Um helgina fór fram Norðurlandamót Juniora í hópfimleikum. Mótið var haldið í Hróarskeldu, Danmörku. Á vegum Íslands kepptu lið frá Gerplu og Fylki. 10 lið kepptu í stúlknaflokki, 2 lið frá hverri norðurlandaþjóðanna 5. Úrslitin urðu þau að Gerpla lenti í 8 sæti en Fylkir í því 10. Við fengum Björn Björnsson einn þjálfara Gerplustúlknanna til að segja okkur frá mótinu:
“Við erum stolt af stelpunum, þær sýndu mikinn karakter á mótinu og létu stressið ekki hlaupa með sig í gönur. Engu að síður vorum við með 5 föll sem var meira en við vonuðumst til. Keppnin var geysihörð sem sést á því að ekki munar nema 0,6 á 3 og 8 sæti. Það má því leiða líkur að því að með fullkomu móti af okkar hálfu hefðum við getað lent í 3 sæti. Svona er þetta annars bara í hópfimleikunum dagsformið skiptir rosalega miklu máli og enginn getur sagt fyrir hvað gerist þegar til keppni er komið. Til dæmis gerði Örebro, annað sænska liði, erfiða framumferð á dýnu. Á æfingunni á föstudeginum og í upphitun á mótinu gerðu þær þessa umferð af miklu öryggi. Í keppninni voru þær búnar að gera 2 umferðir og höfðu lent öll stökkin. Svo kom að framumferðinni og á endanum kláraði einungis 1 keppandi þá umferð klakklaust.” meira hér

Sif Pálsdóttir, Norðurlandameistari í fjölþraut og í æfingum á tvíslá.

Veronika Wagner varð Norðurlandameistari í æfingum á jafnvægisslá, gólfæfingum og á stökki. Slæm útreið hennar á tvíslá kostaði hana .

Sami Aalto frá Finnlandi sýndi í úrslitum að hann er nokkuð jafn á öllum áhöldum og var með fremstu mönnum á fimm áhöldum af sex þar sem hann sigraði í æfingum á bogahesti.
Almennt má segja að mótið hafi gengið mjög vel og voru gestir okkar ánægðir með góða umgjörð mótsins og þá aðstöðu sem boðið var upp á. Fimleikaáhugafólk fjölmennti á mótið og mátti sjá marga af frumkvöðlum fimleikaiðkunnar á Íslandi. Þar á meðal var Ásgeir Guðmundsson fyrsti formaður FSÍ en hann þakkaði fyrir sig með bréfi sem hann sendi FSÍ en þar tók hann eftirfarandi fram: "Mótið var ykkur til sóma, glæsileg umgjörð, starfsmenn til eftirbreytni í umgengni og klæðaburði, hraðinn góður og keppendur okkar betri eða jafnfætis frændum okkar, frábært. Til hamingju."

Það er við hæfi að ljúka umfjöllun um Norðurlandamótið á glæsilegri mynd af Sif Pálsdóttur í æfingum á tvíslá en eins og fram hefur komið varð hún Norðurlandameistari í æfingum á tvíslá og í fjölþraut. Myndina tók Auður Sigbergsdóttir en segja má að myndin grípi vel þá spennu sem ríkti í Versölum þegar Sif framkvæmdi æfingar sínar á tvíslá en myndin sýnir einnig þá nákvæmni og fegurð í æfingum sem þarf til að bera til að hampa Norðurlandameistaratitli. Myndin rifjar einnig upp orð Sigríðar Jónsdóttur, varaforseta ÍSÍ, sem sagði eftir vígslusýningu Íþróttamiðstöðvarinnar að Versölum í Kópavogi nú í janúar sl. "að horfa á fimleika fengi áhorfandan til að hugsa hver væru mörk íþróttar og listgreinar". Fleiri myndir eftir Auði Sigbergsdóttur hér og hér.

Sif Pálsdóttir sigraði í fjölþraut á Norðurlandamót í áhaldafimleikum sem fór fram um helgina í Versölum í Kópavogi. Sif varð þar með fyrst Íslenskra kvenna til þess að sigra Norðurlandameistaratitil í frjálsum æfingum í áhaldafimeikum kvenna. Í fyrstu umferð varð strax ljóst að keppnin yrði á milli hennar og Veroniku Wagner frá Svíþjóð en í annarri umferð tók Sif forystu og hélt henni allt til enda í geysilega spennandi keppni milli þeirra tveggja en Sif hlaut samtals 54,8 stig en Veronika Wagner fékk 54,45 stig. Engum blöðum er um það að fletta að hér er um einstakt íþróttaafrek að ræða og óskum við henni innilega til hamingju með þennan stórmerkilega árangur í íslenskri fimleikasögu. Í þiðja sæti varð Charlotte Buer með 52,55 stig.

Í fjölþraut karla sigraði Sami Aalto frá Finnlandi með 86,1 stig, í öðru sæti varð Björn Slånvall frá Svíþjóð með 83,1 stig og í þriðja sæti varð Riku Koivunen með 82,1 stig frá Finnlandi.

Í liðakeppni stúlkan sigraði Svíþjóð með 154,25 stig, í öðru sæti varð Finnland með 153,15 stig og í því þriðja varð Noregur með 152,4 stig.

Í liðakeppni karla sigraði Finnland með 251,75 stig, í öðru sæti varð Danmörk með 245,35 stig, og í þriðja sæti varð Svíþjóð með 242,35 stig.

Næstu helgi er stórviðburður í áhaldafimleikum hér á landi. Fram fer í Versölum, fimleikahúsi Gerplu Kópavogi, Norðurlandamót seniora í áhaldafimleikum. Bestu fimleikakonur og karlar Norðurlanda taka þátt. Á meðal þeirra eru nokkrir af besta fimleikafólki heims. Mótið hefst á laugardaginn kl. 14:00 og verður þá keppt í liðakeppni og í einstaklingskeppni í fjölþraut. Á sunnudeginum kl. 11:00 er síðan keppt til úrslita á einstökum áhöldum. Áhugafólk um glæsilega fimleika er hvatt til að mæta og hvetja Ísland í keppni við hin Norðurlöndin. Meira um mótið síðar í vikunni hér á fimleikar.is.

Fimleikafélagið Björk heldur Mínervumótið þann 10. apríl. Mótið er haldið til heiðurs Mínervu Jónsdóttur sem var einn af stofnendum fimleikafélagsins. Þetta mót er fyrir þá sem eru að stíga sín fyrstu skref í fimleikum. Nánar má lesa um mótið hér.

Garpamót Gerplu 2006 fór fram um helgina en alls tóku um 400 iðkendur þátt á mótinu sem í held gekk nokkuð vel þrátt fyrir mikinn fjölda. Í 6. þrepi stúlkna vortu t.d. 21 lið sem tóku þátt en veitt voru verðlaun fyrir 1. - 6. sætið í liðakeppni en auk þess fengu allir keppendur viðurkenningar frá KB banka, Glitni og GK fimleikavörum en auk þess gaf Íþróttafélagið Gerpla öllum keppendum bol merktan keppninni sem getur verið gaman fyrir marga iðkendur sem voru að taka þátt í sínu fyrsta fimleikamóti. Hér birtum við úrsit úr keppni á Sunnudeginum. Stúlkur hér og strákar hér.