Fyrir hádegi á laugardegi 3.febrúar:
Keppni stúlkna í 5. þrepi 9 ára, 11 ára og 12 ára og eldri.
Keppni pilta í 5.þrepi 9 og 10 ára, 11 ára og eldri;
Keppni pilta í 4.þrepi 9 og 10 ára, 11 ára og eldri
Mæting 8:00
Almenn upphitun kl. 8:15
Þjálfarafundur kl. 8:20
Upphitun á áhöldum 8:35 - 9:40 (13 mín. á áhaldi)
Innmars 9:50
Keppni lýkur 12:20
Verðlaunaafhending 12:35
Mótslok 13:00
Eftir hádegi á laugardegi 3.febrúar:
Keppni stúlkna í 4. þrepi 11 ára og yngri, 12 ára, og 13 ára og eldri;
Keppni pilta í 1. þrepi
Keppni pilta í 2. þrepi
Keppni pilta í 3.þrepi 11 og 12 ára og 13 og 14 ára.
Mæting 12:45
Almenn upphitun kl. 13:00
Þjálfarafundur kl. 13:10
Upphitun á áhöldum 13:20 - 14:15 (11 mín. á áhaldi)
Innmars 14:30
Keppni lýkur 16:20
Verðlaunaafhending 16:30
Mótslok 17:00

Fyrir hádegi á sunnudegi 4.febrúar:
Keppni stúlkna í 5. þrepi 10 og 3. þrep 12 ára og yngri, og 13 ára og eldri.
Mæting 9:00
Almenn upphitun kl. 9:15
Þjálfarafundur kl. 9:20
Upphitun á áhöldum 9:45 - 10:45 (13 mín. á áhaldi)
Innmars 11:00
Keppni lýkur 13:00
Verðlaunaafhending 13:10
Mótslok 13:30
Eftir hádegi á sunnudegi 4.febrúar:
Keppni stúlkna í 1. og 2. þrepi.
Mæting 13:30
Almenn upphitun kl. 13:45
Þjálfarafundur kl. 13:50
Upphitun á áhöldum 14:15 - 15:20 (16 mín. á áhaldi)
Innmars 15:30
Keppni lýkur 16:50
Verðlaunaafhending 17:00
Mótslok 17:30

Nú um helgina taka um 24 stúlkur úr P2 í Gerplu þátt í Danska meistaramótinu fyrir unglina. Mótið fer fram í Karlslunde (rétt utan við Kaupmannahöfn). Á mótinu munu um 40 stúlknalið taka þátt ásamt 17 pilta og 6 blönduðum liðum. Stúlkunum í P2 hefur verið skipt upp í tvö lið. Annað keppir á laugardeginum 27 en hitt á sunnudeginum. Mótið er mjög gott æfingamót fyrir Íslenska keppendur til að taka þátt á mjög fjölmennum mótum þar sem okkar yngri keppendur mæta þeim keppendum sem munu líklega keppa á móti þeim þegar komið verður í eldri flokka. Rétt eins og nú þá verður allt lagt undir og því er gott að vera með keppendurnar vel undirbúna.
Úrslit á mótinu má sjá á: http://dgf.dk/spru/resultat.asp
Einnig: http://kifgymnastik.dk/

Það eru ófá handtök sem taka þarf þegar ein stærsta borg heims, Beijing, hyggst halda Ólympíuleika. Það er merkilegt að vera staddur hér og fylgjast með þeim breytingum sem eiga sér stað í borginni dag frá degi og þeirri vinnu sem íþróttamenn standa í til að vera tilbúnir fyrir stærstu leika sögunnar. Hér í Beijing snýst allt um Ólympíuleikana og hafa borgaryfirvöld bannað verktökum að hefja nýjar stórframkvæmdir eftir árið 2006. Allar þær stórframkvæmdir sem að farið hefur verið í þurfa að vera kláraðar áður en leikarnir eru settir 08.08.2008 klukkan átta mínútur yfir átta. Ekkert er sparað til svo að borgin verði vel í stakk búinn til að taka á móti þeim fjölda gesta sem koma í tengslum við leikana.
Meira hér

Haldin verður kvöldvaka fyrir keppendur á Gymnova Þrepamótinu í áhaldafimleikum sem fram fer 3. - 4. febrúar 2007 að Íþróttamiðstöðinni að Versölum. Kvöldvakan mun fara fram eftir mótið. Allir þátttakendur á mótinu eru velkomnir. Sýnd verða myndbönd af mótinu á risaskjá, skemmtileg tónlist, skemmtiatriði frá iðkendum og veitingar (pizzur, gos, snakk, popp o.fl). Auk þess sem veittar verða gjafir í nokkrum flokkum frá keppninni sjálfri (s.s. flestu stiginn á einstöku áhaldi, flottasta hárgreiðslan, prúðasta félagið, o.fl.).
Sem sagt: uppskrift að góðri skemmtun.
Iðkendur allra félaga eru að hittast á fyrsta FSÍ móti ársins og því sjálfsagt mikil spenna fyrir mótinu. Því má búast við góðri stemmingu á kvöldvökunni. Kvöldvökur sem þessar þekkjast úr alþjóðlegum mótum (banket) þar sem keppendur hittast að móti loknu og eiga saman góðar stundir. Það er enginn ástæða til þess að okkar framtíðar fulltrúar á alþjóðlegum mótum þurfi að bíða eftir því að taka þátt á alþjóðlegu fimleikamóti til þess að fá að upplifa þá stemmingu sem myndast á svona kvöldvökum. Við skulum byrja strax.
Nánari tímasetning auglýst síðar. Aðgangseyrir er kr. 1.000.
FORSKRÁNING MIKILVÆG: Keppendur, þjálfarar og dómarar af mótinu sem hafa áhuga á að mæta á kvöldvökuna þurfa að senda tölvupóst á gerpla@gerpla.is (eða þjálfarar viðkomandi iðkenda).
Nánari upplýsingar veittar í netfang: gerpla@gerpla.is

Laugardaginn 20. janúar nk.mun tækninefnd kvenna í áhaldafimleikum halda kynningarfund á endurnýjaðri dómarabók Íslenska fimleikastigans.
Fundurinn verður haldin í sal ÍSÍ, í Laugardal, á 2. hæð kl.14:00 – 16:30.
Dagskráin:
- dómarabókin kynnt
- kynning á uppbyggingu og gildum í hverju keppnisþrepi fimleikastigans
- sýnt myndband af skylduæfingum fimleikastigans
- æfingar í neðri þrepum dæmdar á tvíslá
Líkt og áður hefur komið fram þá hefur nýr fimleikastigi í áhaldafimleikum verið í vinnslu frá vorönn 2006. Opin fundur var haldin þann 8. júní, þann 30.8 var sent út lokaæfingaval í hverjur þrepi og þann 24.9 sl. var innihald fimleikastigans kynnt og var þá mjög góð mæting frá nær öllum félögum.
Endurnýjuð dómarabók liggur nú fyrir sem tekur mið af uppbyggingu fimleikastigans og alþjóðlegum dómarareglum FIG, endurútgáfa í janúar 2007.
Síðustu tvo áratugi, með 4-5 ára millibili, hefur Íslenski fimleikastiginn tekið minni og stærri breytingum út frá þróun áhaldafimleika á aljóðlegum vettvangi og slíkt er einnig fyrirhugað nú m.a.með tilliti til nýrra dómarareglna FIG sem og stöðu íslenskra áhaldafimleika.
Tækninefnd FSÍ hvetur þjálfara og dómara í áhaldafimleikum kvenna til að mæta og kynna sér fimleikastigann en keppt verður í á Þrepamóti, Bikarmóti og Íslandsmóti í þrepum hjá FSÍ vor 2007.
Eftir keppnistímabilið mun TKV efna á ný til opins fundar til að meta stöðu fimleikastigans svo hægt sé að gera frekari breytingar ef þurfa þykir.
Enn og aftur vill TKV þakka þeim þjálfurum og dómurum sem hafa komið með gott innlegg í endurgerð fimleikastigans að þessu sinni.

Á Íþróttahátíð Kópavogs sem fram fór í Salnum 30. desember 2006 var iðkendum úr Gerplu veittar viðurkenningar fyrir góðan árangur.

Flokkur Ársins 2006
P-1 var kjörinn flokkur Ársins vegna silfuverðlauna á Evrópumeistaramóti í Tékklandi í nóvember ásamt því að vera bæði Íslands- og bikarmeistarar á árinu.

Stúlkurnar sem skipuðu P-1 á Evrópumótinu voru þær: Auður Ólafsdóttir, Ásdís Dagmar Þorsteinsdóttir, Ásdís Guðmundsdóttir, Gury Andersson, Hrefna Þorbjörg Hákonardóttir, Inam Rakel Yasin, Íris Mist Magnúsdóttir, Íris Svavarsdóttir, Jóhanna Gunnarsdóttir, Kolbrún Sveinsdóttir, Magdalena Rós Guðnadóttir, Rut Valgeirsdóttir, Sara Rut Ágústsdóttir, Soffía Bergsdóttir, Sólveig Jónsdóttir, Svava Björg Örlygsdóttir og Þórunn Arnardóttir.
Afreksstyrkir ÍTK 2007. Gerpla með 3 af 6 í A styrk.
Að þessu sinni voru 38 íþróttamenn sem fengu afreksstyrk. Sex fengu A-styrk að upphæð 250 þúsund, Ellefu B-styrk að upphæð 125 þúsund og tuttugu og einn C-styrk að upphæð 25 þúsund. A-styrkshafar fengu afhenta styrki sína á hátíðinni. Af iðkendum Gerplu þá hlutu:

Margrét Hulda Karlsdóttir

Fimleikasamband Íslands hefur ákveðið að setja saman hóp af áhugasömu fólki til að taka þátt í Norrænu sýningunni sem haldin verður á Gymneaströdu í Dornbrim í Austurríki 7 - 14. júlí 2007.
Ísland hefur tekið þátt í þeirri sýningu 6 sinnum eða frá því 1983.
Hópar sem nú þegar hafa skráð sig eru frá Akureyri, Keflavík og Stjörnunni Garðabæ, alls 63.
Við höfum fregnir af því að úti í félögunum sé fimleikafólk sem hefði áhuga á að fara með og viljum við bjóða þeim þáttöku. Æskilegur aldur er 16 ára og eldri með góðan fimleikagrunn. Verð fyrir þáttökugjöld , gistingu í skólum með morgunog hádegismat ,flug og utanyfirgalla ca. 90 - 100 þús.
Þessi hópur myndi að sjálfsögðu taka þátt í Norrænu sýningunni, sem verður sýnd einu sinni þarna úti, aðal stjórnendur sýningarinnar koma frá Danmörk, en Koreograf fyrir sýningu Íslands er Steinunn Ketilsdóttirdanshöfundur. Haldin verður ein samæfing með hinum Norðurlöndunum úti í Austurríki. Generalprufa verður sama daginn og sýningin er.
Kannski er hægt að setja saman smá prógram og taka þátt í tveim dagssýningum.
Þeir sem ekki hafa farið á Gymnaströdu vita kannski ekki að þessi fimleikahátíð er sú stærsta sem haldin er í heiminum og eru þátttakendur um 25 þúsund manns, þarna eru sýningar allann daginn í mörgum fimleikahöllum, þá eru námskeið og fyrirlestrar fyrir þjálfara og á kvöldin er boðið upp á stórglæsilegar sýningar og má nefna sýningu frá Japan/ Brasilíu og fl.
Þetta er mikið og gott tækifæri fyrir stjórnendur og þjálfara fimleikadeilda,að koma og fylgjast með þessari miklu fimleikahátíð .
Þar sem tíminn er að renna frá okkur biðjum við alla sem einhvern áhuga hafa á málinu að hafa samband NÚNA við undiritaða um nánari upplýsingar.
Birna Björnsdóttir sími 8917545 netfang bbjorns@islandia.is