fimleikar.is

Áhaldafimleikar:
ÍSÍ mun áfram styðja Rúnar

Myndir hér

[31/08/2004] [JF]

Íþróttafélagið Gerpla og FSÍ héldu upp á frábæran árangur Rúnars Alexanderssonar með hátíðlegri dagskrá í Gerpluhúsinu í dag. Kristján Erlendsson formaður Gerplu fór yfir sögu Rúnars frá því hann kom til Íslands 1994 án ríkisborgararéttar og hvernig hann hefur vaxið sem fimleikamaður undanfarin ár.
Ellert B. Schram Forseti ÍSÍ þakkaði Gerplu og fimleikahreyfingunni fyrir stuðning við Rúnar og fullvissaði veislugesti að afrekssjóður ÍSÍ myndi halda áfram stuðningi við Rúnar fram að næstu Ólympíuleikum.
Jón Þórisson, aðstoðarforstjóri Íslandsbanka, afhenti Rúnari myndarlegan styrk frá Íslandsbanka en bankinn er í Ólympíufjölskyldu ÍSÍ og hefur stutt vel við bakið á okkar fremsta afreksfólki í íþróttum.
Gunnar Einarsson formaður FSÍ veitti Rúnari Gullmerki FSÍ og lýsti því yfir að FSÍ myndi styrkja hann fjárhagslega auk þess að taka þátt í kostnaði við nám hans við íþróttaskóla á næstu tveimur árum. Fyrir dómgæslu veitti FSÍ þeim Berglindi Pétursdóttur og Birni Magnúsi Tómassyni viðurkenningu fyrir gott starf á Ólympíuleikunum.

Ellert B. Schram óskaði Rúnari til hamingju með árangurinn og fullvissaði hann um áframhaldandi stuðning ÍSÍ.

Jón Þórisson afhenti Rúnari styrk að fjárhæð 250.000,- en Íslandsbanki er einn af helstu styrktaraðilum Rúnars.

Undir miklu álagi stóðu þau sig mjög vel og var góður rómur gerður að framgöngu þeirra. Sameiginlega veitti svo Gerpa og FSÍ þeim Guðmundi Þór Brynjólfssyni og Rúnari viðurkenningu fyrir frammistöðu þeirra á Ólympíuleikunum.

Una María Óskarsdóttir, form. Íþrótta og tómstundaráðs óskaði Rúnari innilega til hamingju með árangurinn og hlakkað til að sjá félagið í nýju glæsilegu húsnæði.

Sigurður Geirdal bæjarstjóri Kópavogs óskaði Rúnari innilega til hamingju en Kópavogsbær hefur stutt vel við bakið á Gerplu á undanförnum árum og á því stóran þátt í því að búa Rúnari þá aðstöðu sem hann hefur þurft á að halda.

Sigurður Geirdal, Rúnar og Kristján Erlendsson stilla sér upp við merki Gerplu

Fulltrúi SP-fjármögnunar óskaði Rúnari til hamingju en fyrirtækið er aðalstyrktaraðili FSÍ.

FSÍ:
Toppþjálfaranámskeið FSÍ í hópfimleikum tókst vel !

[30/08/2004] [HB]

Um helgina hélt fræðslunefnd FSÍ í fyrsta skipti þjálfaranámskeiðið sérgreinahluti 2C sem er Toppþjálfaranámskeið í hópfimleikum og almennum fimleikum. Námskeiðið er hluti af þjálfaramenntunarkerfi ÍSÍ og FSÍ og er 30 kennslustundir bóklegar og verklegar.
Fimmtán þjálfarar frá sex íþróttafélögum luku námskeiðinu sem tókst mjög vel í alla staði enda kennara og nemendur mjög áhugasamir um nýjungar í greininni enda hefur mikil þróun átt sér stað á stökkáhöldunum og nýjar alþjóðlegar reglur að líta dagsins ljós.
Kennarar á námskeiðinu voru þau Dorthe Jensen, Kim Fischer og Jakob Nilsen öll með menntun og mikila reynslu á þessu sviði fimleika og þakkar FSÍ þeim sérstaklega fyrir gott námskeið.
Fræðslunefnd vill einnig þakka þeim 25 stúlkum sem sýndu fimi sína á námskeiðinu og leyfðu þátttakendum að spreyta sig á móttöku í erfiðum fimleikaæfingum.
Fræðslunefnd hvetur fimleikafélög og -deildir til að fylgjast með dagskrá FSÍ og ÍSÍ um þjálfaranámskeið, málþing og fræðslukvöld á komandi vetri.
Áfram íslenskir fimleikar ! Fræðslunefnd FSÍ

Áhaldafimleikar:
7. sæti í úrslitum á ÓL, besti árangur Rúnars frá upphafi

[22/08/2004] [JF]

Rúnar Alexandersson framkvæmdi æfingar sýnar með óaðfinnanlegum hætti í úrslitum á bogahesti á Ólympíuleikunum og hlaut 9,725 stig í einkunn og hafnaði í 7. sæti næstur á eftir núverandi Ólympíumeistara í fjölþraut og heimsmeistaranum Paul Hamm (USA) (9,737 stig). Haibin Teng frá Kína sigraði með 9,837 stig og rauf þar með sigurgöngu Marius Urzica (9,825 stig) frá Rúmeníu en hann hefur mjög sigursæll í æfingum á bogahesti á síðustu árum.
Árangur Rúnars á Ólympíuleikunum er frábær og enn sem komið er stendur árangur hans uppúr framistöðu annarra keppenda frá Íslandi á leikunum í Aþenu. Rúnar hefur með þessu náð einum besta árangri sem íslenskur íþróttamaður hefur náð frá upphafi. Í beinni útsendingu á RÚV mátti sjá hvern keppandann sýna stórglæsilegar æfingar en sennilega hefur aldrei áður verið jafn hörð keppni í úrslitum eins og sjá mátti að þessu sinni. Æfingar Rúnars voru glæsilegar, mjög flóknar og erfiðar, hraðar og hnökralausar með öllu. Einkunn Rúnars var þó lægri en í undanúrslitum þrátt fyrir að hann hafi nú framkvæmt æfingar sýnar mun betur en þá. Eftir þátttöku Rúnars á Ólympíuleikunum hefur hann sýnt að hann er með allra bestu íþróttamönnum landsins og í hópi bestu bogahestmanna í heiminum í dag. Rúnar er hógvær en hann má vera ánægður með þennan frábæra árangur og að hafa náð markmiðum sínum á Ólympíuleikunum.

Áhaldafimleikar:
Hörð og spennadi keppni í úrslitum

[18/08/2004] [JF]

Á sunnudaginn kemur mun Rúnar Alexandersson keppa til úrslita í æfingum á bogahesti á Ólympíuleikunum. Dregið hefur verið um byrjunarröð og ekki verður annað sagt en að Rúnar hafi verið heppinn því hann er næstsíðastur upp á hestinn. Tilkynnt hefur verið að allt bendir til þess að RÚV muni sýna í beinni útsendingu frá keppni í úrslitum á bogahesti.
Óhætt er að segja að keppni um verðlaunasæti verði hörð. Þó verður að telja að Marius Urzica sé líklegur til afreka en hann er núverandi Ólympímeistari á bogahesti en afrekalisti hans er langur á bogahesti. Þá eru einnig sigurstranglegir fimleikamennirnir Kashima Takehiro, JPN og Teng Haibin, CHN.Að sjálfssögðu verður einnig erfitt að keppa á móti nýkrýndum Ólympíumeistari í fjölþraut Paul Hamm en hann er einnig núverandi heimsmeistari í fjölþraut.

Rúnar Alexandersson á góðan möguleika á verðlaunasæti í úrslitum á bogahesti á Ólympíuleikunum en keppnin verður engu að síður mjög hörð og allt getur gerst.

Í fimleikum getur allt gerst og það sýndi Paul Hamm þegar hann féll úr 1. sæti eftir þrú áhöld og í tólfta sæti eftir fall á stökki en endaði sem Ólympíumeistari. Við vitum að Rúnar getur gert ótrúlega hluti og bogahestur er hans sérgrein. Rúnar hefur fengið góða forgjöf með því að geta undirbúið sig vel fyrir úrslitin á sunnudaginn og fer hann 7. upp á bogahestinn sem er mjög gott. Það verður spennandi að sjá hvernig úrslitin sjálf fara en við óskum Rúnari góðs gengis á sunnudaginn.
Hér að neðan má sjá afrekalista hjá hverjum keppanda á bogahesti.

URZICA Marius Daniel, ROM, 9,812	KASHIMA Takehiro, JPN, 9,812
Olympic Games 1 Pommel Horse 2000 Sydney, AUS 9.862 2 Pommel Horse 1996 Atlanta, GA, USA 9.825 World Championships 1 Pommel Horse 2002 Debrecen, HUN 9.787 1 Pommel Horse 2001 Ghent, BEL 9.800 1 Pommel Horse 1994 Brisbane, AUS 2 Pommel Horse 1999 Tianjin, CHN 9.762 5 Pommel Horse 2003 Anaheim, CA, USA 9.650 World Cup 1 Pommel Horse 2004 Lyon, FRA 9.825 1 Pommel Horse 2003 Paris, FRA 9.775 1 Pommel Horse 2003 Glasgow, SCO 9.775 1 Pommel Horse 2003 Cottbus, GER 1 Pommel Horse 2003 Thessaloniki, GRE 9.750 1 Pommel Horse 2002 Cottbus, GER 1 Pommel Horse 2001 Paris, FRA 9.750 1 Pommel Horse 2001 Glasgow, SCO 10.000 1 Pommel Horse 2000 Cottbus, GER 9.788 1 Pommel Horse 2000 Glasgow, SCO 9.812 2 Pommel Horse 2003 Stuttgart, GER 3 Pommel Horse 2002 Glasgow, SCO 9.725	World Championships 1 Pommel Horse 2003 Anaheim, CA, USA 9.762 3 Pommel Horse 2002 Debrecen, HUN 9.687 World Cup 1 Pommel Horse 2003 Anaheim, CA, USA (WCh) 9.762 2 Pommel Horse 2003 Glasgow, SCO 9.700
TENG Haibin, CHN, 9,800	TOMITA Hiroyuki, JPN, 9,750
World Championships 1 Pommel Horse 2003 Anaheim, CA, USA 9.762 4 Pommel Horse 2002 Debrecen, HUN 9.662 World Cup 1 Pommel Horse 2003 Anaheim, CA, USA (WCh) 9.762
CANO Victor, ESP, 9,75	ALEXANDERSSON Runar, ISL, 9,75
World Cup 1 Pommel Horse 2004 Cottbus, GER 2 Pommel Horse 2000 Ljubljana, SVN 9.763	World Cup 1 Pommel Horse 2000 Ljubljana, SVN 9.788 2 Pommel Horse 2000 Glasgow, SCO 9.737
HAMM Paul, USA, 9,737	HUANG Xu, CHN, 9,737
World Championships 8 Pommel Horse 2002 Debrecen, HUN 9.050 World Cup 3 Pommel Horse 2004 Hawaii, USA 9.587	World Cup 2 Pommel Horse 2002 Paris, FRA 9.688
VARAMENN
SUCIU Ioan Silviu, ROM, 9,712	ANDERGASSEN Thomas, GER, 9,712
World Championships 4 Pommel Horse 2003 Anaheim, CA, USA 9.712 6 Pommel Horse 2002 Debrecen, HUN 9.625 8 Pommel Horse 2001 Ghent, BEL 8.775 World Cup 1 Pommel Horse 2004 Ljubljana, SLO 9.725 1 Pommel Horse 2002 Paris, FRA 9.700 1 Pommel Horse 2002 Glasgow, SCO 9.775 2 Pommel Horse 2003 Cottbus, GER 3 Pommel Horse 2004 Cottbus, GER 3 Pommel Horse 2004 Lyon, FRA 9.750 3 Pommel Horse 2003 Paris, FRA 9.625 3 Pommel Horse 2003 Glasgow, SCO 9.650 3 Pommel Horse 2003 Stuttgart, GER 3 Pommel Horse 2002 Cottbus, GER
HAMM Morgan, USA, 9,700
World Cup 3 Pommel Horse 2004 Hawaii, USA 9.587

Áhaldafimleikar:
Stórkostlegur sigur

[15/08/2004] [JF]

Rúnar Alexandersson úr Íþróttafélaginu Gerplu í Kópavogi tryggði sér sæti í úrslitum á Bogahesti á Ólympíuleikunum. Er þetta hans besti árangur hingað til. Sýndi Rúnar að hann er í frábæru formi því síðasta áhaldið hjá honum í undanúrslitum var bogahestur sem af mörgum er talið erfiðasta áhaldið í áhaldafimleikum karla. Þrátt fyrir að hafa keppt á fimm áhöldum og séð alla sína helstu keppinauta gera æfingar sínar á bogahesti óaðfinnanlega þá gerði hann sér lítið fyrir og varð 6. sæti inn í 8 manna úrslit. Spennan var því mikil þar sem keppinautar hans í fyrstu tveimur hollunum af þremur höfðu allir fengið mjög háar einkunnir. Yfirvegaður og vel undirbúinn kláraði Rúnar æfingar sínar óaðfinnanlega og varð landi sínu til sóma. Sæti í úrslitum var í höfn.
Árangur Rúnars er stórkostlegur sigur fyrir hann. Keppni um sæti í úrslitum á Ólympíuleikum er ótrúlega hörð sem sjá má á því að aðeins er 0,075 stiga munur á efsta og neðsta manni inn í úrslit á bogahesti. Til samanburðar getur hver dómari minnst gefið 0,1 stig í frádrátt fyrir hverja villu.

Rúnar Alexandersson mætti í sínu besta formi á Ólympíuleikana og tryggði sér sæti í úrslitum á Bogahesti.
Fréttir af Rúnari hér:
http://www.fimleikar.is/runar

Þegar svo lítill munur er á 8 bestu keppendunum í úrslitum eru þeir allir líklegir til þess að komast á verðlaunapall. Þrátt fyrir að verðlaunasæti sé aðeins draumur verður að telja að Rúnar hafi nú þegar náð sínu markmiði með glæsilegum hætti. Í æfingum á bogahesti er hann í hópi þeirra allra bestu í heiminum.
Rétt er að rifja upp að Rúnar sigraði í úrslitum á bogahesti á Heimsbikarmóti í Ljubljana árið 2000 með 9,788 í einkunn og hafnaði í öðru sæti í úrslitum á bogahesti í á Heimsbikarmóti í Glasgow árið 2000 með 9,737 í einkunn. Það er því ekki nýtt fyrir Rúnar að hafna í verðlaunasæti í úrslitum á bogahesti á stórmóti.
Í fimleikum eru sæti í úrslitum á Ólympíuleikum oftast þéttsetin keppendum frá stórveldunum í fimleikum, s.s. Japan, Kína, Bandaríkjunum, Rúmení o.fl. stórþjóðum í greininni. Því vekur það mikla athygli þegar keppandi frá Íslandi tryggir sér sæti í úrslitum. Síðustu áratugina hafa Norðurlöndin ekki átt keppanda í úrslitum á Ólympíuleikum í áhaldafimleikum. Því er það ekki undarlegt að íþróttafréttamenn frá sjónvarpstöðinni NBC í USA sýna Rúnari mikinn áhuga og afla sér upplýsinga um hann eins og aðrir fjölmiðlar hafa gert sem fjalla um fimleika.
Nánari upplýsingar um úrslit mótsins má sjá http://www.gymmedia.com/Athens04/

Rúnar Alexandersson mun keppa í úrslitum á sunnudaginn (22. ágúst). Samkvæmt fyrirliggjandi sýningardagskrá RÚV er ekki gert ráð fyrir að sýna í beinni útsendingu þegar Rúnar keppir í úrslitum.
Fimleikar eru á dagskrá RÚV sem hér segir:
Mánudagur 16. ágúst , 21:00, Samantekt af liðakeppni karla (0:00 Liðakeppni karla)
Þriðjudagur 17. ágúst, 21:00, Samantekt af liðakeppni kvenna (22:50 Liðakeppni kvenna)
Miðvikudagur, 18. ágúst, 0:00, Samantekt af úrslitum í fjölþraut karla
Fimmtudagur, 19. ágúst, 21:00, Samantekt af úrslitum í fjölþraut kvenna
Sunnudagur, 22. ágúst, 22:15, Samantekt af úrslitum á áhöldum karla og kvenna
Mánudagur, 23. ágúst, 22:50, Úrslitum á áhöldum karla og kvenna
Þriðjudagur, 24. ágúst, 8:00, Galasýning Ólympíuleikanna

FSÍ:
Þjálfaranámskeið FSÍ sérgreinahluti 2C - NÝTT

[16/08/2004]

Helgina 27.-29. ágúst heldur fræðslunefnd FSÍ nýtt þjálfaranámskeið, sérgreinahluti 2C, sem er hluti af þjálfaramenntunarkerfi ÍSÍ og FSÍ.
Námskeiðið er toppþjálfaranámskeið í hópfimleikum og almennum keppnisfimleikum. Þetta er framhaldsnámskeið þar sem farið verður í uppbyggingu og kennslu á erfiðum keppnisæfingum á gólfi, stökki á gólfi og trampólíni. Námskeiðið verður haldið í Reykjavík, er 30 kennslustundir og hefst á föstudeginum kl. 17:15. Nákvæm tíma- og staðsetning gefin út síðar.
Kennarar á námskeiðinu eru þau Dorte, Jakob, Kim og Mette öll frá danaveldi með menntun og reynslu á þessu sviði fimleika. Námskeiðið fer því að mestu fram á ensku og dönsku og skiptist í bóklega og verklega hluta.
Námskeiðið er ætlað þeim sem hafa lokið þjálfaramenntun á stigi 1 og 2A sérgreinahluta í nýja kerfinu, B og C stigi í gamla kerfinu, íþróttakennurum, kennurum og sjúkraþjálfurum sem og fimleikaþjálfurum með langa starfsreynslu í kennslu framhaldshópa.
Fræðslunefnd hvetur þjálfara framhaldshópa til að nýta sér þetta tækifæri enda margt bæði nýtt og spennandi á þessu sviði fimleika. Áætlaður fjöldi þátttakenda er 20-25.
Skráning fer fram á skrifstofu FSÍ, netfang: fsi@isisport.is og í síma 514-4060. Skila þarf inn sérstöku skráningarblaði, fylgir auglýsingu FSÍ og á fimleikar.is, fyrir 20. ágúst.
Námskeiðsgjald 12.000 kr. Umsóknareyðublað hér.

Félagsmál:
Fimleikar í fjörunni

[15/08/2004]

Meistarahópurinn í fimleikadeild Gróttu nýtti sér góða veðrið sem yljað hefur landsmönnum þessa vikuna, og skelltu sér á suðurnesströndina á Seltjarnarnesi milli æfinga.

Meistaraflokkur fimleikadeildar Gróttu

Áhaldafimleikar:
Allt klárt fyrir Ólympíuleikana

[7/08/2004]

Rúnar skoðar gryfjuna í salnum sem verður um 2300 fermetrar.

Sjá um Rúnar hér.

Rúnar Alexandersson hefur nú lokið undirbúningi fyrir Ólympíuleikana og mun hann keppa í Grikklandi á laugardaginn kemur. Síðasta sem Rúnar gerði áður en hann lagði af stað á sína þriðju Ólympíuleika var að skoða nýtt íþróttahús sem Kópavogsbær er að byggja en þar mun Íþróttafélagið Gerpla verða með framtíðar aðstöðu sína. Rúnar var mjög ánægður með að sjá hversu vel Kópavogsbær er að styðja við félagið með þessari aðstöðu sem verður að hans mati sennilega með því besta sem gerist í Evrópu.

Rúnar Alexandersson fyrir framan nýtt íþróttahús sem Kópavogsbær er að byggja. Þar mun Íþróttafélagið Gerplu hafa sýnar framtíðar aðstöðu. Með honum á myndinni er Kristján Erlendsson formaður Gerplu (t.h.), Jón Finnbogason varaformaður Gerplu (t.v) og Guðmundur Þór Brynjólfsson yfirþjálfari Gerplu en hann mun fara með Rúnari á Olympíuleikana.

Rúnari hlakkar því til að vinna með Gerplu í framtíðinni bæði í áframhaldandi keppnum og sem þjálfari við þessar frábæru aðstæður. Ásamt Rúnari fer Guðmundur Þór Brynjólfsson sem þjálfari á Ólympíuleikana. Berglind Pétursdóttir og Björn Magnús Tómasson fara sem dómarar.
Óskum við á www.fimleikar.is þeim öllum alls hins besta.

Félagsmál:
Varð að sleppa síðasta keppnistímabili en nú er allt á fullu

[3/08/2004]

Kristín Gígja Gísladóttir sem æfir fimleika í Kaliforníu hjá Almaden Valley Gymnastic Club varð að sleppa síðasta keppnistímabili vegna slæmra veikinda. Hún keppti á HM í fyrra með Íslenska stúlknalandsliðinu og stóð sig mjög vel. Stuttu eftir HM greindist hún með mononulceousis sýkingu. Hún gat þó gert stykleikaæfingar og fullar æfingar annars slagið. Hún náði næstum að komast á State Championship mótið. Hún hefur þó nú náð sér að fullu. Í sumar hefur hún æft frá kl. 9 til um 2 á hverjum degi. Að hennar mati þykir henni mest gaman af því að æfa á sumrin því þá gefst tækifæri til þess að æfa nýjar æfingar. Á stökki er hún nú að æfa Kasamaatzu eða tsukahara með heilli skrúfu. Á slá er hún að æfa flikk, flikk án handa, flikk. Auk þess afstökk á slá með tveimur og hálfri skrúfu. Á gólfi hefur hún verið að æfa "front handspring front layout with a full twist punch front" og "whip back". Það er alveg ljóst að Kristín Gígja hlakkar mikið til næsta keppnistímabils þar sem þessar æfingar ásamt fjölmörgum öðrum verða framkvæmdar af mikilli nákvæmni fyrir framan dómara og aðra keppendur. Vonandi kemst Kristín Gígja á State Championship mótið og verður til sóma fyrir Íslenska fimleikaiðkendur.

Nokkrar stúlkur úr keppnisliði Almaden Valley Gymnastics Club en Kristín Gígja er lengst til vinstri í fremri röð.
Myndir hér

	Það er óhætt að segja að æfingasalurinn sem Kristín æfir í er sannkallaður æfingasalur. Aðrir sem sett hafa upp eða hyggja á því að setja upp eða breyta æfingaaðstöðu sinni ættu líta til þess hversu vel plássið er nýtt í
	mörgum fimleikahúsum þar sem markmiðið er fyrst og fremst æfingaaðstaða.

Eldri greinar um Kristínu Gígju Gísladóttur hér.