Góður árangur á Norður Evrópumót í áhaldafimleikum

Á Norður Evrópumótinu sem fram fór um helgina hafnaði Rúnar Alexandersson Gerplu í 2. sæti í fjölþraut með 52.1 á eftir Michael Hjort sem sigraði með 52.7 stig en Rúnar sigraði á bogahest í úrslitum með 9,7 í einkunn sem er sennilega með bestu einkunn sem Rúnar hefur fengið.  Anton H. Þórólfsson Ármann, hafnaði í 17. sæti með 39.9 stig.

Sif Pálsdóttir Gróttu hafnaði í varð efst íslensku stúlknanna og hafnaði í 14. sæti í fjölþraut með 30.225 stig og Inga Rós Gunnarsdóttir Gerplu þar næst á eftir í 15 sæti með 29.775 stig.  Okkar stúlkur komust ekki í úrslit á áhöldum.

Úrslit mótsins má finna inn á linkunum í fréttinni hér að neðan.  Stefnt er að því að setja inn myndir af mótinu á sérstaka síðu síðar í dag eða á morgun þegar keppendur mótsins hafa sent þær til okkar.

                                                                                                                     11/11/2002 JF

Haustmót í hópfimleikum

Haustmót í hópfimleikum verður haldið í Íþróttahúsinu Austurbergi 23. nóvember n.k. í umsjón Fimleikadeildar Ármanns.

                                                                                                                     11/11/2002 AM

Bjarkirnar í 8. sæti í úrslitum á EM í hópfimleikum

Lið Fimleikafélagsins Bjarkar hafnaði í 8. sæti með 24,9 stig í úrslitum á Evrópumótinu í hópfimleikum sem var að ljúka rétt í þessu.  Liðið fékk 8,8 stig á gólfi, 7,8 stig á trampolíni og 8,3 stig á dýnu.  Að sögn Þrastar Hrafnssonar þjálfara stúlknanna þá eru stelpurnar vissulega ánægðar með að hafa komist í úrslit þó að betur hefði mátt ganga í dag.  Á mánudaginn (4/11) má sjá á síðunni videomyndir af keppninni og aðrar myndir auk úrslita.

Evrópumeistarar urðu Danir og Svíþjóð varð í öðru og þriðja sæti.

                                                                                                                 2/11/2002 JF

                                                                                                                Guðmundur fær þjálfarastyrk

Guðmundur Þór Brynjólfsson var að fá þjálfarastyrk frá ÍSÍ.  Styrkurinn er að upphæð krónur 50.000,-  Eins og kunnugt er þá er Guðmundur nú í framhaldsnámi í Ástralíu en hann er sjúkraþjálfari að mennt og hefur þjálfað fimleika í Gerplu til margra ára auk þess að gegna ýmsum trúnaðarstörfum fyrir Fimleikasamband Íslands.

Til gamans má geta þess að Guðmundur er tíður gestur á www.fimleikar.is og fær hann þessar fréttir með því að lesa þær hér þar sem fréttir af fimleikamálum birtast fyrst !!! 

                                                                                                                  30/10/2002 JF

Samæfing fyrir Evrópumót

Samæfing verður fyrir hópana frá Björk og Stjörnunni sem eru að fara á Evrópumeistara-mótið í Frakklandi í Bjarkarhúsi sunnudaginn 26. október kl. 17:00, allir velkomnir

                                                                                                                  23/10/2002 AM

 

Um fimleikar.is