Hið árlega Jólasveinamót fór fram sunnudaginn 29 des. sl. Mótið var fjölmennt að venju og að sjálfsögðu voru allir keppendur sem og áhorfendur sammála um að Jólasveinamótið nú í ára hafi borið uppi öll fimleikamót vetrarins í glæsilegum æfingum og leikni keppenda. Að þessu sinni sigraði Steinn Finnbogason en hann var að keppa á sínu fyrsta Jólasveinamóti en árangur hans verður að teljast mjög góður þar sem hann sigraði marga af fremstu fimleikamönnum landsins.
Úrslitin voru annars þessi !!!

skoða myndir
Jón Trausti (3. sæti), Steinn Finnbogason (1. sæti) og Grétar (2. sæti)

Landsliðsstúlkurnar Harpa Snædís Hauksdóttir og Sif Pálsdóttir, núverandi Íslandsmeistari í frjálsum æfingum, báður úr Fimleikadeild Gróttu og þjálfiri þeirra Berglindi Pétursdóttur, hefur verið boðið að æfa með Belgíska landsliðinu í æfingabúðum þeirra núna um áramótin.
Boðið er í framhaldi af námskeiði sem fimleikadeild Gróttu stóð fyrir s.l. haust. Því stjórnaði Hollendingurinn Gerrit Beltman. Hann er fyrrverandi landsliðþjálfari Hollendinga en hann hefur fært sig um set og þjálfar nú kvennalandslið Belga. Þess má geta að Hollendingar hafa tekið stórstígum framförum í fimleikum undanfarin ár og urðu þeirra stúlkur í fremstu röð á síðasta Evrópumeistaramóti.
Gerrit hefur boðið okkur aðstoð sína en þær Sif og Harpa stefna á Norðurlandamót og Heimsmeistaramót og vonandi Olympíuleika 2004.

skoða myndir
Sif Pálsdóttir og Harpa Snædís Hauksdóttir

Sagan af Rómeó og Júlíu er frægasta ástarsaga allra tíma. Atburðirnir gerast í Verónu á Ítalíu þar sem tvær voldugar ættir berjast um völdin og hatur og barátta er í aðalhlutverki en þrátt fyrir það verður Rómeó ástfangin af Júlíu og það með ófyrirsjáanlegum afleiðingu.
Í leikritinu leika fjórir fimleikamenn og er Tómas Aron, sem er 11 ára, einn þeirra. > nánar.

Fimleikadeild UMF Selfoss hélt glæsilega jóla- og afmælissýningu þar sem félagið fagnar 15 ára afmæli um þessar mundir. Allir iðkendur deildarinnar tóku þátt í sýningunni og voru áhorfendabekkir þétt setnir. Sýningin var fjölbreytt og skemmtileg en í lok sýningarinnar myndaði hópurinn jólatré og voru allir krakkarnir með logandi ljós (kerti) og breyttu svo mynstrinu í 15 í tilefni af afmæli félagsins.

Sif Pálsdóttir og Harpa Snædís Hauksdóttir úr Gróttu er á leið í æfingabúiðir til Hollands á milli jóla og nýárs. Þær fara ásamt Berglindi Pétursdóttur og æfa hjá Gerit Beltman frá 26. - 31. desember. Gerit hefur komið tvisvar í heimsókn til Gróttu og flutt fyrirlestra fyrir fimeikaáhugafólk en hér má finna umfjöllun um hans síðasta fyrirlestur hérlendis.
Þá mun Rúnar Alexandersson dvelja við æfingar og keppni í Riga í Lettlandi frá 25. desember - 6. janúar. Þarna verða margir góðir fimleikamenn við æfingar m.a. rússneskir og spánskir fimleikamenn.

Hið árlega Aðventumót fimleikadeildar Ármanns fór fram á laugardaginn sl. í íþróttahúsi Ármanns en meistaraflokkur stúlkna í Ármanni hefur haldið mótið undanfarin 4 ár. Keppendur voru að þessu sinni um 100 frá stærstu fimleikafélögum höfuðborgarsvæðisins. Keppt var í 6., 5. og 4. þrepi í 5 hópum. Almennt fór mótið nokkuð vel fram og virðist vera að festa sig í sessi sem liður í keppnistímabili þeirra keppenda sem keppa í þrepunum.

Nú um helgina fóru víða fram jólaböll. Íþróttaskólinn í Breiðablik hefur það fyrir venju að í síðasta tíma fyrir jól hjá krökkunum er jólabragur á kennslunni og kemur jólasveinninn í heimsókn og er dansað í kringum jólatré og leikið nokkur lög fyrir krakkana. Hér má sjá nokkrar myndir af jólaballinu.

Mótið gekk mjög vel fyrir sig og er Dýri sáttur við sinn árangur en um er að ræða árlegt mót þar sem liðsmenn háskólaliðsins keyra í fyrsta skiptið áður en sjálft keppnistímabilið hefst eftir áramót. Fyrir áhorfendur er mótið sett upp með skemmtilegum hætti en liðið keppir við fyrrum liðsmenn og nemendur við háskólan en að sjálfsögðu mæta þeir á mótið án þess að vera búnir að undurbúa sig sérstaklega enda með dómarana á sínum vegum ! Háskólaliðið getur þó ekki leyft sér að slá slöku við og er útkoman því ávallt skemmtileg fyrir keppendur og áhorfendur.

Fyrsta mót vetrarins hjá Dýra Kristjánssyni með fimleikaliði Háskólans í Minnesota mun fara fram í föstudaginn 13.12.  Þjálfari liðsins hefur tilkynnt um á hvaða áhöldum hver keppandi mun keppa og mun Dýri keppa á gólfi, bogahesti, tvíslá og svifrá.  Það kom Dýra nokkuð á óvart að hann skuli fá tækifæri til að keppa á gólfi.

Líf og fjör var á Íslandsmóti í almennum fimleikum í 1. þrepi sem fram fór í Íþróttahúsinu við Vesturgötu á Akranesi og var mótið hið skemmtilegasta.  Á mótinu kepptu 175 keppendur í fjórum aldurshópum og frá 15 fimleikafélögum.  Fimleikafélögin Rán Vestamannaeyjum, Gerpla og Fima á Akranesi skiptu á milli sín fyrstu verðlaununum samanlagt.  Margir keppendur lögðu á sig langt ferðalag til þess að keppa á mótinu sem er stór þáttur í starfi vetrarins hjá þeim sem keppa í 1. þrepi í almennum fimleikum.

Fimleikadeildin Fima á Akranesi var með mótinu að halda sitt fyrsta FSÍ mót.  Mikil ánægja er með framkvæmd mótsins sem gekk mjög vel og var vel staðið að öllu sem við kom mótinu en Almenna nefnd FSÍ hefur m.a. þakkað sérstaklega fyrir sig og lýst yfir ánægju sinni með mótið.

Úrslit mótins má sjá hér. 

Formannaráðsfundur FSÍ fór fram í gær (laugardaginn 30.11) en ráðið er skipað af stjórn FSÍ og formönnum allra fimleikafélaganna.  Á fundinum var farið yfir fjármál sambandsins, dómaramál, samstarf FSÍ og Fimleikasjóðs Íslands auk annarra mála sem efst eru á baugi í starfi sambandsins um þessar mundir. 

skoða myndir