Nú um helgina fór fram innanfélagsmót Gerplu í 6. þrepi Íslenska fimleikastigans. Eins og sjá má á meðfylgjandi myndum þá mættu stúlkurnar til leiks til þess að gera sitt besta enda mikil framundan hjá þessum stúlkum um helgina þar sem þær kepptu á tveimur mótum, þeas innanfélagsmótinu og Mínervumóti í Björk.
Stúlkurnar voru ánægðar að leikslokum og fengu þær allar verðlaunapening fyrir framistöðu sína á mótinu.

Una María Óskarsdóttir, formaður íþrótta og tómstundaráðs Kópavogsbæjar, veitti nýkrýndum Norðurlandameisturum viðureknningu fyrir hönd Kópavogsbæjar og tók fram hversu gaman það væri að fylgjast með kraftmiklu starfi sem fram færi hjá félaginu.

Iðkendur og þjálfarar þeirra fengu viðurkenningar fyrir þeirra árangur á mótunum og mikið klapp fyir að hafa náð þeim markmiðum sem þau hafa stefnt að í allan vetur.

Eftir annasama helgi þá var tekið vel á móti iðkendum í Íþróttafélaginu Gerplu sem tóku þátt á Norðurlandamóti í hópfimleikum sem fór fram í Laugardalshöll og þeim sem tóku þátt á Norðurlandamóti unglinga í áhaldafimleikum sem fram fór í Finnlandi. Það var ánægjuleg stund sem iðkendur félagsins áttu saman þar sem viðurkenningar voru veittar að viðstöddum formanni Íþrótta og tómstundaráðs Kópavogsbæjar, Unu Maríu Óskarsdóttur og framkvæmdastjóra Fimleikasambands Íslands, Önnu Möller, ásamt því sem formaður Gerplu Kristján Erlendsson og varaformaður Jón Finnbogason fögnuðu framúrskarandi árangri sem iðkendurnir sýndu.

DANSleikhúsið frumsýnir 4 tímabundin verk á Nýja sviði Borgarleikhússins 21.apríl, 24.apríl og 1.maí. Undir yfirskriftinni Augnablikið fangað!Ath. Breyttur leikhústími kl.19:09. Miðasala er hafin í Borgarleikhúsinu sjá www.borgarleikhus.is og í sími 568-8000.
Það sem tengir verk sýningarinnar eru tímabundnar aðstæður og hvernig lífið og tíðarandinn stjórnast af tímanum. Verkin eru:
núna e. Irmu Gunnarsdóttur
Kólnandi kaffi e. Lovísu Ósk Gunnarsdóttur og Höllu Ólafsdóttur í samstarfi við Sigurð Halldórsson sellóleikara.
Í ræktinni! e. Katrínu Ingvadóttur
Hetkinen – minningarbrot frá Finnlandi e. Ólöfu Ingólfsdóttur
Dansarar / leikarar: Aðalheiður Halldórsdóttir, Ásdís Ingvadóttir, Ásta Bærings, Guðrún Óskarsdóttir, Halla Ólafsdóttir, Íris María Stefánsdóttir, Ívar Örn Sverrisson, Lovísa Ósk Gunnarsdóttir, Ólöf G.Söebech og Þórdís Schram.

Kristjana Sæunn með 4 verðaun á mótinu.

Landslið Íslands ásamt þjálfurum. Fv. Ásdís Pétursdóttir þjálfari, Unnur Ósk Rúnarsdóttir, Harpa Dögg Steindórsdóttir, Kristjana Sæunn Ólafsdóttir, allar úr Gerplu, Fanney Hauksdóttir Gróttu, Fríða Rún Einarsdóttir Gerplu og Vladimir Antonov.

Árangur okkar keppenda er því góður og sú staða nú komin upp að á Norðurlandamótum þá geta frændþjóðir okkar ekki gert ráð fyrir því lengur að ganga að sigurum vísum þar sem íslensku keppendurnir koma nú ítrekað heim með gullverðlaun af áhaldafimleikamótum þar sem þjóðirnar mætast. Rétt er að óska öllum keppendum til hamingju með þeirra árangur og einnig þjálfurum og dómurum sem einnig fóru á mótið.
Heimasíða hjá Finnska fimleikasambandið er http://www.svoli.fi/ og heimasíða hjá félaginu sem hélt keppnina er http://www.stvk.net/

Norðurlandamót í hópfimleikum fór fram í Laugardalshöll í dag. Keppt var í þremur keppnisflokkum, kvennaflokki, karlaflokki og blönduðum flokki. Í kvennaflokki sigraði Stockh. Top Gym frá Svíþjóð og varð Stjarnan í Garðabæ í 5. sæti og Gerpla úr Kópavogi í 7. sæti. Í karlaflokki sigraði HSG Slagelse frá Danmörku með 27,95 stig eftir harða keppni við landa sína frá Silkeborg sem fengu 27,9 stig. Þessi tvö lið voru í sérflokki og sýndu algjörlega ótrúlegar æfingar. Í blönduðum flokki sigraði Motus Salto frá Svíþjóð með 24,95 stig eftir harða keppni frá Rödovre frá Danmörku með 24,9 stig. Keppendur voru rúmlega þrjúhundruð.

Já það má með sanni segja að okkur hafi verið sýndar stórkostlegar æfingar en þess má geta að í keppnum þá eru þessir strákar í raun stoppaðir af reglunum því t.d. geta þrír af keppendum í HSG Slagelse gert þrefallt herljarstökk með tveimur og hálfri skrúfu á trampolíni en slíkt stökk meiga þeir ekki gera í keppni. Einnig má nefna að HSG Slagelse óskaði eftir því að fá að gera á trampolíni tvöfallt heljarstökk með þremur og hálfri skrúfu og einnig að gera þrefallt heljarstökk en slíkt samþykki lá ekki fyrir en reglurnar heimila ekki þessi stökk.

Stemmingin var ótrúlega góð í höllinni og mátti sjá nánast troðfulla stúkuna skemmta sér stórvel. Tónlistin hljómaði mjög vel og kunnu áhorfendur vel að meta það. Mótið var í höndum FSÍ og tókst skipulagning og framkvæmd þess sérstaklega vel. Mótstjórar voru Anna Möller og Birna Björnsdóttir.

Liðakeppni og fjölþraut einstaklinga á Norðurlandamót unglinga í áhaldafimleikum fór fram í finnlandi í dag. Í stúlknaflokki varð landslið stúlkna í 3. sæti með 91,0 stig. Í piltaflokki varð landslið pilta í 4. sæti með 120,95 stig. Í fjölþraut stúlkna varð Kristjana Sæunn Ólafsdóttir í öðru sæti og Róbert Kristmannsson varð í 3. sæti en þau eru bæði úr Gerplu.

Úrlsit í piltaflokki:
1. Finnland 132.25
2. Noregur 131,10
3. Svíþjóð 128,75
4. Ísland 120,95
5. Danmörk 120,30

Róbert mun taka þátt í úrslitum á gólfi, bogahesti og stökki. Bjarki Ásgeirsson varð í 6. sæti í fjölþraut og mun keppa í úrslitum á bogahesti og tvíslá. Kristjana Sæunn mun keppa í úrslitum á tvíslá en hún fékk hæstu einkunn á mótinu á tvíslá. Fríða Rún Einarsdóttir varð í 4. sæti í fjölþraut.

Fimleikadeild Fylkis ætlar að halda byrjendamót í hópfimleikum föstudaginn 29.apríl næstkomandi. Mótið fer fram í Fylkishöll. Keppt verður eftir byrjendareglum. Mótið verður aldurskipt ef þátttaka er næg. Mótagjald er 1000 kr. á keppanda og greiðist það á mótstað. Skila skal inn einum dómara á lið, ef lið getur ekki reddað dómara þá skal greiða 2000 kr. aukalega. Keppt verður á Gymnova loftdýnu með stillanlegum stífleika (hægt að stilla eins og loftdýnu eða eins og fibergólf). Skráningu skal skilað fyrir 19.apríl á netfangið: olofs@internet.is. Stökklistum skal skilað á mótstað í 3 eintökum. Áætlað er að keppendur mæti milli 16:30 og 17:00. Boðið verður uppá afslátt fyrir keppendur og þjálfara í Árbæjarsundlaug að móti loknu. Allar nánari upplýsingar veita Ólöf í s: 897-6569 eða Þorbjörg í s: 698-1436.
Vonumst til að sjá sem flesta.

Á laugardaginn 9. apríl verður NORDIK TEMAGYM 2005 - Norðurlandamót í hópfimleikum haldið í Laugardalshöll.
Mótið er sett kl. 12.30 og því líkur kl. 16.10 með verðlaunaafhendingu. Fyrst er keppni blandaðra liða, kl. 13.30 hefst keppni kvenna og kl. 15.15 keppni karla.
Blönduðu liðin eru 5 þ.e. 2 lið frá Danmörku, og 1 lið frá Finnlandi, Noregi og Svíþjóð. Í blönduðum liðum er jöfn skipting karla og venna. Rødovre frá Danmörku er á meðal keppenda en þau urðu Evrópumeista í Austurríki í október s.l. Liðin í 2. og 3 sæti eru einnig meðal keppenda.
Í kvennakeppninni eru 8 lið og þar á meðal lið Gerplu og Stjörnunnar auk þeirra 2 lið frá Danmörku, 1 frá Finnlandi, 1 frá Noregi og 2 frá Svíþjóð. Team Asker frá Noregi Evrópumeistararnir frá því í haust er á meðal keppenda og einnig liðið í 2. sæti Stockholm Top Gymnastarna en á Evrópumótinu varð Stjarnan í 3. sæti.
Í karlakeppninni eru 5 lið og þar á meðal eru einnig Evrópumeistararnir frá HSG Slagelse og einnig liðið sem varð í 3. sæti SK Stags frá Noregi.
Þannig að ljóst er að besta fimleikafólk Evrópu í hópfimleikum verður við keppni í Laugardalshöll á laugardaginn. Æfingarnar eru frábærar hjá öllum og það sem karlarnir eru t.d. að framkvæma er hreint ótrúlegt.
Norðulandamót unglinga í áhaldafimleikum verður einnig haldið um næstu helgi í Finnlandi þangað fara 5 stúlkur og 5 piltar ásamt þjálfurum og dómurum.

Árið 1983 skaust 16 ára strákur, Dmitry Bilozerchev (Dima), frá Rússlandi (þá Sovétríkjunum) heldur betur upp á stjörnuhimininn í fimleikaheiminum. Hann fékk viðurnefnið “Boy wonder” (undrastrákurinn) þegar hann varð, á heimsmeistaramótinu í Budapest í Ungverjalandi, yngsti heimsmeistari í fimleikum karla frá upphafi. Með sérstaklega stílhreinum og tæknilega fullkomnum æfingum sigraði þessi nánast óþekkti pjakkur allar helstu fimleikastjörnum þess tíma. Dima sigraði á öllum stórmótum sem hann tók þátt í á árunum 1983 til 1985 m.a. varð hann Evrópumeistari bæði árin. Vegna pólitískra ástæðna tóku Sovétmenn ekki þátt í Ólympíuleikunum í Los Angeles árið 1984. Það var Dima mikið áfall að fá ekki að taka þátt í þeim leikunum þar sem hann var á hátindi síns ferils og mjög líklegur til að vinna gullið. Dima er fyrir löngu orðin goðsögn í fimleikaheiminum en ekki aðeins vegna afrekanna á þessum árum heldur miklu frekar vegna þeirra ótrúlegu afreka sem á eftir fylgdu.
Meira hér.

Norðurlandamót juniora í áhaldafimleikum verður haldið um næstu helgi í Helsinki í Finnlandi. (juniorar eru 18 ára og yngri í strákaflokki en 16 ára og yngri í stúlknaflokki). Eftirtaldir keppendur verið valdir til þátttöku fyrir Íslands hönd: Stúlkur: Fanney Hauksdóttir - Gróttu, Fríða Rún Einarsdóttir - Gerplu, Harpa Dögg Steindórsdóttir - Gerplu, Kristjana Sæunn Ólafsdóttir - Gerplu og Unnur Ósk Rúnarsdóttir - Gerplu. Piltar: Bjarki Ásgeirsson - Ármanni, Daði Snær Pálsson - Ármanni, Ingvar Jochumsson - Gerplu, Ólafur Garðar Gunnarsson - Gerplu og Róbert Kristmannsson - Gerplu.
Þjálfarar stelpnanna eru Vladimir Antonov og Ásdis Pétursdóttir, sem jafnframt er fararstjóri hópsins (gsm: 896 59 60). Þjálfarar strákanna eru Nikolay Vovk og Björn M. Tómasson (gsm: 893 30 72). Liðakeppnin fer fram á laugardeginum og má búast við hörku keppni um fyrstu sætin. Líklegt er að stúlknalið Íslands blandi sér í þá keppni. Liðið er skipað sterkum einstaklingum og með Íslandsmeistarann, Kristjönu Sæunni Ólafsdóttur, fremstann í flokki en hún sigraði í gólfæfingum og í stökki á síðasta norður-evrópumóti. Þrátt fyrir að liðið sé ungt og óreynt, en einungis Kristjana hefur keppt fyrir íslands hönd áður, er liðsheildin sterk og til alls líkleg.
Strákaliðið er frekar ungt. Róbert Kristmannsson er sá einstaklingur í liðinu sem hefur náð bestum árangri en hann er núverandi Íslandsmeistari í stökki. Einnig má nefna hinn unga og efnilega Bjarka Ásgeirsson sem er til alls líklegur á góðum degi, en Bjarki er núverandi norðurlandameistari á bogahesti í aldursflokki 13-16 ára pilta.
Sex stigahæstu einstaklingar á hverju áhaldi keppa til úrslita á sunnudeginum

Byrjendamót Selfoss í hópfimleikum verður haldið 30.apríl 2005 í tengslum við Vormót FSÍ í hópfimleikum sem fram fer á Selfossi þennan sama dag. Keppt verður eftir byrjendareglum með þeirri breytingu að liðin mega gera eina umferð á hesti og eina á trampólíni. Yfirslag gildir þá jafnmikið og strekkt heljarstökk á trampólíni. Mótið verður aldursskipt ef næg þátttaka verður. Skráning nafnalista þarf að berast fyrir 20.apríl á netfangið olgu@simnet.is. Stökklista skal koma með á mótsstað í 3 eintökum. Ef liðum vantar eyðublöð og/eða reglur er hægt að senda mér póst og ég sendi ykkur gögnin um hæl. Mótagjald eru krónur 10.000 á lið og skal þátttökulið tilkynna einn dómara á félag. Keppt er á fiberglass stökkgólfi. Boðið verður uppá gistingu fyrir þá sem koma lengra að og kostar nóttin 300 kr. Ef einhverjir huga að gistingu bið ég þá um að vera í sambandi við Olgu Bjarnadóttur til að fá nánari upplýsingar. Vonumst til að sjá sem flesta !!!

Á laugardaginn 9. apríl verður NORDIK TEMAGYM 2005 - Norðurlandamót í hópfimleikum haldið í Laugardalshöll.
Mótið er sett kl. 12.30 og því líkur kl. 16.10 með verðlaunaafhendingu. Fyrst er keppni blandaðra liða, kl. 13.30 hefst keppni kvenna og kl. 15.15 keppni karla.
Blönduðu liðin eru 5 þ.e. 2 lið frá Danmörku, og 1 lið frá Finnlandi, Noregi og Svíþjóð. Í blönduðum liðum er jöfn skipting karla og venna. Rødovre frá Danmörku er á meðal keppenda en þau urðu Evrópumeista í Austurríki í október s.l. Liðin í 2. og 3 sæti eru einnig meðal keppenda.
Í kvennakeppninni eru 8 lið og þar á meðal lið Gerplu og Stjörnunnar auk þeirra 2 lið frá Danmörku, 1 frá Finnlandi, 1 frá Noregi og 2 frá Svíþjóð. Team Asker frá Noregi Evrópumeistararnir frá því í haust er á meðal keppenda og einnig liðið í 2. sæti Stockholm Top Gymnastarna en á Evrópumótinu varð Stjarnan í 3. sæti.
Í karlakeppninni eru 5 lið og þar á meðal eru einnig Evrópumeistararnir frá HSG Slagelse og einnig liðið sem varð í 3. sæti SK Stags frá Noregi.
Þannig að ljóst er að besta fimleikafólk Evrópu í hópfimleikum verður við keppni í Laugardalshöll á laugardaginn. Æfingarnar eru frábærar hjá öllum og það sem karlarnir eru t.d. að framkvæma er hreint ótrúlegt.
Norðulandamót unglinga í áhaldafimleikum verður einnig haldið um næstu helgi í Finnlandi þangað fara 5 stúlkur og 5 piltar ásamt þjálfurum og dómurum.

Fimleikafélagið Björk hélt Ponsumót síðasta sunnudag. Ponsumót er vinamót þriggja félaga, Fimleikafélag Keflavíkur, Fimleikadeild Stjörnunnar og Bjarkanna. Að þessu sinni öttu nær 100 stúlkur á aldrinum 6 til 10 ára keppni. Keppt var í 6. þrepi fimleikastigans í áhaldafimleikum. Gleðin var alsráðandi og stúlkurnar hvöttu óspart hvor aðra. Áhorfendapallarnir voru fullir af spenntum foreldrum, ömmum og öfum, systkinum og öðrum ættmennum sem horfðu stoltir á framtíðar stjörnur fimleikanna.

Ponsumótið er liðakeppni þar sem 6 stúlkur eru saman í liði og árangur 5 bestu teljast til stiga. Keppt var í A, B og C hópum bæði yngri og eldri. Lið Bjarkanna urðu sigursæl og sigruðu A lið eldri og yngri, B lið yngri og C lið yngri. B og C lið eldri stúlknanna frá Keflavík sigruðu sína keppni. Síðan var stigahæðsti keppandinn útnefndur Ponsumeistarinn sem var Dóra Sóldís Ásmundardóttir frá Björkunum.

Nú um helgina bauð Fimleikafélagið Björk strákunum í Fimleikadeild Gróttu á Seltjarnarnesi og Íþróttafélaginu Gerplu í Kópavogi til sameiginlegrar æfingar. Um 70 strákar tóku þátt í samæfingunni sem var m.a. byggð upp til þess að gefa strákunum tækifæri til þess að kynnast hvor öðrum og æfa saman auk þess að æfa með Íslandsmeistaranum Viktori Kristmannssyni. Þröstur Hrafnsson, Guðjón Guðmundsson og Guðmundur Þór Brynjólfsson skipulögðu æfingarnar. Tekin voru upp myndbönd af strákunum sem þeir svo horfðu á sameiginlega yfir pizzum í félagsaðstöðu Bjarkanna. Mjög vel tókst til og var almenn ánægja með þetta framtak.

Namskeið fyrir hópfimleikaþjalfara 2. - 4. juni 2005.
Farið verður í gegnum ýmsar aðferðir við að búa til hópfimleikadans. Einnig verður reynt að leita svara við spurningum og vandamálum sem kunna að koma upp í ferlinu. Tekið verður mið af nýjustu reglum í hópfimleikum. Einnig verður litið á danssmíðina frá choreografisku sjónarhorni og lögð verður áhersla á skapandi hreyfingar.
Dagskrá:
Fim 2. juni 18:00 - 20:00
Fös 3. juni 18:00 - 20:00
Lau 4. juni 10:00 - 13:00
Samtals 7 klst.
Verð: 10.000-
Namskeiðið verður haldið í Íþróttamiðstoðinni Björk í Hafnarfirði. Kennari a namskeiðinu er Steinunn Ketilsdóttir, dansari og danshöfundur. Steinunn útskrifast með BA í dansi frá Hunter College í New York í maí nk. Hún var dansþjálfari liðs F. Björk sem voru Íslandsmeistarar í dansi og kepptu fyrir Íslands hönd á Nordurlanda- og Evrópumótum á árunum 2000 - 2003. Sjá dans hópsins hér og hér.