Vormót í hópfimleikum

Nú um síðustu helgi fór fram Vormót í hópfimleikum. Tíu lið kepptu í þremur aldursflokkum. Í fyrsta sæti í yngri hóp varð Gerpla P3 með 21,63 stig. Í fyrsta sæti í mið hóp varð Selfoss T2 og sigurvegarar í eldri hóp varð Grótta með 24,29 stig.
Grótta er kominn með mjög sterkt lið. Það var skemmtilegt að sjá hversu stórstígum framförum hópurinn hefur tekið í vetur. Sérstaklega ber að nefna dans hópsins en 8,5 stig ber vott um að hópurinn sé búinn að ná góðum tökum á æfingum sínum. Einnig er mikill kraftur í stökkum bæði á trampolíni og dýnu. Mikil liðsheild og gleði ríkir meðal stúlknanna á keppnisstað og kemur það greinilega fram í æfingum þeirra. Meira

Norðulandamót unglinga, drengir

Nú um næstu helgi fer fram í Osló Norðurlandamót unglinga í fimleikum. Eins og venjulega senda Íslendingar full lið pilta og stúlkna. Tækninefnd karla tilkynnti nú fyrir skemmstu lið íslands í piltaflokki og athygli vekur að allir piltarnir fimm koma úr Ármanni. Aðeins einn Gerplupiltur, Róbert Kristmannsson, var valinn til fararinnar en hann gaf ekki kost á sér vegna prófa. Það er slæmt að þessi staða skuli koma upp á hverju vori að fimleikafólki skuli ekki geta keppt á Norðurlandamótum vegna prófa.
Meira

Hera Jóhannesdóttir, Gróttu, keppir á Norðulandamóti

Hera Jóhannesdóttir, Gróttu, er nú að undirbúa sig undir þátttöku á sínu fyrsta Norðurlandamóti í áhaldafimleikum sem fer fram í Noregi helgina 3. - 4. maí n.k.
Hera hefur æft fimleika í mörg ár, nú í Gróttu en hún byrjaði í KR, en nú æfir hún sex sinnum í viku þrjá tíma í senn. Þjálfarar hennar eru Ásdís Pétursdóttir og Berglind Pétursdóttir (þó ekki systur!).
Hera er fædd 1988 og er í 9. bekk og stefnir á nám í MR eða MH en hún býr í vesturbæ Reykjavíkur. Foreldrar hennar eru Margrét Sigmarsdóttir og Jóhannes Þórðarson.
Meira

Edda Dögg Ingibergsdóttir, keppir á Norðulandamóti

Edda Dögg Ingibergsdóttir, Björk, er nú að undirbúa sig undir þátttöku á sínu fyrsta Norðurlandamóti í áhaldafimleikum sem fer fram í Noregi helgina 3. - 4. maí n.k.
Edda Dögg hefur æft fimleika í Björk í mörg ár en nú æfir hún sex sinnum í viku þrjá tíma í senn. Þjálfari hennar er Jóhanna Rósa Ágústsdóttir.
Edda Dögg er fædd 1988 og er í 9. bekk í Setbergsskóla í Hafnarfirði þar sem hún býr en hún hefur ekki enn ákveðið hvaða framhaldsnám verður fyrir valinu.
Meira

Námskeið í Ólympíu í Grikklandi

Íþrótta- og Ólympíusamband Íslands hefur valið Jón Finnbogason og Lisebet Hauksdóttir til að vera fulltrúar Íslands á alþjóðlegu námskeiði í Ólympíu í Grikklandi 30. júlí - 13. ágúst n.k. en námskeiðið fjallar m.a. um "Education through Sport" en það er þema ársins hjá Alþjóða Ólympíunefndinni og sömuleiðis mun Evrópusambandið kalla árið 2004 ár menntunar í gegnum íþróttir. Námskeiðið var auglýst á www.fimleikar.is 11. mars sl. Sjá frétt á www.isisport.is
Lisebet Hauksdóttir útskrifast í vor sem íþróttafræðingur frá KHÍ og hefur stundað skíðaíþróttina í gegnum árin og orðið Íslandsmeistari í skíðagöngu.
Jón Finnbogason er lögfræðingur og fyrrverandi landsliðsmaður í fimleikum til margra ára en hann þjálfaði einnig fimleika. Jón hefur starfað innan FSÍ sem formaður tækninefndar karla, stjórnarmaður í stjórn FSÍ og nú í laganefnd FSÍ. Jón er með heimasíðuna www.fimleikar.is og stofnaði Fimleikasjóð Íslands.

Myndir af NM í hópfimleikum

Þröstur Hrafnsson þjálfari í Björk tók mikið af myndum á NM. Við sem ekki gátum farið á þetta frábæra mót getum hér séð lítið brot af því hversu mikil skemmtun það er að taka þátt í móti sem þessu. Ég vek sérstaka athygli á nokkrum videomyndböndum. Þar má sjá að bestu liðin eru greinilega að gera fimleika á mjög háum standard. Stelpur! ef þið eruð óánægðar með myndirnar þá bara sendið þið mér póst og ég redda því kannski! en það er engu að síður gaman að sjá "lífið" bak við tjöldin.
Meira

NM í hópfimleikum í Hróaskeldu

Úrslit á NM í hópfimleikum liggja fyrir. Tvö lið kepptu fyrir hönd Íslands á mótinu og komu þau úr Björk og Stjörnunni en á mótinu kepptu samtals 10 lið. Lið Bjarkar fékk 8,7 stig fyrir dans, 7,95 stig fyrir dýnu og 7,55 á trampolíni og samtals 24,2 stig og hafnaði í 7. sæti. Lið Stjörnunnar fékk 8,3 stig fyrir dans, 7,45 stig fyrir dýnu og 8,0 á trampolíni og samtals 23,75 stig og hafnaði í 8. sæti.
Í fyrstu tveim sætunum voru lið frá Danmörku og í þriðja sæti varð lið frá Svíþjóð.
Nánar verður fjallað um mótið þegar frekari upplýsingar liggja fyrir.

Sara Sif Sveinsdóttir, Gerplu, keppir á Norðulandamóti

Sara Sif Sveinsdóttir, Gerplu, hefur staðið sig mjög vel í allan vetur og sigrað á hverju mótinu af fætur öðru í keppni í fyrsta þerpi. Hún stefnir nú á að taka þátt í sínu fyrsta Norðurlandamóti sem fram fer í Noregi helgina 3. - 4. maí n.k. en það mun jafnframt verða hennar fyrsta mót sem hún tekur þátt í erlendis.
Sara Sif hefur æft fimleika í Gerplu síðan hún var 5 ára. Þjálfarar hennar eru Svetlana Makaritseva og Vlatimir.
Meira

Íslensk lið á NM í hópfimleikum í Hróaskeldu

Núna á laugardaginn 19. apríl er Norðurlandamót í hópfimleikum haldið í Roskilde "Hróaskeldu" í Danmörku. Þar munu lið frá Björk og Stjörnunni taka þátt en það eru liðin sem voru efst á Íslandsmótinu nú í mars.
Að sjálsögðu vonumst við eftir góðum árangri á mótinu. Liðið frá Björk er í góðu formu og vel stemmt fyrir keppnina. Lið Stjörnunnar hefur á hinn bóginn orðið fyrir miklum hremmingum. Tvær stúlkur hafa slasast frá því á Íslandsmótinu Ragnheiður Ragnarsdóttir fótbrotnaði á æfingu í vikunni eftir mótið og nú fyrir 10 dögum lennti Sólveig Jónsdóttir í alvarlegu bílslysi og liggur ennþá á sjúkrahúsi. Bættust þessi slys við mörg sem dunið hafa á liðinu á síðasta ári. Varamenn eru komnir inn í liðið í þeirra stað og er liðið staðráðið í að gera sitt besta.

Halldór keppir í Japan

Halldór B. Jóhannsson þolfimimeistari er að fara að keppa þann 19. apríl í Japan á mjög sterku móti í þolfimi. Halldóri var sérstaklega boðið á þetta mót og er það mikill heiður fyrir hann enda er hann í 4. sæti á Heimslista FIG Alþjóðafimleikasambandsins.

Unglinga- og eldriflokkamót, Ármann og Grótta sigursæl

Unglinga- og eldriflokkamótið fór fram í Íþróttamiðstöðinn Björk laugardaginn 12. apríl. Keppt var sex flokkum. Mikið var um glæsilegar æfingar á mótinu og mátti einnig sjá nokkra keppendur sem voru að taka þátt í sínu fyrsta móti í frjálsum æfingum.
Keppendur frá Ármanni í drengjaflokki og Gróttu í stúlknaflokki voru sigursæl á mótinu. Teitur Páll Reynisson úr Ármanni sigraði í flokki 15 ára og yngri með 36,4 stig. Jónas Valgeirsson úr Ármanni sigraði í flokki 16 - 18 ára með 43 stig. Erlendur Kristjánsson úr Gerplu sigraði í eldri flokk drengja með 29,2 stig. Kristjana Sæunn Ólafsdóttir sigraði í telpnaflokki (´91 og síðar) með 29,967 stig. Harpa Snædís Hauksdóttir sigraði í stúlknaflokki (´88 - ´90) með 30,901 stig. Sif Pálsdóttir sigraði í eldri flokk stúlkna (´87 og fyrr) með 32,317 stig.
Meira

Fimleikasjóður Íslands úthlutar kr. 110.000

Fimleikasjóður Íslands veitti í dag fimleikafólki styrki. Að þessu sinni var aðeins samþykktir styrkir til afreksfólks og ákveðið að bíða með frekari styrki til uppbyggingarstarfs. Úthlutað var kr. 110.000. Stjórn sjóðsins þakkar öllum styrktaraðilum sjóðsins fyrir framlög þeirra og vonast til að fleiri sjái sér fært að taka þátt í að styrkja fimleikafólk til keppnisferða og uppbyggingastarfs innan fimleikahreyfingarinnar. Upplýsingar um sjóðinn má finna á þessari heimasíðu.

Fróðleiksmoli dagsins !

Breyttir tímar og breyttar áherslur kalla oft á ný vinnubrögð. Í ársskýrslu FSÍ 1980 - 81 má sjá hvernig valið var í landslið kvenna á NM 1980 og hvernig veglegt fylgdarlið fór með keppendum á mótið en þetta var í fyrsta sinn sem stúlkur frá Íslandi voru sendar á NM :

TKV birtir lágmörk fyrir HM í áhaldafimleikum kvenna ´03

Í dag sendi FSÍ frá sér tilkynningu þar sem birt var bréf Tækninefnd kvenna (frá 2. apríl) þar sem gert var grein fyrir ákvörðun um lágmörk fyrir þátttöku á Heimsmeistaramóti kvenna 2003.
Tilkynning tækninefndarinnar er svo hljóðandi:

Sjá umfjöllun hér.

Dýra gekk vel á stærsta móti vetrarins

200 keppendur á hópfimleikamóti

Gymneastrata-hópur Gerplu bauð til Byrjendatrompmóts laugardaginn 29.mars í Gerpluhúsinu. Þátttakan fór fram úr öllum vonum og skráðu sig 18 lið til keppni sem varð til þess að mótinu var skipti í 2 hluta, yngri keppendur og eldri. Gaman var að sjá hve góð mæting var utan að landi en helmingur liðanna kom einmitt frá Þorlákshöfn, Hveragerði, Keflavík, Selfossi og alla leið frá Egilsstöðum. Þetta sýnir hve vel þetta form fimleika hentar fyrir öll félög stór og smá.

Dýri keppti um síðustu helgi

Betra er seint en aldrei ! en Dýri Kristjánsson keppti um síðustu helgi og fékk 7,95 stig á bogahest, 8,15 stig á tvíslá og 7,75 stig á svifrá. Hér má sjá nánar um mótið.

GK byrjendamót í áhaldafimleikum

Meistaraflokkur Fimleikadeildar Gróttu stendur fyrir byrjendamót í 5. og 6. þrepi n.k. sunnudag kl. 10:00 í íþróttahúsi Gróttu, Seltjarnarnesi. Mótið verður mjög fjölmennt þar sem m.a. 13 lið taka þátt í 6. þrepi. Fyrst og fremst er um liðakeppni að ræða en einnig verða veitt verðlaun fyrir 3 stigahæstu einstaklingana. Auk þess verður valið prúðasta liðið en dómarar mótsins munu velja það út frá því hvaða lið skapar mikla stemmningu, hvetur liðsmenn sína er kurteist og snyrtilegt, svo eitthvað sé nefnt. Mótið er liður í fjármögnun keppnisferða meistaraflokks nú í vetur en þær ferðir sem um ræðir eru m.a. NMJ og Ólympíuleikar æskunnar svo eitthvað sé nefnt. Frekari upplýsingar veitir Ásdís.

Fimleikasjóður Íslands óskar eftir umsóknum um styrki

Fimleikasjóður Íslands óskar eftir því að sjóðnum verði sendar umsóknir um styrkveitingu. Til stendur að úthluta kr. 50.000,- í tveimur styrkjum. Sjóðurinn hefur verið starfræktur síðan 1999 og er nokkrir fimleikaáhugamenn og konur sem styrkja sjóðinn mánaðarlega með fjárframlögum (sjá félagatal). Nú þegar hafa sex einstaklingar og sex fimleikafélög um land allt fengið styrki úr sjóðnum (sjá lista yfir styrkþega). Umsóknir skal senda með tölvupóst á fimleikar@fimleikar.is í síðasta lagi 7. apríl n.k. Á heimasíðu sjóðsins má sjá úthlutunarreglur sjóðsins. Allir geta gerst félagar í sjóðnum og hjálpað til við að styðja við bakið á okkar frábæra fimleikafólki (hér má skrá sig í sjóðinn). Frekari upplýsingar veitir undirritaður og Guðmundur Þór Brynjólfsson.
Fyrir hönd Fimleikasjóðs Íslands
Jón Finnbogason

Unglinga- og eldriflokkamót FSÍ

Laugardaginn 29. mars næastkomandi mun fara fram Byrjendamót Gerplu í hópfimleikum í Íþróttahúsi Gerplu. Meira.