Jólasveinamót
27/12/06
Hið árlega Jólasveinamótið mun fara fram 30. desember n.k. Mæting er kl. 19:30 og keppni hefst kl. 20:00 (stundvíslega !). Aðgangseyrir er aðeins kr. 1.500. Mótið fer fram í húsnæði Gerplu í Kópavogi. Mótið fer nú fram í 24. skiptið og það fyrir luktum dyrum rétt eins og verið hefur síðan 1982. Stjórnendateymi mótsins hafa sent frá sér fréttatilkynningu sem segir að mótið verði glæsilegra en nokkru sinni fyrr. Þeir sem vilja fá nánari útlistun á því hvað fellst í því eru hvattir til þess að hafa samband við talsmann stjórnendateymis sem er Ómar Örn Ólafsson og veitir hann allar frekari upplýsingar í síma 669-9387 og í netfangið: omaro@vodafone.is

Sif í hópi 10 efstu í vali á Íþróttamanni ársins 2006

23/12/06
JF
Sif Pálsdóttir, fimleikakona úr Gróttu, hefur verið útnefnd sem ein af tíu efstu í kjöri um Íþróttamann ársins en frá því var greint í Morgunblaðinu í dag. Ástæða er til að óska Sif innilega til hamingju með þennan mikla heiður. Sif varð Norðurlandameistari í áhaldafimleikum á árinu (sjá hér).
Íþróttamaður ársins 2006 verður útnefndur í hópi á Grand Hótel Reykjavík fimmtudaginn 28. desember. Þetta verður í 51. sinn sem Samtök íþróttafréttamanna, standa að kjörinu frá stofnun þeirra árið 1956. Nýr verðlaunagripur verður nú afhentur í fyrsta sinn, en styttan sem fylgt hefur kjörinu frá upphafi var afhent í síðasta sinn í fyrra og hefur nú verið látin Þjóðminjasafninu í té til varðveislu. Atkvæði í kjöri Samtaka íþróttafréttamanna hafa verið talin og liggur ljóst fyrir hvaða tíu íþróttamenn urðu í efstu sætum í kjörinu.
Fulltrú frá Fimleikasambandi Íslands hefur verið í hópi 10 efstu sem hér segir:
2004 Rúnar Alexandersson, 3. sæti. 2002 Rúnar Alexandersson, 7. sæti. 2000 Rúnar Alexandersson, 8. sæti. 1999 Rúnar Alexandersson, 6. sæti. 1998 Rúnar Alexandersson, 7. sæti. 1998 Elva Rut Jónsdóttir, 10. sæti. 1994 Magnús Scheving, 1. sæti. 1988 Fjóla Ólafsdóttir, 4. sæti. 1983 Kristín Gísladóttir, 9. sæti. 1979 Sigurður T. Sigurðsson, 9. sæti.
Nöfn þeirra 10 Íþróttamanna sem efstir urðu að þessu sinni eru í stafrófsröð sem hér segir: Auðunn Jónsson (kraftlyftingamaður úr Krafti), Ásthildur Helgadóttir (knattspyrnukona hjá Malmö FF), Birgir Leifur Hafþórsson (kyldugur úr GKG), Eiður Smári Guðjohnsen (knattspyrnumaður hjá Barcelona), Guðjón Valur Sigurðsson (handknattleiksmaður hjá Gummersbach), Margre´t Lára Viðarsdóttir (knattspyrnukona hjá Duisburg), Ólafur Stefánsson (handknattleiksmaður hjá Ciudad Real), Ragna Ingólfsdóttir (badmintonkona úr TBR), Sif Pálsdóttir (fimleikakona úr Gróttu) og Örn Arnarson (sundmaður úr SH).
Nánar um reglur varðandi kjörið sjá hér: www.sportpress.is
Sýnt verður frá viðburðinum kl. 20:00 þann 28. desember á RÚV og Sýn. Klukkan 19:25 mun Sýn byrja að rifja upp íþróttaárið 2006 í beinni útsendingu.
Frétt meðal annars byggð á upplýsingum úr Morgunblaðinu 23. desember 2006.

Auglýsing frá FSÍ
21/12/06
Fimleikasamband Íslands auglýsir starf framkvæmdastjóra sambandsins laust til umsóknar.
.
Starfið felur m.a. í sér almennan rekstur skrifstofu og samskipti við nefndir sambandsins, fimleikafélögin og ÍSÍ.

Starfið er mjög fjölbreytt og gengur mikið út á mannleg samskipti. Nauðsynlegt er að umsækjandi hafi reynslu á almennum skrifstofustörfum og markaðsmálum. Reynsla eða þekking af störfum íþróttahreyfingarinnar er æskileg.

Upplýsingar gefur Anna R. Möller í síma 514 4060 eða í tölvupósti fsi@isisport.is.

Umsóknafrestur er til 10. janúar.

Opin fundur um Íslenska fimleikastigan
12/12/06
GÞB
Tækninnefnd karla minnir á opinn fund sem fram fer um hin nýju þrep íslenska fimleikastigans laugardaginn 16. desember. Vonandi geta fulltrúar úr öllum félögum komið og kynnt sér uppbyggingu og innihald stigans.
Fundurinn verður í nýja Ármannsheimilinu í Laugardal og hefst stundvíslega klukkan 13:00.
kveðja
Tækninefnd karla í áhaldafimleikum

Barnaíþróttir á villigötum
Grein birt í Morgunblaðinu þann 10/12/2006
 Meira 13/12/06
HS

Undanfarið hefur verið mikil umræða í hinum ýmsu fjölmiðlum um uppeldi barna, starfsemi leikskóla og um afreksmannastefnu í barnaíþróttum.
Þar hefur líka verið fjallað um minni hreyfingu barna og aukin hreyfivandmál hjá börnum og þau félagslegu, andlegu og líkamlegu vandamál sem slík börn eiga oft við að glíma.
Í þessari grein mun ég fjalla um barnaíþróttir og þau markmið sem ættu að vera þar í brennidepli.
Látum ekki barnaíþróttirnar verða að afreksmannaþjálfun. Við þurfum að gæta þess að íslensk börn fái að leika sér og því ástæðulaust að hefja keppnisíþróttir fyrr en börn eru orðin 10-11 ára. Barnaíþróttir eru á villigötum á Íslandi í dag.
Meira

Viðbótarefni hér.

Jólasýning Ránar

  13/12/06
JF

JÓLASÝNING FIMLEIKAFÉLAGSINS RÁNAR VERÐUR HALDIN Í ÍÞRÓTTAMIÐSTÖÐINNI
SUNNUDAGINN 17.DESEMBER KL:16.00 AÐGANGSEYRIR ER 500.- FYRIR 12 ÁRA OG ELDRI EINNIG MUN FÉLAGIÐ VERÐA MEÐ LAKKRÍS TIL SÖLU Ágóði af sölu lakkrísins rennur í áhaldakaup. ALLIR VELKOMNIR
Fimleikafélagið Rán

Berglind dæmir á Heimsbikarmóti í Braselíu

12/12/06
AM

Berglind Pétursdóttir alþjóðlegur dómari á fimleikum, var valinn af FIG Alþjóðafimleikasambandinu til þess að dæma í lokakeppni Heimsbikarmótanna sem haldin er í Sau Paulo í Braselíu núna 13. – 18. desember. FSÍ óskar Berglind góðs gengis á mótinu.

Jólasýning Fimleikadeildar Gróttu
- íslensku jólasveinarnir og fjölskyldan þeirra -

 12/12/06
SJ
Jólasýning Fimleikadeildar Gróttu á Seltjarnarnesi fór fram þann 2. desember undir yfirskriftinni íslensku jólasveinarnir og fjölskylda þeirra. Eins og meðfylgjandi myndir sýna þá var mikið lagt í sýninguna með tilheyrandi lýsingu, búningum og fleira. Fór sýningin fram í fimleikasalnum þar sem stólum var raðað í hvert fótmál. Vel kann að vera að innan nokkurra missera mun fimleikadeild Gróttu halda sína sýningu í nýjum og glæsilegum fimleikasal.
Spenntar stúlkur bíða eftir því að sýna sitt atriði.

Jólasýning Fimleikadeildar Umf. Selfoss

 12/12/06
BH
Jólasýning Fimleikadeildar Umf. Selfoss fór fram um liðna helgi og er óhætt að segja að vel hafi tekist til. Troðfullt var á tveimur sýningum og var mikil og góð stemming í húsinu. Þjálfarar, iðkendur og aðrir velunnar deilarinnar stóðu saman að undirbúningi sýningarinnar og voru þau að vonum ánægð að sýningu lokinni. Meðfylgjandi myndir sýna ágætlega jólastemminguna.

Fimleikamaður Selfoss

12/12/06
BH
Bergþóra Kristín Ingvarsdóttir 17 ára. Fædd árið 1989. Hún var krýnd fimleikamaður deildarinnar fyrir árið 2006. Á árinu varð hún Íslandsmeistari í 6.þrepi sem eru frjálsar æfingar í almennum fimleikum. Hún á fast sæti í liði Selfoss í hópfimleikum og hefur verið burðarstólpi í liðinu ár eftir ár. Hún á því stóran þátt í velgengni liðsins s.l. keppnistímabil og kemur sterk inn á nýju keppnistímabili. Bergþóra þykir mikil íþróttakona og góð fyrirmynd annarra í fimleikadeildinni.

Fimleikar yngstu iðkenda FA 9. des
10/12/06
FA
Þann 9. des var lokadagur hjá 4 – 5 ára hópum Fimleikafélags Akureyrar sem Ármann hefur þjálfað í vetur, sett var upp sýning í Glerárskóla fyrir foreldra og aðstandendur barnanna.Vegna þess hve mörg börn eru í þessum hópum varð að skipta sýningunni upp í 4 hluta, 250 manns mættu samtals til að horfa á börnin leika listir sýnar.
Jólasveinn mætti á svæði og lék listir sýnar með krökkunum, hann mætti mæta oftar til að verða jafn góður og krakkarni í fimleikum. Kannski það væri ráð að Grýla, Leppalúði og Jólasveinarnir mættu í fimleika til að bæta heilsuna. Skoðið myndirnar á myndasíðu félagsins.Að lokum gaf jólasveinninn krökkunum gjafir, FA þakkar Sparisjóði Norðlendinga og Nettó fyrir gjafirnar.

Evrópumót í hópfimleikum
- myndband -
Aðsent myndband
5/12/06
MC
Hér má sjá aðsent myndband af keppendum Íþróttafélagsins Gerplu á Evrópumótinu í hópfimleikum sem fram fyrir stuttu. Michel Christensen tók myndbandið saman.
Sjá hér (6MB tekur smá tíma í niðurhali)

Workshop í hópfimleikum fyrir 16 ára og eldri
29-30 desember 2006.
5/12/06
JF
1. Markmið
Tækninefnd í hópfimleikum hefur sem eitt af markmiðum sínum að bjóða upp á “workshop fyrir iðkendur og þjálfara í senior og fullorðinsflokki amk einu sinni á ári. Þar eiga iðkendur og þjálfarar að geta komið saman til æfinga og fengið leiðbeiningar og hugmyndir um útfærslur á æfingum og uppbyggingu þeirra.
2. Hvar og hvenær
Hvenær: föstudaginn 29 desember og laugardaginn 30 desember. Staður: íþróttahús Gerplu, Versölum 3 Kópavogi
3. Hverjir geta verið með ?
Allir iðkendur sem eru 16 ára og eldri mega taka þátt. Það er ekki krafist neinna hæfni/getuskilyrða til þess að taka þátt.
4. Þjálfarar
Tækninefnd hefur fengið eftirfarandi þjálfara til þess að koma að þjálfununni: Johannes Juulsgaard, Flemming Skaalum, Mikkel Jørgensen.
Þeir Flemming og Johannes voru þjálfarar á ráðstefnunni sem haldin í haust. Allir þrír eru Danir og koma frá liðinu frá Hulby/Slagelse sem hafa undanfarin ár verið fremstir í hópfimleikum í karlaflokki. Þeir eru bæði iðkendur og þjálfarar og hafa verið þjálfarar í allri skandinavíu á fjölda workshop og ráðstefna.
5. Kostnaður og innihald
Verð fyrir workshopið er 3.500.- fyrir iðkanda. Ekki er greitt sérstaklega fyrir þjálfara liðanna.
Innifalið í því eru æfingar og léttar veitingar eða snarl á “kósí-föstudagskvöldi”.
6. Skráning
Skráningarform (hér að neðan) þarf að skilast útfyllt í síðasta lagi 10. desember. Athugið aðeins eru pláss fyrir 75 iðkendur og því er það þeir sem skrá sig fyrstir sem fá plássin. Skjal hér.

Jólasýning Fimleikadeildar Umf. Selfoss
- Þegar Trölli stal jólunum -
3/12/06
BH
Árleg Jólasýning Fimleikadeildar Umf. Selfoss verður nk. laugardag 9. desember í íþróttahúsinu við Vallaskóla. Að þessu sinni verða tvær sýningar, sú fyrri kl. 10:30-11:30 og sú síðari 12:30-13:30. Sýningin verður með nýju sniði þetta árið og er þema sýningarinnar “Þegar Trölli stal jólunum”. Allir iðkendur deildarinnar tæplega 300 börn taka þátt í sýningunni. Að lokinni fyrri sýningunni verður Fimleikamaður ársins heiðraður.
Í tenglum við jólasýninguna verður kaffihúsastemming í andyri Sólvallaskóla. Þar munu foreldraráð iðkenda sem stefna að æfingarferð til Danmerkur næsta sumar vera með kaffisölu og einnig verður seld súpa og brauð á hagstæðu verði. Þá verður til sölu ýmis smávarningur, s.s. kerti, jólakort ofl.
Fimleikadeildin vonar að sem flestir leggi leið sína í Sólvallaskóla á laugardaginn og taki þátt í sannkölluðu jólaævintýri. Húsið opnar kl. 10:00, aðgangur að sýningunni er ókeypis.

Jólasprell hjá Fimleikafélagi Akureyrar

3/12/06
FA
Í dag sunnudaginn 3. desember var árlegt jólasprell/jólasýning FA haldin í Íþróttahöllinni á Akureyri. Vanalega hefur sýning þessi farið fram í íþróttamiðstöð Glerárskóla, en vegna fjölda iðkenda þá var sú ákvörðun tekin að flytja sýninguna í Höllina, og það var greinilegt að ekki var vanþörf á. Húsfyllir var í höllinni að fylgjast með iðkendum FA sýna hin ótrúlegustu atriði. Tæplega 300 iðkendur á aldrinum 5 til 20 ára sýndu listir sýnar við mikinn fögnuð viðstaddra. Þjá lfarar og iðkendur FA fá sérstakt hrós fyrir að hafa komið þessari sýningu saman á rétt rúmri viku, geri aðrir betur.

Takk fyrir, Stjórn og þjálfarar

Fimleikaþjálfari
1/12/06
AHI
Fimleikafélagið Rán leitar eftir þjálfara fyrir áhaldafimleika og hópfimleika. Áhugasamir hafi samband við Svönu yfirþjálfara, svanajoh@simnet.is GSM:694-3617 eða Önnu Huldu yfirþjálfar, ahi@simnet.is GSM: 899-7776.

Allar myndir © www.fimleikar.is
Heimilt er að afrita myndir eða annað efni á síðunni að hluta til eða í heild án leyfis.
Fimleikar ehf.