Hvar get ég byrjað í fimleikum ?

Fimleikar er mjög vinsæl íþrótt meðal annars vegna þess hversu góðan grunn iðkendur fá fyrir aðrar íþróttir. Á hverju hausti byrja því mörg hundruð börn í fimleikum og fimleikasalirnir fyllast af kappsfullum ungum krökkum í bland við þá sem eru lengra komnir í greininni. Til að hjálpa foreldrum með hvar fimleikar eru stundaðir þá má hér sjá lista yfir þau félög sem bjóða upp á fimleikakennslu. Öll félögin á listanum eru aðilar að Fimleikasambandi Íslands.

Stúlknalandsliðið toppar á HM

Stúlknalandslið Íslands, sem er skipað þeim Sif Pálsdóttur, Tönju B. Jónsdóttur, Ingu Rós Gunnarsdóttur og Kristínu Gígju Gísladóttur, hefur lokið keppni á HM og hlutu þær samtals 123,11 stig. Allar náðu þær að skila sínum besta árangri hingað til á einstökum áhöldum eða samanlagt. Árangur þeirra er því framar björtustu vonum því á móti eins og HM er dómgæsla mjög ströng og því erfitt að ná sínum hæstu einkunnum á slíku móti. Það tókst okkar stúlkum og er það sigur fyrir þær enda mættu þær allar mjög ákveðnar til leiks. Kepptu þær í nýjum glæsilegum svörtum og rauðum bolum.
Undanúrslit hér (staða kl. 01:30 ísl. tíma 19/8)
Undanúrslit í liðakeppni hér (staða kl. 01:30 ísl. tíma 19/8)
Meira

Rúnar í 32. sæti í undanúrslitum. Öruggt sæti á ÓL

Eftir að allir keppendur hafa lokið sér af í undanúrslitum liggur nú fyrir að Rúnar Alexandersson úr Gerplu hafnaði í 32. sæti af 323 keppendum sem skráðu sig til leiks á HM í fimleikum í Kaliforníu í USA. Er þetta hans besti árangur til þessa en hann var inni í keppni í undanúrslitum allt fram á síðustu stundu en endanleg niðurstaða varð sú að hann er annar varamaður inn í 24 manna fjölþrautarúrslit (sjá hér) með aðeins 0,299 mun á að komast inn í úrslitin. Þrátt fyrir að komast ekki í úrslit á einstökum áhöldum eða í úrslit í fjölþraut er þetta hans langbesti árangur til þessa í keppni í fjölþraut.
Með þessum frábæra árangri hefur Rúnar tryggt sér öruggan keppnisrétt á Ólympíuleikunum á næsta ári. Er hann inni sem þriðji keppandi utan liðaúthlutunar (keppandi númer 87 af 98 sem keppa á ÓL) og kemst hann inn við úthlutun á sætum númer 85 - 94 (sjá reglur hér og útreikning hér).
Úrslit í liðakeppni hér. Úrslit í einstaklingskeppni hér. Keppendur í fjölþrautaraúrslitum hér. Úrslit á einstöku áhöldum hér. Heimasíða mótsins hér.

Rúnar inni í úrslitum í fjölþraut og á bogahesti. Keppnisréttur á ÓL í höfn. Þó eiga enn nokkur lið eftir að keppa.

Rúnar Alexandersson úr Gerplu hafnaði í 18. sæti í undanúrslitum á fyrsta degi HM með 54,386. Er árangur hans frábær og er allt útlit fyrir að hann hafi tryggt sér keppnisrétt á Olympíuleikunum í Aþenu á Grikklandi eftir eitt ár. Miðað við núverandi stöðu keppninnar þá mun hann taka þátt í úrslitum í fjölþraut þar sem aðeins 24 bestu fimleikamenn í heimi geta tekið þátt auk þess að taka þátt í úrslitum á bogahesti þar sem 8 stigahæstu í undanúrslitum taka þátt en Rúnar hafnaði í 7. sæti í undanúrslitum á bogahesti eftir fyrsta daginn. Úrslit í fjölþraut fer þannig fram að efstu 24 úr undanúrslitum keppa á öllum áhöldum en þó aðeins 2 frá hverri þjóð. Þess ber að geta að nú eiga nokkrar þjóðir eftir að keppa t.d. USA, Frakkar og Kína. Af mörgum er 24 manna úrslitakeppni í fjölþraut talin vera mikilvægasta keppnin í áhaldafimleikum á ári hverju. Ísland hefur aldrei áður átt keppanda í 24 manna úrslitum og ef Rúnar heldur sig innan við efstu 24 eftir síðari hluta þá verður um að ræða stórkostlegan sigur fyrir Rúnar og fimleika á Íslandi. Keppnisréttur Rúnars á ÓL virðist þó vera í höfn m.v. úthlutunarreglur á sætum 85 - 94 á ÓL sjá reglur hér.

Dýri Kristjánsson úr Gerplu hafnaði í 97. sæti eftir fyrsta daginn með 46,487 stig sem verður að teljast mjög góður árangur fyrir hann þrátt fyrir smávægileg mistök á bogahesti. Jónas Valgeirsson úr Ármanni fékk 41,324 stig og hafnaði í 126. sæti eftir fyrsta daginn sem einnig verður að teljast góður árangur þar sem hann fékk aðeins 4,45 stig á bogahesti sem er nokkuð undir hans getu en hann gerði aftur á móti mjög gott stökk og fékk 8,5 stig sem er hans hæsta einkunn á stökki á þessu ári. Keppendur voru 188. [Meira]
Úrslit liðakeppni hér. Úrslit einstaklingskeppni hér. Heimasíða mótsins er hér.

HM í fimleikum

Eins og margoft hefur komið fram er Ísland með stóran hóp keppenda á HM í Anaheim í Kaliforníu. Heimsmeistaramótið var sett föstudaginn 15.8. kl. 19.00 að staðartíma.
Keppnin hefst síðan á laugardag, íslensku strákarnir keppa á laugardaginn 16.8. kl. 19.00 - 21.00 að staðartíma en stelpurnar keppa á mánudaginn 18.8. kl. 14.00 - 16.00 að staðartíma.
Heimasíða mótsins er: http://www.worldchampgym2003.com/

Ólympíuhátíð Evrópuæskunnar 2003 í París

Fimleikastúlkurnar Harpa Snædís Hauksdóttir og Hera Jóhannesdóttir báður úr Gróttu tóku þátt í Ólympíuhátíð Evrópuæskunnar, sem fór fram í París í Frakklandi dagana 26. júlí til 2. ágúst sl.
Á mótinu var stór hópur frá Íslandi eða 49 keppendur, þar af 17 drengir og 32 stúlkur, í íþróttagreinunum borðtennis, fimleikum, frjálsum íþróttum, knattspyrnu, júdó og sundi. Auk þess voru 19 þjálfarar og farastjórar eða alls 68 manns.
Meira Myndir hér.

Gymnaestrada