Þing FSÍ fór fram að Versölum í Kópavogi laugardaginn 28. janúar og var þingið vel sótt. Kristján Erlendsson var kjörinn formaður FSÍ og mun hann fara fyrir nýrri stjórn sambandsins en hana skipa: Jóhanna María Einarsdóttir, Guðjón Guðmundsson, Valgeir Jónasson, Helgi Garðarsson og í varastjórn Ásgeir Daníelsson og Birna Björnsdóttir. Fráfarandi stjórn og formanni voru þökkuð störf undanfarinna ára.

Tækninefnd í hópfimeikum hefur sent frá sér yfirlýsingu þar sem tekið er fram að bréf sem nefndin sendi út þann 21. 9.2005 muni standa fyrir lið sem eru að reyna að ná sér í þátttökurétt á Norðurlandamót juniora (sjá bréf 21.9.2005 bréf hér). Lið sem eru að stefna að Evrópumóti hafa þó einnig Vormót sem teljandi mót. Þar af leiðandi munu frá og með þessum degi þann 24. janúar 2006 Haustmót, Bikarmót, Íslandsmót og Vormót vera þau mót sem hægt er að að nota sem teljandi mót fyrir Evrópumót. Þrjú af fjórum mótum telja samkvæmt yfirlýsingu Tækninefndar í hópfimleikum, sjá yfirlýsingu hér.
Þann 21.9.2005 sendi Tækninefnd í hópfimleikum einnig út þetta skjal hér sem virðist því vera fellt úr gildi með bréfi nefndarinnar frá því 25. janúar 2006 og þar með að Stjörnutromp sem átti að gilda sem úrtökumót fyrir Evrópumótið gerir það því ekki.

Þetta er ungt og efnilegt lið sem við eigum eflaust eftir að sjá meira af í framtíðinni. Við óskum þeim til hamingju með sinn fyrsta sigur og þökkum Björkunum fyrir skemmtilegt mót.

Fimleikadeild Gróttu býður ykkur að taka þátt í móti í áhaldafimleikum kvenna laugardaginn 11. mars 2006 í Íþróttahúsi Gróttu á Seltjarnarnesi. Keppt verður í 5 og 6. þrepi íslenska fimleikastigans. Í 6. þrepi er einungis keppt í liðakeppni og eru 6 í hverju liði. Hvert félag má senda eins mörg lið og það vill og merkja þau sem lið A, B, C o.s.frv. Hvert lið sendir einn dómara með, en ef sama félagið sendir fleiri en eitt lið þá þarf tvo-þrjá dómara eftir fjölda. Ef lið sendir ekki dómara verður það að greiða 2000 krónur í dómarakostnað á lið. Vegleg verðlaun eru veitt fyrir þrjú efstu liðin. Reglur 6. þreps eru þær sömu og í viðauka íslenska fimleikastigans.
Í 5. þrepi er einstaklingskeppni. Þátttökurétt í 5. þrep hafa þeir, sem ekki hafa náð 26 stigum í 5. þrepi á FSÍ mótum. Reglur 5. þreps eru samkvæmt íslenska fimleikastiganum nema á stökki þá er leyfilegt að nota kistu í stað stökkhests. Hvert félag verður að senda einn dómara með hverjum 6 keppendum.
Þátttökutilkynningar skulu berast í síðast lagi 1. mars (miðvikudagur) á netfangið: abp@simnet.is. Þátttökugjald er 1000 krónur á keppanda og greiðist fyrir mót inná reikning: 512-26-200631-500192-2599
Nánari upplýsingar um mótið gefur Ásdís í síma 896-5960 eða abp@simnet.is.

Íþróttafélagið Gerpla hefur því formlega opnað aðstöðu félagsins að Versölum og fékk afhent því til staðfestingar skjöld frá Íþrótta- og Ólympíuakademíunni sem Ellert B. Schram afhenti Kristjáni Erlendssyni formanni Gerplu.
Við þetta tækifæri var Gunnar Birgisson, bæjarstjóri, gerður að heiðursfélaga Gerplu vegna mikils stuðnings sem Kópavogsbær hefur sýnt félaginu á undanförnum misserum. Sú frábæra aðstaða sem félagið býr nú við hefur ma. leitt til mikillar fjölgunar í félaginu sem og að öll iðkun íþróttarinnar hefur tekið stórstígum framförum. NÁNAR HÉR.

Íslandsmótið verður haldið í Íþróttahúsinu við Vesturgötu (sama hús og Vortrompmótið var 2004 og Ísl.mótið í 1.þrepi haustið 2002). Boðið verður uppá gistingu fyrir þá sem þess þurfa í Brekkubæjarskóla sem er alveg við íþróttahúsið. Kostnaður vegna gistingar er 300.- kr nóttin fyrir stelpu en ef gist er 2 nætur þá er það 500.-kr (þjálfarar og fararstjórar borga ekki). Koma þarf með dýnu/vindsæng og sæng/svefnpoka með sér. Ekki verður boðið uppá á neinn mat en öll aðstaða er fyrir hendi, kælir, samlokugrill, örbylgjuofn og fl. Í göngufæri frá skólanum eru tvö veitingahús sem selja pizzur, hamborgara og ýmsa létta rétti (Hrói Höttur og Galító). Sundlaugin er opin til kl. 20.30 á föstudeginum og til kl. 18 á laugardeginum. Smá veitingasala verður í íþróttahúsinu á meðan á mótinu stendur s.s. heitir og kaldir drykkir, pizzusneiðar, vöfflur og nammi. Aðgangseyrir verður 300.-kr fyrir 16 ára og eldri.Varðandi gistingu vinsamlegast hafið samband við Guðnýju í síma 431-3299 eða gsm 846-5546. En ef þið þurfið einhverjar upplýsingar varðandi mótið hafið þá samband við Önnu Lár. yfirþjálfara 864-9865 eða annalaraisl.is Vonumst svo til að sjá sem flesta á mótinu.

Opnunar- og afmælissýning Íþróttafélagsins Gerplu mun fara fram 20. og 21. janúar þar sem boðið verður upp á stórglæsileg sýningaratriði en auk iðkenda frá Gerplu munu Norðurlanda og Evrópumeistarar karla í hópfimleikum sýna dans, trampolín og dýnustökk. Mun sýningin vera endurtekin í þrjú skipti: Föstudaginn 20. janúar kl. 18:00, Laugardaginn 21. janúar kl. 12:00 og kl. 15:00.
Þrátt fyrir að sýningarnar verði endurteknar þrisvar er því miður allt útlit fyrir að færri munu komast að en vilja. Nú þegar hafa um rúmlega 500 miðar verið afhentir og má því segja að nú þegar sé uppselt á eina sýningu þar sem aðeins 600 miðar eru á hverja sýningu. Iðkendur félagsins geta nálgast miða á mánudag og þriðjudag milli kl. 17 - 20 í íþróttahús félagsins að Versölum en einnig verður opið fyrir miðasölu á miðvikudag og fimmtudag á sama tíma. Miðaverð er kr. 1.000 en frítt er fyrir 12 ára og yngri.

Fimleikadeild Aftureldingar óskar eftir að ráða reynda og metnaðarfulla fimleikaþjálfara bæði fyrir stráka og stelpur. Einnig óskar deildin eftir fimleikaþjálfara eða starfsmanni með íþróttamenntun til að taka að sér þjálfun á leikskólabörnum.

Áhugasamir hafi samband við Önnu Margréti, framkvæmdastjóra deildarinnar, í s. 566 6280 eða tölvupóst á annamargret@simnet.is

Af óviðráðanlegum orsökum er þjálfaranámskeiði 1B sem halda átti um næstu helgi 14. – 15. janúar frestað vegna forfalla kennara. Þegar hefur verið send tilkynning til þeirra félaga sem höfðu skráð þátttakendur á námskeiðið.
Námskeiðið 1B verður nú haldið þann 18. – 19. febrúar nk. Helstu efnistök námskeiðsins eru líkamsbeiting og móttaka, áhaldahringir, sýningar, tónlist og hreyfing.
Þeir sem þegar höfðu skráð sig eru beðnir um að staðfesta þátttöku í febrúar á skrifstofu FSÍ.

Ávöxtun á eignum Fimleikasjóðs Íslands á undanförnum tveimur árum hefur skilað 57% hækkun sem skiptist þannig að allt árið 2004 var ávöxtun sjóðsins 18% og allt árið 2005 var ávöxtun sjóðsins 33%. Eru þetta ánægjuleg tíðindi fyrir fimleikafólk því það nýtur góðs af sjóðnum en heildareignir hans eru í dag rúmlega 700 þúsund. Sjóðurinn hefur í dag styrkt fimleikahreyfinguna fyrir um 500 þúsund. Innan skamms verður auglýst eftir umsóknum í sjóðinn.
Auðvelt er að gerast aðilar að sjóðnum. Nánari upplýsingar í fimleikar@fimleikar.is og á www.fimleikar.is/sjodur

Íþróttafélagið Gerpla mun halda boðsmót helgina 1. og 2. apríl n.k. þar sem keppt verður í íslenska fimleikastiganum bæði hjá piltum og stúlkum. Piltar keppa í aldursflokkum samkvæmt þátttökufjölda í 1. - 4. þrepi. Í 4. þrepi er keppt í flokki þeirra sem hafa keppt á FSÍ mótum og þeirra sem ekki hafa keppt á slíku móti. Aldurstakmark er 8 ára á árinu og eldri iðkendur. Keppni stúlkna í 3 - 6. þrepi samkvæmt þátttökufjölda og sama aldurstakmark og hjá piltum.

Námskeiðið er ætlað þeim sem hafa lokið stigi 1A í sérgreinahlutanum. Áhersla lögð á grunnþætti í þjálfræði, áhaldahringi, undirbúning fimleikasýninga, tónlist og hreyfingu og móttöku í einfaldari fimleikaæfingum.
Námskeiðið verður haldið í Reykjavík og er 20 klukkustundir bæði verklegt og bóklegt, námskeiðsgjald er 10.000 krónur.
Áætlaður fjöldi þátttakenda er 15 manns.
Enn eru nokkur sæti laus á námskeiðið og er skráningarfrestur til mánudagsins 9. janúar.
Þau leiðu mistök urðu að vitlaus dagsetning var gefin upp á námskeiðið en það verður 14. - 15. janúar ekki 7. - 8. janúar.
Námskeið 2A fellur því miður niður að þessu sinni vegna lítillar þátttöku.
Kær kveðja
Fræðslunefnd