Kópavogsbær hefur tilkynnt um 100% aukningu á beinum fjárframlögum til foreldra og íþrótta- og tómstundafélaga í Kópavogi og nema því alls um 44 milljónum króna á komandi ári.
NIÐURGREIÐSLA ÆFINGAGJALDA
Gert er ráð fyrir að greiða 20 millj. aukaframlagi til niðurgreiðslu æfingagjalda. Foreldrar barna á aldrinum 6 - 12 ára verða styrktir með framlagi um allt að 10 þúsund krónum sem ranna til niðurgreiðslu á æfingagjöldum.
IÐKENDASTYRKIR
Framlag vegna iðkenda- og starfstyrkja til íþrótta- og æskulýðsfélaga í Kópavogi vegna iðkenda á aldrinum 6 - 20 ára hækka um 20%. Fyrir iðkendur á aldrinum 13 til 20 ára verður greiddur þrefaldur iðkendastyrkur sem er hækkun um 45%.
AFREKSSTYRKIR
Varið verður 8,2 millj. til afreksstyrkja á árinu 2005 sem er 12% hækkun framlags frá fyrra ári.

Telja verður að ofangreint útspil Kópavogsbæjar sé sérstaklega ánægjulegt og kemur í beinu framhaldi af því að með opnun á íþróttahúsinu í Salahverfi, þar sem Gerpla verður með aðstöðu, þá lýkur uppbyggingu á íþróttamannvirkjum í Kópavogi fyrir um 5.000 milljónir á síðustu árum. Af þessu er ljóst að nú er stefnan tekin á að styrkja enn frekar innvið íþróttafélaganna og ber að fagna þessu framfaraspori.

Rúnar Alexandersson

Eiður Smári Guðjohnsen, knattspyrnumaður og leikmaður Chelsea í Englandi varð valinn íþróttamaður ársins og Í öðru sæti varð Þórey Edda Elísdóttir frjálsíþróttakona. En segja má að fimleikafólk hafi verið í tveimur af þremur efstu sætunum að þessu sinni því Þórey Edda stundaði fimleika hjá Björk í Hafnarfirði frá 8 ára aldri til tvítugs en hún sagði m.a. í viðtali á Stöð 2 í morgun að hún þakkaði fimleikaiðkun sínum góða árangri í frjálsíþróttum. Kristjana Sæunn Ólafsdóttir fimleikakona úr Gerplu komst einnig hóp bestu íþróttamanna síðasta árs en hún hafnaði í 24. - 25. sæti. Sjá nánari umfjöllun á mbl.is

Stjórn Fimleikasambands Íslands hefur valið Rúnar Alexandersson og Kristjönu Sæunni Ólafsdóttur, bæði úr Íþróttafélaginu Gerplu í Kópavogi, sem fimleikamann og fimleikakonu 2004. Við val á fimleikamanni og konu ársins er horft til árangurs á mótum hérlendis og erlendis. Þar hafa þau bæði verið glæsilegir fulltrúar fimleikafólks á Íslandi á undanförnum árum.
Rúnar er óumdeilanlega besti fimleikamaður Íslands frá upphafi.
Þrátt fyrir ungan aldur þá hefur Kristjana Sæunn skipað sér í raðir bestu fimleikakvenna á Norðurlöndum. Til marks um það má nefna glæsilegan árangur á sl. Norður-Evrópumóti þar sem hún sigraði í opnum flokki í æfingum á gólfi og stökki.
Árangur þeirra verður örugglega öðru fimleikafólki hvattning til enn frekari afreka hérlendis sem og erlendis.

Eins og greint var frá hér á www.fimleikar.is í desember í fyrra (sjá hér) þá hefur fimleikadeild Aftureldingar vaxið gríðarlega á síðustu árum. Samfara mikilli aukningu í allri starfssemi deildarinnar þá óskar fimleikadeildin hér með eftir að ráða reynda og metnaðarfulla þjálfara til fimleikaþjálfunar stráka og stelpna. Reynsla og menntun í fimleikaþjálfun skilyrði. Við deildina stunda 130 börn, á aldrinum 4-13 ára, æfingar. Verið er að byggja upp deildina og er markmiðið að efla hana og styrkja enn frekar. Eitt af markmiðum deildarinnar er að fjölga iðkendum og ráða metnaðarfulla og reynslumikla þjálfara. Áhugasamir hafi samband við Önnu Margréti Arnardóttur, framkvæmdastjóra deildarinnar, í síma 566 6280 eða senda tölvupóst á netfangið annamargret@simnet.is

Sérgreinahluti 1B – helgin 15. – 16. janúar 2005
Námskeiðið er ætlað þeim sem eru að hefja þjálfaramenntun sína eða hafa lokið öðrum hlutum á stigi 1. Áhersla lögð á grunnþætti í þjálfræði, áhaldahringi, móttöku í fimleikaæfingum, undirbúning fimleikasýninga, tónlist og hreyfingu o.fl. Námskeiðið verður haldið í Reykjavík og er 20 klukkustundir bæði verklegt og bóklegt, námskeiðsgjald er 9.000 krónur. Áætlaður fjöldi þátttakenda er 25 manns, skráning fer fram á skrifstofu FSÍ, póstur fsi@isisport.is (fylla út skráningarblað) eða í síma 514-4060 fyrir 31.desember.
Sérgreinahluti 2A - 15. – 16. janúar 2005
Ætlað þeim sem hafa lokið þjálfaramenntun á stigi 1 bæði í almennum og sérgreinahluta eða B-stigi í gamla kerfinu. Áhersla lögð á fimleikaæfingar framhaldshópa á hinum ýmsu áhöldum í áhalda-, hóp- og almennum fimleikum fyrir bæði kynin, einnig styrkþjálfun og teygjur. Námskeiði verður haldið í Reykjavík og er 20 kennslustundi bæði verklegt og bóklegt, námskeiðsgjald er 10.000 krónur. Áætlaður fjöldi þátttakenda er 15 manns, skráning fer fram á skrifstofu FSÍ, póstur fsi@isisport.is (fylla út skráningarblað) eða í síma 514-4060 fyrir 31.desember.
Athygli er vakin að þessi námskeið verða ekki haldin aftur fyrr en í janúar 2006. Undanþágubeiðnir um þátttöku berast á fsi@isisport.is

Jólasýning Gróttu fór fram í dag en sýningin var skemmtilega uppsett með jólaljósum og tilheyrandi stemmingu. Iðkendur félagsins eru um 350 og eru piltar 25% af iðkendum deildarinnar.

Eftir góðan árangur hjá iðkendum Íþróttafélagsins Gerplu nú í haust þá var efnt til jólamyndatöku. Tekar voru myndir af öllum fulltrúm félagsins á mótum sem fram hafa farið nú í haust. Ljóst er af meðfylgjandi myndum að hópurinn er stór og glæsilegur.

Fimleikafélagið Björk í Hafnarfirði verður með sína árlegu jólasýningu dagana 15. og 16. desember n.k. Í Íþróttamiðstöðinni Björk, Haukahrauni 1. Þar koma fram nemendur félagsins í fimleikadeild, klifur og taekwondo. Búast má við húsfylli á öllum sýningunum. Yngstu nemendur félagsins áttu sameiginlega stund 29. nóvember s.l.
Sýningarnar verða 4 og er 1 sýningin miðvikudaginn 15. desember kl. 17 og sýning 2 kl. 19:00, sýning 3 16. desember kl. 17:00 og sýning 4 kl. 19:00

Eru allir hvattir til að taka þátt í vali á íþróttamanni ársins með því að smella hér.

Fréttir af heimsbikarmóti sem fram fer nú um helgina. Sjá hverjir eru í úrslitum hjá karla og kvennaflokki hér. Sjá frétt hér.

Næstkomandi laugardag fer fram jólasýning Fimleikadeildar Keflavíkur (17:00 - 18:30). Um er að ræða einn stærsta viðburð ársins hjá deildinni og er nú svo komið að engin vill missa af henni og á seinasta ári var íþróttahúsið troðfullt eða um það bil 1000 gestir. Iðkendur eru rúmlega 250 og leggja allir sig sérstaklega fram þennan dag enda verður sýningin ein sú sú glæsilegasta í sögu félagsins.
Við á fimleikar.is hvetjum fimleikafólk til þess að taka sér smá laugardagsbíltúr og skella sér til Keflavíkur og horfa á sýninguna. Það er styttra en ykkur grunar ... Góða skemmtun.

Frá því að heimasíðan www.fimleikar.is var opnuð þá hafa rúmlega 38.000,- myndir verið birtar á síðunni en hver mynd er að jafnaði birt bæði í lítilli og stærri upplausn. Vonandi hefur áhugafólk um fimleika haft gaman af. Forystumenn fimleikafélaga og aðrir eru hvattir til þess að senda myndir á fimleikar@fimleikar.is til birtingar á síðunni.

Stjórn Íþróttafélagsins Gerplu fagnaði fulltrúum félagsins vel á fyrstu æfingu þeirra eftir þátttöku þeirra á Norður-Evrópumóti sem fram fór í Nakskov í Danmörku 19. - 21. nóvember sl.
Kristján Erlendsson formaður og Jón Finnbogason varaformaður veittu keppendum, þjálfurum og dómurum félagsins á mótinu blómvönd og færðu þeim hamingjuóskir frá stjórninni og félaginu öllu. Mikil ánægja var með þátttöku hópsins á mótinu. Kristjana Sæunn Ólafsdóttir sigraði í úrslitum í gólfæfingum og stökki og færði þar með félaginu fyrsta Norður-Evrópumeistaratitlana í stúlknaflokki. Bræðurnir Viktor og Róbert Kristmannsson og Inga Rós Gunnarsdóttir stóðu sig einnig mjög vel á mótinu. Ástæða þótti til að veita þjálfurum og dómurum einnig viðurkenningu en bak við árangur iðkenda félagsins stendur stór hópur af þjálfurum og sjálfboðaliðum.
Birna Björnsdóttir stjórnarmaður FSÍ og Anna Möller framkvæmdastjóri FSÍ komu einnig á æfingu hjá Gerplu og veittu keppendum félagsins viðurkenningu vegna árangurs þeirra á mótinu.