinni. Fram komu um 700 iðkendur félagsins og sýndu hvað þau hafa verið að æfa í vetur.
Á sýningunni voru veittar viðurkenningar eins og venja er á vorsýningu félagsins. Afreksbikar Gerplu hlaut Rúnar Alexandersson. Hvatningarbikar Gerplu hlutu Jakob og Mette vegna P-1. Félagsmálabikar Gerplu, Garpur, halut Guðmundur Þór Brynjólfsson. Félagsmálaskjöldur Gerplu hlaut Hrund Þorgeirsdóttir. Sparisjóðsbikarinn hlaut Kristjana Sæunn Ólafsdóttir. Heiðurspening í borða hlutu Unnur, Harpa, Viktor, Róbert, Inga Rós, Vladimir, Nikolay og Hlín.

Okkar keppendur hafa lokið keppni á Evrópumótinu í áhaldafimleikum. Almennt stóðu íslensku keppendurnir sig mjög vel á mótinu.
Viktor Kristmannsson hlaut 48,523 stig (36 sæti). Róbert Kristmannsson hlaut 44,337 stig (55 sæti). Gunnar Sigurðsson hlaut 40,425 stig (60 sæti). Jónas Valgeirsson hlaut 34,949 stig en hann keppti á 5 áhöldum. Rúnar Alexandersson hlaut 9,225 stig en hann keppti á bogahesti.
Sif Pálsdóttir hlaut 31,674 stig (51 sæti). Inga Rós Gunnarsdóttir hlaut 30,287 stig (59 sæti). Hera Jóhannesdóttir hlaut 29,686 stig (55 sæti). Margrét Hulda Karlsdóttir hlaut 28,899 stig (66 sæti).
Heimasíða mótsins er: http://www.debrecengym2005.hu
Aðrar síður með efni frá mótinu má finna http://gymworld.de/ og http://www.vrtnieuws.net.