Björn Björnsson sigraði örugglega. Í öðru sæti hafnaði Jón Trausti Sæmundsson og í 3. sæti varð Dýri Kristjánsson

Hið árlega Jólasveinamót fór fram um helgina. Að sjálfsöðgu var keppt samkvæmt sama keppnisfyrirkomulagi nú og á fyrsta mótinu fyrir rúmlega tuttugu árum.





Björn Björnsson úr Ármanni sigraði Jólasveinamótið 2003. Björn tryggði sér sigurinn með miklu öryggi í lendingakeppni og hélt að venju ræðu yfir öðrum jólasveinum með sigurlaunin í fanginu. Aðrir jólasveinar voru þó sammála um að hann hafi verið með einvala lið samspilara í hokkí leik en það voru þeir Gísli Örn Garðarsson, Jón Finnbogason og Ómar Örn Ólafsson og vissulega þakkaði Björn þeim stuðninginn.

Ómar Örn Ólafsson þótti hafa bætt heldur betur á sig frá síðasta móti en ekki er hægt að sjá á þessari mynd að hann hafi gert tvöfallt heljar með hálfri skrúfu í bónusstökk á síðasta áhaldi keppninnar og það með nánast óaðfinnanlegri lendingu.
Skipuleggjandur mótsins voru að þessu sinni Jóhannes Níels, Ómar Örn og Skarphéðinn Halldórsson og þökkum við þeim fyrir gott mót.

Yngstu iðkendurnir tilbúnir fyrir
sitt sýningaratriði

Vinkonurnar Harpa Snædís Hauksdóttir og
Sif Pálsdóttir úr Gróttu.

Gleðileg jól og farsælt komandi ár. Þökkum kærlega fyrir þann mikla áhuga sem fimleikafólk hefur sýnt vefnum www.fimleikar.is á árinu. Vonandi verður næsta ár jafn viðburðarríkt fyrir fimleikafólk og það sem nú er senn á enda.
Jón Finnbogason

Um helgina 12. - 14. desember tók Rúnar Alexandersson þátt á Valeri Liukin Invitational móti sem fram fór í Plano í Texas. Rúnar tók aðeins þátt í æfingum á bogahesti og hlaut 9,55 stig fyrir æfingar sýnar og hafnaði í 3. sæti. Mótið var nokkuð sterkt en sigurvegari mótsins var Ernar Yerimbetov og hlaut hann 56,75 stig samtals.
Nánari upplýsingar um mótið hér.

Fleiri fréttir um Rúnar hér.

Lísa María Markúsdóttir í glæsilegri sveiflu í loka atriði sýningarinnar en hún annaðist skipulagningu sýningarinnar ásamt Hlegu Svönu Ólafsdóttur og Hildi Ketilsdóttur.

Gerðar hafa verið tvær breytingar á mótaskrá FSÍ fyrir keppnistímabilið 2003 - 2004. Íslandsmót í almennum fimleikum 2. - 5. þrepi er flutt til 7. - 8. febrúar. Þing FSÍ sem vera átti 7. febrúar er því flutt fram um eina viku og verður haldið 31. janúar. Bikarmót í hópfimleikum sem vera átti laugardaginn 21. febrúar er flutt til sunnudagsins 22. febrúar.

Dómaraþing Fimleikadómarafélags Íslands var haldið í október sl. Aðeins mættu sex fulltrúar á þingið en þar sem það var ekki nægjanlegur fjöldi til þess að skipa í öll embætti var ákveðið að beina því til tækninefnda í fimleikum að halda fund með sínum dómurum og kanna áhuga á áframhaldandi starfsemi félagsins.

Stigagjöf í fimleikum getur verið nánast óskiljandi fyrir áhorfendur sem ekki búa yfir þekkingu á þeim keppnisreglum sem dæmt er eftir. Foreldrar eru oft í erfiðri stöðu þegar þeir eru að reyna að skilja muninn á stigagjöf keppenda. Einnig skiptir miklu máli fyrir keppendurna sjálfa að vera með keppnisreglurnar alveg á hreinu, því smávægilegur þekkingarskortur getur verið alvarlegur þegar mikið liggur við. Því er ánægjulegt að nú er hægt að nálgast keppnisreglur í Íslenska fimleikastiganum á heimasíðu FSÍ hér á www.fimleikar.is/fsi undir reglur. Einnig má sjá þær hér. Þökkum við Tækninefnd kvenna fyrir gott framtak að setja reglurnar á netið.

Undanfarin tvö ár hafa einkennst af miklum vexti hjá fimleikadeildinni í Mosfellsbæ. Þar æfa í dag um 130 börn með 7 þjálfara en fyrir aðeins einu og hálfu ári voru aðeins 35 stúlkur að æfa fimleika hjá félaginu. Því er óhætt er að segja að mikil vakning hafi orðið fyrir fimleikum í Mosfellsbæ. Framundan er áframhaldandi uppbyggingarstarf í aðstöðu fyrir ört vaxandi iðkendafjölda en stjórn deildarinnar er í góðum höndum og verður gaman að fylgjast með vexti félagsins á næstu misserum. Um síðustu helgi fór hópur stúlkna á Íslandsmótið í almennum fimleikum sem fram fór á Egilsstöðum og tryggðu þær sér tvenn gull og silfurverðlaun auk þessað einn keppandi frá félaginu mun taka þátt á meistaramótinu eftir áramót.
Jólasýning félagsins fer fram þann 14. desember kl. 13:00 í íþróttahúsi félagsins í Mosfellsbæ. Við á fimleikar.is hvetjum alla til að fara á sýninguna og sjá kraftmikla Mosfellinga sýna æfingar sínar.

Myndir af iðkendum félagsins sem teknar voru á æfinu fyrir stuttu.
Fleiri myndir hér.

Myndir af iðkendum í yngri hópum Gerplu sýndu æfingar sínar nú um helgina.
Fleiri myndir hér.

Úrslit Íslandsmóts í almennum fimleikum eru hér. Með því að velja á milli "sheeta" þá er farið á milli þrepa. Önnur skjöl er tengjast mótinu: A, B og C. (úrslitin hafa verið leiðrétt (2/12/03))